翠河餐廳 鰂魚涌

翠河餐廳 評價 相片

由於小弟公司極不人道，食飯時間連一粒鍾都無係鰂魚涌入面想食個快飯真係選擇唔多，所以選左依間連鎖店食夜晚。

基本上佢既餐單係由午餐到晚餐都係一樣，只係有午餐同晚餐價錢分別L1L7係每日不變既餐單而A至G係每日會唔同既天氣比較凍，好想食邪惡野所以選擇左梅菜扣肉飯明明餐單寫凍飲或例湯但侍應好好，送左碗湯比我飲如果唔夠食仲可以叫多飯個梅菜扣肉真係幾香，係肥位偏多少少既扣肉入口即溶，但真係好邪惡梅菜就比較咸，配啖飯就岩岩好依間餐廳既凍檸茶偏苦個人就覺得麻麻地下次有機會就試下杯凍央今晚夜晚50蚊唔洗係鰂魚涌黎講真係算平

是日與常秘、政助等一行人到鰂魚涌巡視，工作過後饑腸轆轆，沿電車路行走，途經翠河，遙想當年馬王翠河雄姿英發，遂率領眾人入內進餐。

一行人點下沙薑雞、生炒骨、椒鹽鮮尤、欖菜肉鬆四季豆。

沙薑雞算滑，生炒骨香脆可口，椒鹽鮮尤正常水準。

欖菜肉鬆四季豆為驚喜之作，鑊氣十足，四季豆、肉碎、欖菜共冶一爐，炒得甚香，眾人讚不絕口，屬本局長推介之選。

總括而言，此茶記中菜質素不俗，四季豆鑊氣十足，眾人大快朵頤，盡興而歸。

同同事係附近第一次上公司training，見呢間唔使排隊，就入啦。

由一開始落單，張單已經同隔離搭檯既撈亂左🙄。

然後去到野飲，因為搭檯既叫左同一杯野飲（凍奶茶走甜），班侍應講極都唔明要擺低兩杯，堅持要攞走其中一杯🙄🙄杯野飲因為無落糖，完全飲得出係水喉水🤮去到野食黎，個五香肉丁炒飯完全唔值46蚊！兩粒肉丁整散炒一碟頽飯！！🙄🙄🙄🙄對白眼已經返左去後腦。

好啦去到買單，個收銀啊姐極無禮貌，叫佢唱個兩蚊變兩個一蚊，串柒柒咁丟返個兩蚊（係丟！），話自己都要找錢。

大佬啊，你話無咪無，又要做埋d咁既動作，重點係我見到個收銀機裡面係有成格一蚊銀。

唔知以為間餐廳你自己開啊，咁既態度！never again！

星期六早上與老公去食午餐，我叫常餐，老公叫左個窩蛋牛肉飯，但一粒牛肉碎都無，根本是蛋加蕃茄汁🙄跟住有對夫婦帶著個小朋友坐我們前面，太太問職員仲有冇早餐，職員好差咁丟下個餐牌，話好快手啦，剩低5分鐘。

個老公一分鐘已即舉手叫職員落單，但2個職員行過都話等等，之前個職員來到就話人，嘩，仲未叫啊？咁冇得食架了喎。

態度差到好似人哋去乞食咁。

跟住來左碗通粉，見個老婆叫人換，原來有隻小動物喺度游水。

成個場得個男士態度係好嘅，其他都係愈叫愈走，只係同熟客傾偈，生客冇人理。

食完問個收銀廁所點行，佢好串咁講:行出去啦！問多句佢至話廁所喺外面橫巷。

所以咁嘅態度，咁嘅食物質素真唔會再去食啦！

星期日冇節目，又系早餐時間，又系翠河。

翠河近家方便，加上價錢經經濟濟，是我飯堂。

翠河星期六、日早餐食到12點 ，真系照顧周到。

平時多數食 C餐，C餐是英式早餐，有北海道牛乳炒滑蛋、茄汁豆、煙肉、腸仔、火腿 及蒜香牛油多士半件。

今日換下口味，轉吃F餐吉列魚柳早餐。

吉列魚柳早餐有吉列魚柳、沙律、北海道牛乳炒滑蛋和蒜香牛油多士半件。

吉列魚柳夠大塊，炸得金金黃黃，好香口，配沙律食，味道好夾。

炒滑蛋轉了太陽蛋，蒜香牛油多士都唔錯。

至於杯絲襪奶茶，保持港式奶茶水準，香滑潤喉。

翠河餐廳餐單提供港式, 茶餐廳, 冰室等推介美食位於鰂魚涌區，餐廳座位數未知人均消費約$51-100，結賬可以用AlipayHK,支付寶,現金,八達通。

您對於鰂魚涌餐廳「翠河餐廳」有何 comment？

翠河餐廳餐廳詳細資料：

• 翠河餐廳地址:
  鰂魚涌英皇道933號御皇台5-9號舖
  Green River Restuarant, Shop5-9, Royal Terrace,933 King's Road, Quarry Bay
• 翠河餐廳電話:  
• 翠河餐廳價錢: $51-100
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金,八達通
• FB專頁: 翠河餐廳 Facebook

更多翠河餐廳相關資料:

• 翠河餐廳分店
• Youtube
• Facebook
• Twitter
• Google