粥麵館 鰂魚涌

粥麵館 評價 相片

朋友話成臉暗瘡，不要吃煎炸油膩的食物，於是喺鰂魚涌不難找到吃粥的地方，受朋友推介於是去了米之蓮推介的粥麵館。

粥麵館是高價路線，位於嘉里中心裡面，環境華麗堂皇，也因為下午茶時間關係，店舖內人流稀疏，環境寧靜怡人。

這間粥店雖走貴價路線，但餐牌價錢亦嘗試走平民化，提供下午茶餐牌。

於是我和朋友各叫了一個下午茶餐，餐包括：瑤柱白果白粥及煎腸粉。

瑤柱白果白粥：瑤柱都煲得熟透溶於粥裡，而碗裏大約有四至五粒白果，粥夠熱辣辣亦都煲得很綿，要小口吃否則會辣傷舌頭👅。

煎腸粉：只配有小辣的蠔油醬，需自己額外叫店員加添芝麻及麻醬，與平時吃開的煎腸粉不同。

調味淡淡的。

整體來說：下午茶寧靜地方及吃清淡小吃的好去處，價錢平民且高價享受。

而由於我今次是吃下午茶關係，沒有吃他出名的雞粥或撈麵，是可再去的地方，下次必試他的出名粥、撈麵。

最後，下午茶並沒有收+1服務，亦都沒有收茶位，而他的茶應該是普里（希望沒有錯），茶味芬香怡人，值回票價。

今日同同事去食lunch，有個同事話想食蒸飯，我第一時間諗起粥麵館。

除咗環境比較舒適之外，蒸飯都係幾唔錯的。

不過我平時食得多蒸飯，今次打算試吓新菜式。

就叫左個原汁牛筋撈麵。

原汁牛筋撈麵$63原本都以為撈麵通常都食唔飽我，點知出奇既大份，不論牛筋同麵都好有份量。

牛筋有好多條，全部都好入味，食落都好淋，無一條係硬的，十分出色。

粗麵都好好食，個底有濃濃既牛腩汁。

佢另外會提供一碗湯，如果你覺得太乾都可以落少少湯落個麵到食。

油菜（全走）$22

第一次嚟呢間係商業大廈嘅「粥麵館」，好似高級版嘅粥麵舖😆原汁牛腩撈麵（$60）牛腩同埋麵都多啲👍🏻牛腩好腍冇乜筋😋腩汁好味🤤原汁牛腩湯麵（$46）牛腩少一兩舊，但係麵嘅份量都差唔多。

個湯唔會太鹹👌🏻淨牛腩 小（$68）仲以為叫咗大份😮有好多舊，好抵食🤩👍🏻又腍。

炸醬魚片頭撈麵（$68）仲話係米芝蓮推介俾佢呃左🙁冇乜特別又唔係好食，肉絲唔係好多。

淨魚蛋八粒（$43）未食個魚蛋咁腍得嚟又彈牙😮😋有八粒都幾抵食👍🏻值得推介😍湯灼魚球 六粒（$30）鯪魚球唔得😞好細粒同埋冇乜味。

紫菜魚蛋米線（$45）有五粒魚蛋😍，米線都唔少，竟然係用新鮮魚湯🥰我都飲晒成碗😋食完之後唔會覺得好鹹。

雖然係貴D，但係環境都乾淨D，服務態度幾好，但係留咗一兩單😓係個鯪魚球同埋炸醬麵唔得，其他食物都唔錯👍🏻但係就有加一

首先這間餐廳感覺10分整潔，職員態度很好，可能因為人手充足。

第一次去食因為牙痛，所以要食粥。

叫咗碗皮蛋瘦肉粥，真係好好味。

皮蛋同瘦肉都大大粒，瘦肉味道不錯，不會太鹹。

啲粥好明顯係唔同其他粥店嘅質素。

整體來講我覺得係一個有用心機去煲嘅粥。

另外牛腩麵亦都係經常食。

每次水準都可以keep到。

但係碗麵的確細碗左啲，如果要食得飽就要食兩碗 😅。

啲牛腩係好林，腩汁唔係好濃，所以啲湯係可以飲。

如果要飽，叫撈麵就一定飽啦。

位於嘉里中心1/F, 同事講起它係米芝蓮曾經推介，所以一行4人一齊去試試，到左門口已心生疑問🤔️，點解 lunch 可以咁少人，唔使排隊，試完就明白了。

一坐低，見到枱面有兩隻小昆蟲爬行🤢，之後點餐時，同事問待應可唔可以轉米線，答可以，及後待應攞住張單話轉米線要加$5，同事話咁唔轉啦，回覆係入左機唔轉得，結果經過一轉爭論完，才可以唔轉；到碗粉棃左，發現得勁，勁，勁少湯，食到1/3已經冇曬湯，叫待應加湯，結果換來經理通知加湯要收$10（態度惡劣）。

我真係唔明，推介咩呢，環境 唔ok， 食物 唔 ok， 服務 唔 ok。

粥麵館餐單提供粵菜, 廣東, 粉麵, 米線, 粥品等推介美食位於鰂魚涌區，餐廳座位數未知人均消費約$51-100，結賬可以用現金，Booking訂位可以電話致電 27500208 查詢。

您對於鰂魚涌餐廳「粥麵館」有何 comment？

粥麵館餐廳詳細資料：

• 粥麵館地址:
  鰂魚涌英皇道683號嘉里中心2樓
  Congee and Noodle Shop, 2/ F, Kerry Centre,683 King's Road, Quarry Bay
• 粥麵館電話: 27500208
• 粥麵館價錢: $51-100
• 分類: 粵菜, 廣東, 粉麵, 米線, 粥品
• 座位: 未知
• 付款: 現金
• FB專頁: 粥麵館 Facebook

更多粥麵館相關資料:

• 粥麵館分店
• Youtube
• Facebook
• Twitter
• Google