三鱻 鰂魚涌

三鱻 評價 相片

放工自己一個食晚飯，就順便係樓下食完先返屋企，想食日本嘢但係又唔想食咁貴，就去左哩間外賣多咁日本小店。

因為哩間小店主要做外賣，所以見到好多一盤盤嘅壽司set，應該係方便公司搞party或者大食會嘅時候訂。

堂食都有其他選擇 魚生丼、拉麵烏冬等等。

我就揀左叉燒豬骨烏冬set，配一款自選手卷同麵豉湯或者飲品。

小店只有兩個店員，同時亦有另外兩台客人，所以要等一陣。

等餐嘅期間，我想去一去洗手間，店員指示要借隔離麥當勞後面嘅洗手間。

返到黎就有得食啦！雖然係堂食，但都係用膠碗膠杯，感覺上好似即食哈哈！叉燒好味嘅，有好多粟米同昆布。

手卷我揀左三文魚，紫菜有d淋，不過三文魚都大舊嘅。

一人餐整體黎講可以，但建議試專做嘅壽司會更完善。

午餐時間叫左角切魚生飯拎走，等左勁耐之後，半路先發現比錯左咖哩炸雞，唔怪之得整咁耐啦，已經無時間再返去換過；拎到上去發現炸到好嚡根本食唔到。

下次（未必有下次，趕時間買外賣點知等咁耐）要睇清楚比左乜先好走

尋日又得我自己一支公去食晏晝。

喺太古坊果頭行下行下，就見到呢間三鱻。

見係日本料理自己又鍾意食，肚仔又餓啦，一於就呢間。

叫返個午餐特餐平平哋又抵食。

佢呢個餐係包一個飯、一個手卷同一個自選飲料。

我就叫個日式炸雞飯配咖喱汁，三文魚手卷，蘋果紅茶。

食手卷先～～～三文魚都叫做係新鮮嘅，起碼冇異味先。

同埋其實成個手卷size唔大，基本上一啖食晒都得。

然後就係主角——日式咖喱炸雞飯。

咖喱汁唔會太辣，其實日式咖喱不嬲都係偏甜。

炸雞都好好食，雞肉都嫩嘅，雞皮炸得唔會太硬，剛剛好。

飯量都好足，食完剛好飽晒。

於公司附近吃午餐, 這家店是以快餐外賣為主, 店鋪很小, 堂食只能容納約10人。

大部分人都選擇外賣, 等堂食的人不算多, 等了大約十分鐘便能入座。

Lunch set $45一份, 可選一份主食, 一個手卷及飲品。

飲品除了熱菜蜜和熱柚子蜜, 另外還有各式紙包飲品供應。

食物全以外賣即棄餐具盛載, 衛生但有點不環保。

三文魚質素不錯, 玉子也甜甜的, 份量也算多, 可惜切得比較碎, 如果切得大粒點會更好。

手卷則不過不失, 紫菜不夠脆較難咬開, 吞拿魚則是平價壽司店的貨色。

lunch set以$45來講可以一試。

星期五中午同同事出外午餐，鰂魚涌中午的時候是人頭湧湧的，很多餐廳都很多人等候，經過這一間小店內有一個大招牌寫着日式午餐$45，很抵食而且只需要等一張枱，所以就決定吃這一間店！等了大概10分鐘就有位置了，店內座位不多，只有大概八個座位，但是都坐得不是太迫在等位的時候已經落單，所以入坐後大概5分鐘餐便送上午市套餐有角切魚生飯配手卷，還有飲品，所以都好抵食魚生飯只有三文魚玉子和蟹柳，都是一些平價魚生，不過這一個價錢都沒有什麼高要求，是非常合理的份量不算多，但是女生應該都足夠，如果想平平哋吃魚生飯這一間店都是一個好選擇

三鱻餐單提供日本菜, 壽司, 刺身等推介美食位於鰂魚涌區，餐廳座位數未知人均消費約$51-100，結賬可以用現金，Booking訂位可以電話致電 26563886 查詢。

您對於鰂魚涌餐廳「三鱻」有何 comment？

三鱻餐廳詳細資料：

• 三鱻地址:
  鰂魚涌海灣街2A號濱海大廈地下A3號舖
  San Shain, Shop A3, G/ F, Riviera Mansion,2 A Hoi Wan Street, Quarry Bay
• 三鱻電話: 26563886
• 三鱻價錢: $51-100
• 分類: 日本菜, 壽司, 刺身
• 座位: 未知
• 付款: 現金
• FB專頁: 三鱻 Facebook

更多三鱻相關資料:

• 三鱻分店
• Youtube
• Facebook
• Twitter
• Google