爭鮮外帶壽司 鰂魚涌

爭鮮外帶壽司 評價 相片

早係北角已食過呢間野, 佢果個38蚊三文魚飯幾好食, 大大舊之餘仲有魚子醬配之後原來係公司附近開左間分店, 就梗係試下佢其他野食平均都係3蚊件, 仲平過吉XX買左三文魚同燒三文魚Total 20蚊有找, 唔錯先講講三文魚, 味道雖然冇吉XX咁好, D飯仲要係淋既, 但起碼舊魚大件, com食而燒三文魚就梗加唔錯, 食得出果種燒烤味如果以呢個價錢黎講已經唔錯果度仲有栗子, 其他日本野食賣, 總叫選擇多如果預算唔夠,或粗粗地食一餐當tea,呢間野唔錯(下次試埋其他壽司先)

無可否認,我食過幾次爭鮮,總是覺得不太美味,但亦理解一分錢一分貨既道理.所以通常聽到要食爭鮮,心裡都會好煩惱我不愛爭鮮的原因,因為剌身類好多款都無味道,所以只挑選三文魚比較合適.這個三文魚腩的確肥美,而且富彈性,入口即溶,但魚味還是不算好濃.比較出色的是那個鰻魚蔥卷,蔥花巧妙地把少少的鰻魚肉味道變得更豐富!蔥香十足其他壽司味道真的好一般3蚊件,或者應該要選一些非魚生類既壽司食,才能正確欣賞

近年爭鮮分店愈開愈多,可能港島區租金較高,以前只會o係九龍及新界開分店,舊年爭鮮終於o係港島區插旗,繼北角及炮台山後,四月中o係鰂魚涌開分店新店開張頭三日有壽司特價,平時賣$3一件壽司,特價$2一件,之前網上流傳呢間分店幾時開張,知道爭鮮習慣新開張分店有$2一件壽司優惠,所以新店開張首日放工後,我專程去呢間分店買特價壽司當晚大約8pm 去到鰂魚涌分店,見到店外行人路有大約十幾人排隊,店員會向客人派發膠盒,每人每次最多可買20件特價壽司,其中三文魚壽司最多可買10件,若果超過20件壽司就要以原價$3一件計算等左大約10分鐘,就輪到我入去舖頭買壽司店內相當多人,職員不停添加壽司,可能新店開張關係,部份壽司款式賣晒,未必有咁多選擇,當晚見到大約有12款壽司選擇壽司店冇夾提供,各人都忙碌地用手揀壽司,或者會有少少不衛生當晚唔見有散裝三文魚壽司出售,店員話呢款壽司一定要買成盒,一盒有10件我就選左一盒三文魚壽司,另外選多10款壽司去收銀處俾錢,收銀員會根據顧客買幾多壽司去俾自家製作o既豉油及日式芥辣,根據本人經驗,愈買得多壽司,店員比例上係會俾多o的客人豉油及日式芥辣架買完壽司就搭車返屋企開餐三文魚壽司o的三文魚算係合格,唔係好薄一片,好抵食,可能成本較高關係,呢款壽司每人只可以用每件$2價錢買10件另外10件壽司我選左沙律壽司,飛魚籽壽司,希靈魚壽司,玻璃蝦壽司,龍蝦沙律壽司,中華沙律壽司,辣味螺肉壽司,芥辣墨魚壽司,螺肉壽司等款式我覺得比較特別係希靈魚壽司,希靈魚幾彈牙,或者唔係大路款式,印象中希靈魚壽司唔係咁多日式餐廳有得食,以前爭鮮都唔見有得賣芥辣墨魚壽司係一款唔洗再點豉油及日式芥辣o既壽司,撕開包裝膠紙就可以即食,幾好食整體黎講爭鮮壽司係抵食,新鮮及方便,由於賣得平,自然多人買,食物流量大就會比較新鮮,對於我黎講,日式芥辣算係夠辣,食到有少少攻鼻效果壽司飯粒唔會太酸,由於壽司由機器製作,飯團係會散散地,紫菜雖然唔脆但唔會淋晒可能成本關係,壽司店冇外賣筷子提供,若果大家唔係買返屋企食,就要用手拎住舊壽司點豉油及日式芥辣今次新店優惠賣每件$2,其實就算賣$3一件都應該收貨,日後如果再有新店優惠,若果地點方便,我都可能會專程搭車買壽司,因為每件慳$1,買夠20件就可以慳$20

爭鮮外帶壽司餐單提供日本菜, 壽司, 刺身, 外賣店等推介美食位於鰂魚涌區，餐廳座位數未知人均消費約$50以下，結賬可以用現金,八達通。

您對於鰂魚涌餐廳「爭鮮外帶壽司」有何 comment？

爭鮮外帶壽司餐廳詳細資料：

• 爭鮮外帶壽司地址:
  鰂魚涌英皇道993號地下2號舖
  Sushi Take-Out, Shop2, G/ F.,993 King's Road, Quarry Bay
• 爭鮮外帶壽司電話:  
• 爭鮮外帶壽司價錢: $50以下
• 分類: 日本菜, 壽司, 刺身, 外賣店
• 座位: 未知
• 付款: 現金,八達通
• FB專頁: 爭鮮外帶壽司 Facebook

更多爭鮮外帶壽司相關資料:

• 爭鮮外帶壽司分店
• Youtube
• Facebook
• Twitter
• Google