味力冰室 鰂魚涌

味力冰室 評價 相片

行過見到哩間玩味懷舊冰室，裝潢夠玩味，掛滿左舊香港照片，三點三，最爽皮梗係食返隻炸脾做下午茶啦😍😍 一入到去職員有信封提供比我地擺口罩，好細心😙😙😙❤️❤️香蔥滑蛋叉燒飯幾有水準！半肥廋叉燒數量相當多，滑蛋包住叉燒，層次豐富，重點係半熟既滑蛋好香😘仲有少少葱花添，甜豉油夾住每啖飯，充滿著蛋同汁，好幸福喔😝😝🤩🤩生炸雞髀配薯條一定要食呀，生炸雞脾既雞皮好薄，好似脆皮咁香，好容易切開。

雞肉唔乾身，食落有微微油香但唔肥膩。

❤️❤️黑松露炒蛋厚多士，我再加咗兩塊芝士，黑松露芝士同炒蛋簡直係完美嘅三重組合呀😋😋滿滿既黑松露夾住超香濃蛋味嘅炒蛋，配埋香脆嘅多士🤩🤩正！♥️忌廉鮮奶♥️ 一瓶鮮牛奶、一瓶忌廉汽水😚😚自己調製自己既「忌廉溝鮮奶」，又有牛奶的順滑和奶香，夾雜着忌廉嘅甜味😜😜❤️❤️椰汁雪糕紅豆冰好香椰汁味，個雪糕球好大舊，紅豆大大粒😘😘

朋友在鰂魚涌番工，都食過幾間性價比很高的餐廳，今次嚟到這間冰室食午飯～一看門面就覺得既懷舊又新潮，全店以淺藍色為主調，彷彿回到90年代的香港☺️——————————🔹珍寶豬扒飯配秘製咖喱汁 $58朋友和我對豬扒和咖喱汁特別執着，因為這兩樣可反映餐廳有沒有質素😂 一上菜，輕微炸過的豬扒淋上咖喱汁，咖喱汁不像其他茶記黃黃的，未食已經好期待😚 而且店家很貼心把豬扒切開一條條，果然這裏的咖喱好濃郁，帶點微辣，不算日式或港式咖喱的味道🙈豬扒外皮酥脆，咬起來有肉質，但不會鞋口，相信店家沒有落鬆肉粉👍🏼🔸香蔥滑蛋叉燒飯 $58朋友特別喜歡滑蛋叉燒飯，因為是半生熟滑蛋，叉燒看起來不肥也不瘦，賣相很吸引！再淋上甜甜的豉油，冇得彈🥰味道果然不出所料，真的很好食😋滑蛋有少少蔥香味，不會太單調；叉燒軟腍，但味道甜一點會更perfect~ 整體食起來會有些少濕潤，不錯👍🏼🔹生炸雞脾 $26由於是即叫即炸，所以要等15分鐘才上菜。

雞髀算大嚿，本身已經有調味，外皮香脆，裏面還有肉汁👍🏼 就算食到有點寡，旁邊的酸醋汁沙律有助解膩☺️🔸秘製沙嗲牛肉包 $26講到秘製當然要試下，包皮剛好微微焗過，會有點脆脆，一咬就食到濃郁稠身的沙嗲牛肉，沙嗲味道不像其他茶記帶有花生味，很特別！還看到少少牛油搽在麵包內，怪不得食起來有點牛油香！必食😋😋🔹椰汁雪糕紅豆冰 $30這裏的飲料都很大杯，味道一點也不馬虎～底部是軟腍微甜的紅豆，上面是牛奶和椰汁🥥🥛再配上雲呢拿雪糕🍦這個配搭好邪惡！這個價錢有這麼足料的紅豆冰，的確難得😋🔸菠蘿冰 $26朋友就叫了菠蘿冰，他大讚整杯菠蘿肉很多，食來食去都有😂 配上香奶味的雲呢拿雪糕，正爆😍

今日義氣仔女地幫個fd喺佢間新屋睇裝機, 可能師傅都趕lunch所以12點幾就搞掂, 隨意入左去附近li間”味力冰室”, 裡面裝修好新淨帶點懷舊feel, 雖然坐滿唒但我一個人好快就有位👍🏻.>Lunch menu有常餐&飯餐, 有得加錢轉特飲: 黑牛/ 白牛/ 椰汁雪糕紅豆冰都係加HKD15 ja抵抵抵.>香葱滑蛋叉燒飯 (HKD56)睇下個碟, 係平時食all day bfast嗰款大碟, 鋪滿勁多叉燒仲要大大舊厚切, 叉燒啖啖肉唔會啖啖肥膏👏🏻. 炒蛋完完全全蓋住熱辣辣嘅白飯, 無論賣相同口感都係滑𠽌𠽌der! 淋面汁好好味, 一路食一路慢慢流向白飯而唔會浸住醬汁, 連白飯嘅口感都照顧到. 懷疑緊我係咪食緊一碟二人份量嘅飯因為實在太大份足料啦! 推介各位”餓底”呢!! >嗜辣foodie必食XO辣醬🔥整左羹XO辣醬挑戰下🔥, 唔係講笑! 除左多料之外, 嗰種辣嘅刺激感一息間喚醒唒所有味蕾, 勁辣又好味, 一碟飯整一羹perfect.>雪糕紅豆冰 (+HKD15)冰量非常適中嘅紅豆冰, 椰汁味濃, 口感綿綿嘅紅豆佔左成半隻杯🤪, 識飲一定係加埋雲呢拿味雪糕球🍧.

鰂魚涌有一間走懷舊風既冰室，除左裝修之外，牆上亦掛左舊香港既相、舊式電話、收音機等等，設計都幾有心思🥰下午茶都幾抵食，大部分$30蚊就有交易，仲要有生炸雞脾！餐廳仲有好多特式懷舊飲品，黑牛、白牛好似已經買少見少🙁難得呢到有緊係要叫返杯－－－－－－1. 香蔥鹹牛肉炒蛋多士 4/52. 生炸雞髀配薯條 4.8/5👍🏻👍🏻3. 秘製鮮茄餐肉通粉 4.5/5👍🏻4. 秘製沙嗲牛肉包 3.8/55. 黑牛、白牛、紅豆冰 4/5厚多士牛油香濃，兩面都烘到金黃色，炒蛋勁嫩滑火候剛剛好😋鹹牛肉非常足料，炒得鹹香之餘濕潤唔乾，加埋蔥花更加好食一定要推介呢個生炸雞髀🍗即叫即炸，一切開出哂煙，口感外脆皮內嫩滑，時間控制得好好，肉質依然可能保持到嫩滑同埋多汁，完全唔乾🤣雞髀同薯條味道又唔會過鹹，真係好想再Encore🥰鮮茄通賣相相當吸引，個湯底好濃郁，除左餐肉同通粉，仲有茄肉，真材實料👍🏻餐肉份量都好慷慨，每啖都食到有餐肉，通粉唔會爛哂，唔似煮左好耐，好食沙嗲牛肉包已經唔多餐廳會有，所以都想試一試味道🙈首先沙嗲醬汁好濃郁，我覺得有點搶左牛肉本身味道，雖然牛肉都新鮮彈牙，同埋我覺得可以加少少洋蔥一齊炒，洋蔥清甜爽口，加入後口感同味道會更佳，好懷念黑牛既味道🤤🤤插上飲管，雪糕慢慢向下沉，大量泡泡漏出，真係懷舊既味道，冰凍既雪糕再配上汽水，飲完真係精神一振🤪如果紅豆冰係附上粗飲管會更佳，因為紅豆沉底好難食到

味力冰室幾日前去咗屋企附近呢間冰室食嘢入去之前，店員會首先幫客人量體溫，然後再請客人消毒雙手，而且坐低之後會抹一次抬，防役措施滿分。

🈵💯講返食物，下午茶時間去，叫咗以下幾樣野：牛油果沙律拼炒蛋農夫包 （$58）（8.3/10）牛油果份量好多，應該有成個，拼上沙律，非常健康牛油果沙律上面嘅汁應該係醋，感覺清新炒蛋炒得滑，連埋搽咗牛油嘅農夫包一齊食，唔會太重口味，味道恰到好處下午茶：炸雞脾薯條 （$36) （8/10）炸雞脾份量合理，咬落去有肉汁，幾好食。

薯條唔係好油，但係係好食的伴碟嘅菜唔似普通茶餐廳咁油膩，係沙律菜，為呢份邪惡嘅下午茶添上健康嘅氣息。

下午茶：沙嗲牛肉包 （$36）（6.8/10）份量夠，但我略嫌牛肉份量有啲少。

個汁如果熱少少會好食啲而且個汁同我期望有啲落差，同我預期之中嘅沙嗲唔係好同，唔係好夠香個包係好食的，但餸就普通啲以上嘅餐都有配飲品，轉特飲就加$15今次我飲咗忌廉溝鮮奶店員指細介紹點樣溝會更好飲，不俗總括嚟講係一間唔錯嘅餐廳

味力冰室餐單提供港式, 茶餐廳, 冰室等推介美食位於鰂魚涌區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 28697277 查詢。

您對於鰂魚涌餐廳「味力冰室」有何 comment？

味力冰室餐廳詳細資料：

• 味力冰室地址:
  鰂魚涌芬尼街2D號僑英大廈地下3號舖
  Mei Lik Cafe, Shop3, G/ F, Kiu Ying Building,2 D Finnie Street, Quarry Bay
• 味力冰室電話: 28697277
• 味力冰室價錢: $51-100
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金,八達通
• FB專頁: 味力冰室 Facebook

更多味力冰室相關資料:

• 味力冰室分店
• Youtube
• Facebook
• Twitter
• Google