大業車仔麵 鰂魚涌

大業車仔麵 評價 相片

太古大業車仔麵包菜蜜 or 豆漿三餸油麵腩汁油麵煙刃不重鹼水味。

牛肚好入味 夠林 有咬口。

鹵水雞翼 不會太咸，肉質不錯。

魚皮夠爽，咸香為主。

整體偏咸，菜蜜可中和咸味。

$37 太抵食了。

師傅之前講過黎緊會寫一系列關於車仔麵嘅食評，所以繼續去搵車仔麵黎食。

位於鰂魚涌太古中間，車仔麵嘅食店真係冇乜幾多間，有得食都要偷笑啦! 由於冇乜得選擇，師傅只好黎呢間食店，食個車仔麵午餐。

入到去，放飯時間都幾多人，師傅一條冷當然好易搵位，坐底後二話不說就攞起張紙同支筆，好似答緊MC咁係咁劃😂。

師傅一口氣劃左豬紅，豬皮，豬腸，牛筋腩，沙爹牛肉同腐皮卷，粉絲做麵底，配上辣汁同腩汁，六個餸，再揀左杯豆漿。

說時遲那時快，車仔麵就放左喺師傅面前。

個侍應姐姐係咁話師傅要六個餸，偏偏黎到得五個餸，咩玩法先? 左睇右睇先發現少左一個腐皮卷，同個姐姐講左兩次才還師傅一份腐皮卷，真係搞笑。

一如以往，師傅第一啖當然是試下個湯底，湯底味道普通，唔香唔辣，沙爹味，牛腩味，辣味，樣樣味有少少，但就係唔算好味，到底係食店問題定師傅問題呢? 再試下豬紅，豬紅四四方方細細粒，味道就滷得一盤，入口唔滑亦冇煙煙韌韌嘅口感，一夾就碎，都幾普通下。

豬皮正常嘥屎，入口零爽口加上勁腍，超冇癮，失敗。

至於豬腸就炆得唔腍，有渣，係幾厚身但算韌，唔掂。

反而個牛筋腩又幾好，牛筋比牛腩好，牛筋夠腍夠膠，入味，牛腩就乾身同鞋口少少，牛筋間接提高返師傅少少食慾。

沙爹牛肉就正正常常，就係沙爹牛肉囉，冇特別。

另一敗筆就係腐皮卷，話佢係腐皮卷倒不如話佢係魚肉卷好過，味道唔得，腥腥地，真係千萬唔好試。

至於個粉絲都冇特別，係勝在多，份量撘夠。

最後杯豆漿都幾好味。

總括嚟講車仔麵水準絕不合格，環境普通，唔算乾淨舒服，埋單50蚊，50蚊有六個餸送埋豆漿，只要冇乜要求，都算扺食嘅。

笑臉肯定比唔到，唔喊都係因為扺食撘夠，再黎機會不大。

相比從前，好似仲差左。

放工去physical 做gym最好嘅晚飯宵夜選擇。

有次，誤打誤撞，吾知食咩好，知道要食d野，但又吾可以食到好飽，見到一間好本地嘅茶餐廳，梗係入去支持下。

入到去，到叫做乾淨嘅，吾死得人gei, 叫我最鐘意食嘅豉油豬扒飯，一黎到，真係即叫即做，好熱好好味。

份量叫做arm arm 好，不過，有時候，肚餓上黎，真心吾夠食。

d豬扒好香好好食，都叫做夠食。

如果一個愛好豉油豬扒飯gei 你，一定一定一定要去食，價錢適中，老闆好好人。

Hahahaha hahha!!!

唔知點解,次次睇完星爺既食神,都想去食車仔麵,因為覺得車仔麵要做得好食真係好難,湯底,配料樣樣都要精,唔係求求其其煮埋一堆就得.但係無奈地,好食既總唔係附近.但係想起屋企行一段路有間大業車仔麵好似開左好耐,就決定去試一下啦.呢條街成日都有渠味,真係好惡頂,好彩今次索唔到.先叫個魚蛋,沙嗲牛肉,羅白米線試一試,加凍飲就TOTAL:34.價錢合理其實一上場,我就覺得中伏,因為碗野好空虛.可能因為個碗太大.湯底淡淡的,無咩味道.魚蛋無咩彈性,魚味亦一般,牛肉好散,被鬆肉化整成零口感既肉.好彩羅白無渣帶少少甜.米線份量極為少,食完都幾唔滿足.所以食神講野真係值得參巧,係要用心先得

Reviewed on 2013年5月3日 鰂魚涌大業三餸麵轉丁 彈牙: 8/10 味道: 9/10 硬度足夠，但欠缺了彈牙的咬口，麵本身的味度尚算okay。

轉丁+$3 (此店沒有公仔麵，本身麵為幼麵或粉河等。

)

大業車仔麵餐單提供港式, 粉麵, 米線, 湯品, 雲吞, 餃子, 快餐店, 小食店等推介美食位於鰂魚涌區，餐廳座位數20人均消費約$50以下，結賬可以用現金。

您對於鰂魚涌餐廳「大業車仔麵」有何 comment？

大業車仔麵餐廳詳細資料：

• 大業車仔麵地址:
  鰂魚涌佑民街8號地下(近116隧巴總站)
  大業車仔麵, G/ F, No.8 Yau Man Street, Quarry Bay
• 大業車仔麵電話:  
• 大業車仔麵價錢: $50以下
• 分類: 港式, 粉麵, 米線, 湯品, 雲吞, 餃子, 快餐店, 小食店
• 座位: 20
• 付款: 現金
• FB專頁: 大業車仔麵 Facebook

更多大業車仔麵相關資料:

• 大業車仔麵分店
• Youtube
• Facebook
• Twitter
• Google