味軒台式料理 鰂魚涌

味軒台式料理 評價 相片

今日行經…見到開佐間店…唔知係我之前冇留意…定係岩岩新開呢…唔理啦…好餓…一於試下呢間野食先…叫佐個滷蛋肉燥撈米同珍珠奶茶….um…滷蛋肉燥撈米味道很單薄…冇咩特別…而且好似整一整熱就撈埋一起食既普通野…至於珍珠奶茶的味道就更普通…奶茶味道很淡…珍珠也不太好味…成個餐已經$29了….一般一般的…冇咩好食之處!

今日12點同最d幾個同事去食lunch, 由於我和另一位同事並不肚餓, 所以打算share一個餐, 落單時個樓面女人見有地5個人叫4個餐, 指住張紙話"呢度最低消費每位$30", 我同同事叫個餐$42, 諗住落多杯$18飲品, 個樓面寫完仲用唔咸唔淡既廣東話好串咁講, "最低消費唔係prorata計, 所以你地咁叫都唔得!".我同同事好無奈, 唯有落多個餐. 之後個女人行開左, 我同果位同事諗諗下都覺得好嬲, 有最低消費冇彈性都算, 個女人態度仲差到咁, 我同個同事就話不如我地兩個去第二度食, 然後同個另一個樓面講取消二個餐, 點知落單前後一分鐘都冇, 佢話"唔得喎, d野出左" 我個同事慶慶地咪話"唔係呀, 我地而家走, 你取消左佢" 咁就走左....因為仲有3位同事o係度食, 之後佢地話返俾我聽, 個女人仲係咁鬧我地叫左又唔食, 幾位同事的飲品仲等左勁耐都唔出, 最後催佢, 個樓面好用力"啪"一聲咁擺係台面.事後感覺, 呢間野係太古坊黎講價錢不便宜, 食物質素低, 服務又差, 只可惜太古坊太多office, 太少食肆, 否則點會仲生存到, 呢間簡直係黑店!!

台式餐廳，午市提供十數款午餐，連飲品一杯四十餘元。

今天試了一客鹵水蛋肉燥菜飯，一般水準喇，肉燥偏瘦，醬汁唔夠香。

另加幾元叫了一杯楊枝金露，賣相和相片所示的有D距離，味道亦麻麻地，有D失望。

13/2(五) 4:30pm跟同事H小姐下了約定,逐一擊破"海"字頭食店.跟港台混血兒結伴到此台式小店試菜.典型小店格局,裝潢樸實,小試牛刀,吃了下午茶:排骨肉燥飯$28及滷蛋肉燥撈米$26;跟台式飲品荔枝玉露及珍珠奶茶(加$5).排骨肉燥飯上一口排骨,肥瘦均勻,肉質尚腍身,唯豬味遜,談不上香口鬆化.滷蛋肉燥撈米各自弄熟,再撈在一起,味道互不相干的撈米感覺濫竽充數,肉燥汁稀身味單薄,滷蛋光鹹沒滷香.珍珠奶茶同事口中的奶茶濃及甜度略欠,珍珠則屬合意的煙韌/荔枝玉露反觀荔枝玉露只喫到甜味...揮之不去的港味台店...

10/4/2008 離開辦公室行到黎都1pm,等左1015分鐘先有得入我地幾個等緊既時候,另一組5人又等職員話我地張埋緊單,另一張執緊野見到裡面其他人仲食緊,擺明個職員出口術想留住個客,有d cheap囉我地5個人入到去,被極速叫野,好似叫慢d會死之後上菜又好快,我個台式牛肉飯($40)第一個到所謂既台式牛肉原來只係牛展薄薄數片、半隻鹵蛋、少許肉燥加汁完全同我之前去台灣食既唔同,失望之後係3個同事既排骨,分別配白飯($40)、配米粉($38)、配菜飯($42)佢地話個排骨幾好,唔會好難咬,配個汁幾夾最後係老闆既台式牛肉竹筒飯($42),上桌賣相幾靚既,不過貴$2就係用竹筒上飲品就3杯珍珠奶茶(各+$5),見每都有人叫我諗應該唔差凍檸茶,凍檸水(各+$3),普通貨色啦,唔會太甜雖然冇叫少甜埋單共$223,呢區食飯都係咁上下價錢,不過可以有更好選擇是次第一次同老闆食飯,佢請左我同另一parttime呢一餐,多謝哂!

味軒台式料理餐單提供台灣菜, 台式飲品, 湯品, 快餐店等推介美食位於鰂魚涌區，餐廳座位數36人均消費約$50以下，結賬可以用現金。

您對於鰂魚涌餐廳「味軒台式料理」有何 comment？

味軒台式料理餐廳詳細資料：

• 味軒台式料理地址:
  鰂魚涌海堤街10號地下A舖
  味軒台式料理,  
• 味軒台式料理電話:  
• 味軒台式料理價錢: $50以下
• 分類: 台灣菜, 台式飲品, 湯品, 快餐店
• 座位: 36
• 付款: 現金
• FB專頁: 味軒台式料理 Facebook

更多味軒台式料理相關資料:

• 味軒台式料理分店
• Youtube
• Facebook
• Twitter
• Google