丼鮨 鰂魚涌

丼鮨 評價 相片

近鰂魚涌K11一帶終於有間高質壽司店😀 早幾個月嚟食堂食，刺身好新鮮，處理得好好，老闆亦都好友善，會問客人有咩改善地方，食物點樣，而店內座位不多，所以整個環境同用餐經驗都好親切。

記得之前老闆表示外賣只有丼飯，無壽司。

但自晚巿禁堂食之後，佢哋都開始有得外賣壽司。

當晚7點去到，可能疫情影響入少咗貨，好多貴價壽司(呑拿魚，池魚) 都賣晒🥺 好彩仲有北海道帶子，仲平咗$2速銷，但質量同之前堂食一樣咁鮮甜大隻🤩唯一可惜嘅地方係啲紫菜真係好林😂由買到食應該15分鐘時間，大概呢個就係佢哋當初唔想做壽司外賣嘅原因之一？😂整體嚟講，呢間嘅質素的確唔錯，但係外賣嚟講都算偏貴，如果老闆可以有外賣9折作招徠，應該可以吸引多啲人幫襯😀

番工既日子，唔夠時間行太遠又諗唔到食咩..就會諗起佢夠晒近, 又夠快.其實我食黎食去都係北海道魚生飯。

魚生有: 三文魚、大大隻蝦、油甘魚, 同埋我最鍾意既帶子呢間鋪既魚生係好新鮮👍🏻而且魚生飯唔係普通壽司白飯，加埋啲飯素？🧐🧐有紫菜碎芝麻，食慾大增😝平時啲飯都唔會食得晒，唯獨呢間既飯會食多左個人都幾欣賞呢間食店，食物乾淨衛生，鋪頭乾淨企理，同埋staff都好有禮貌。

會繼續幫襯😝😝😝😝😝

今日book 咗鰂魚涌新開的日本菜，舖頭細細。

但乾淨企理，仲好有驚喜♥️吞拿魚腩入口即溶，中大魚腩我都叫多左一次，老闆親切招呼，成日加茶，仲叫咗一個松葉蟹丼，啲蟹肉多到食晒啲飯都未食完，配埋蟹膏咩玩法，根本就停唔到口老闆話除咗三文魚係挪威之外，全部嘢都係日本飛機到港，日日所會有魚嚟，保證新鮮推介！！！！食嘢模式有啲似omakase,師傅係你面前即叫即做，我睇住佢即刻開魚，赤貝厚肉爽口！店仔細細但好有驚喜！

見到鰂魚涌新開左一間日本野，所以就去試吓。

叫咗一個角切魚生飯，分量雖然唔係太多，但係落完order之後，師傅係你面前即刻整，成個過程令到光顧經驗十分有趣。

但係個飯份量有啲細。

前幾日再嚟呢度買外賣，呢度嘢刺身真係新鮮，價錢仲好吸引，丼平60幾蚊有交易，最欣賞佢哋嘅拖羅，食落口油脂油而不膩亦唔會雪到好冰就比客人，口感一流，環境乾淨簡潔，工作人員到壽司師傅都好有禮貌 👍🏻👍🏻👍🏻👍🏻👍🏻

丼鮨餐單提供日本菜, 壽司, 刺身等推介美食位於鰂魚涌區，餐廳座位數未知人均消費約$51-100，結賬可以用現金，Booking訂位可以電話致電 34896591 查詢。

您對於鰂魚涌餐廳「丼鮨」有何 comment？

丼鮨餐廳詳細資料：

• 丼鮨地址:
  鰂魚涌七姊妹道197號地舖
  DonYi, G/ F,197 Tsat Tsz Mui Road, Quarry Bay
• 丼鮨電話: 34896591
• 丼鮨價錢: $51-100
• 分類: 日本菜, 壽司, 刺身
• 座位: 未知
• 付款: 現金
• FB專頁: 丼鮨 Facebook

更多丼鮨相關資料:

• 丼鮨分店
• Youtube
• Facebook
• Twitter
• Google