Nuttea 鰂魚涌

Nuttea 評價 相片

好難得係香港見到用堅果製作既奶，配搭好創新，例如有香蕉燕麥、藜麥燕麥。

重點係冇牛奶冇奶精，好健康。

店鋪裝修清新簡潔，放左好多唔同種類既堅果擺設，有1、2個位可以坐住等飲品。

叫左香芋堅果奶($38)，四季春堅果奶蓋茶($34)。

第一啖飲，超濃榛子味，就好似食緊金莎咁。

之後個口感就係超多芋頭蓉粒，芋頭打到好綿，非常足料。

芋頭味一d都唔假，因為真係真材實料。

叫左微糖，所以唔甜，個人覺得甜唔甜都唔會影響飲品效果，因為微糖一樣好飲。

飲幾啖之後，就好有飽足感。

鍾意食芋頭既人，必叫。

堅果製作既奶蓋夠特別，先用小鏟子鏟起奶蓋試一試，鹹鹹既幼滑cream加埋粒粒堅果，好獨特但出奇地好飲。

然後再飲奶蓋加四季春，入口先係香滑既cream，之後就係fresh既口感，鹹味cream令茶味更加突出。

攪拌再用飲管飲，會有口感上既衝擊，吸到小小cream又飲到堅果味既茶。

如果就咁食奶蓋，可能會覺得膩，但再飲啖茶，就解左，jeng。

整體，好值得飲堅果奶，比起平時飲既既手搖/手調飲品，更健康，而家用料講究，好欣賞店舖花心思利用堅果調製奶類及茶類飲品。

放工約左朋友係鰂魚涌食飯，行過見到間歐陸風裝修既奶蓋茶店，小店<Nuttea>賣既係堅果奶蓋茶，奶蓋茶就飲過啦，不過堅果奶蓋茶真係第一次見，立即同朋友入去試下新野!!<繽紛火龍果奶蓋茶 $38>紅色既火龍果本身已經好有益，今次仲要crossover 奶蓋，加埋個超級少女味既紫紅色，真係未入口已經充滿住視覺享受。

上層既堅果奶蓋好厚好creamy, 味道帶少少芝士味，鹹鹹甜甜咁，配合埋火龍果汁茶，火龍果味道清甜，真係又清新又解渴!!~ <伯爵朱古力堅果奶蓋茶 $46>我本身都好鐘意伯爵茶，詁吾到當伯爵茶遇上朱古力堅果奶蓋，都可以甘好飲。

上層既朱古力堅果奶蓋，有d似cream狀moose, 好厚好soft~帶朱古力味道，上面有些碎朱古力粉，當上層既朱古力味，混合埋下面部分嘅伯爵茶，可以中和朱古力嘅甜，又帶著茶味嘅清新，絕對係雙重享受!!~今次小店賣既堅果奶蓋茶，標榜嘅係沒有奶精的堅果奶，係真正既堅果奶茶。

五大堅果包括有:杏仁,核桃,夏威夷果仁,榛果,腰果等,好飲得來又健康，值得一試吖!!~

之前好興似奶蓋茶，杏仁奶做主打就好少聽。

點左一杯芒堅果奶蓋茶（$44），季節限定，價錢比其他手沖飲品較貴，可以選擇甜度同冰量。

芒果茶上面啲堅果奶蓋很厚，很creamy ,堅果味好濃厚，就咁食啲cream 都唔會太甜，對於勁中意nuts既我簡單係無揀錯😍芒果茶都好飲👍🏻

五大堅果，缺一不可。

💛——☝🏻上面係鋪頭嘅slogan，原來佢地係用杏仁、合桃、夏威夷果仁、榛果同腰果呢五樣nuts製作飲品。

好特別，冇牛奶冇奶精嘅堅果奶，堅係未飲過！🌰.宇治抹茶堅果奶蓋($38)堅果奶蓋俾一般奶蓋食落更加厚身，質地更加似cream。

奶蓋綿密，帶少少鹹未，上面仲有一粒粒嘅堅果。

因為叫咗微甜，所以抹茶味好濃郁，可以中和返奶蓋嗰種「食咗一大啖cream咁嘅感覺」嘅膩👍🏻.伯爵朱古力堅果奶蓋($46)呢個嘅奶蓋質地都係一樣似cream，朱古力味但唔算太濃，上面有d朱古力粉～伯爵茶好香，但個人認為朱古力同伯爵茶嘅味道有d唔夾，一啖奶蓋一啖茶嘅話飲落會有d奇怪，建議撈埋一齊飲，個違和感會冇咁大🤣.Overall: 7/10Value for money: 3.6/5——📍Nuttea鰂魚涌海光街36號地下2號舖..

十分推薦好好飲既堅果奶茶🌰🤤！原本以為只係用左堅果奶同一般奶蓋茶飲冇乜分別點知 唔止可以筆黎食 仲好好味！好creamy同nutty😋➖🥤繽紛火龍果奶蓋茶 $38少女粉紅色係幾靚，味道極重火龍果，好fresh😂未必個個都中意🤨➖🥤烏龍堅果奶蓋茶 $34依個配搭冇得輸，我就幾中意，烏龍茶味濃，再mix埋nutty奶蓋真係有層次👍

Nuttea餐單提供台灣菜, 台式飲品, 素食等推介美食位於鰂魚涌區，餐廳座位數未知人均消費約$50以下，結賬可以用現金。

您對於鰂魚涌餐廳「Nuttea」有何 comment？

Nuttea餐廳詳細資料：

• Nuttea地址:
  鰂魚涌海光街36號地下2號舖
  Nuttea, Shop2, G/ F,36 Hoi Kwong Street, Quarry Bay
• Nuttea電話:  
• Nuttea價錢: $50以下
• 分類: 台灣菜, 台式飲品, 素食
• 座位: 未知
• 付款: 現金
• FB專頁: Nuttea Facebook

更多Nuttea相關資料:

• Nuttea分店
• Youtube
• Facebook
• Twitter
• Google