C Square Cafe 鰂魚涌

C Square Cafe 評價 相片

琴晚本來想去隔離食點知無位仲要比呀姐嚇親，之後無意中發現呢間野！點知真係有驚喜！我兩個人叫咗兩個dinner set, 一個三文魚意粉另一個burger! 又有湯野飲，同埋甜品食！總括來講，下次再都會反去食！

同區蛋糕店都差唔多試過晒..所以真係無咩選擇，幾間都麻麻地..見到有豬豬蛋糕加上我家姐生日，我就買黎試下.. 我係facebook pm佢地，估唔到佢地都好快回覆，仲要問咩答，比晒圖我睇..... 價錢等等都不厭其煩咁同我講... 未食已經有好印象..去到cafe訂蛋糕，都有好幾款味比我揀，豆腐，焦糖，朱古力，芝士等等.. 店員都有幫我去諗埋顏色襯唔襯..最後揀左豆腐蛋糕，上面放隻豬仔，係紫蘇紅桑子味.. 仲可以免費加生日牌，真係唔錯仲有一支長同一支短蠟燭，好貼心~豆腐味雪糕食得多，蛋糕真係少之有少... 最估唔到係豆腐味係好重，又唔會好甜... 口感好好，好滑，唔會好實... 超正!!!!!!紫蘇紅桑子我就唔岩食，但係屋企人覺得好好味，呢隻味既蛋糕又係好少.. 酸酸味味咁，紫蘇味都不失..個比例好好，兩隻味都可以同時出現..好難得我屋企人會覺得岩食，食得好快..(佢地本身好少食甜野，唔太like甜)第二次就係坐低食lunch，加$22有蛋糕.. 剛剛好母親節正日，唔知係店員定店主，係碟畫畫寫字，超靚我地叫左個香蕉oreo，其實佢地都係唔食oreo.. 但係佢地因為上次個蛋糕，所以都好有信心，佢地都想試.. 香蕉味重係正常，oreo味係唔出，但係有種講唔出口既好味.......見到d cream係有好多oreo，oreo都係食口感..兩樣材料夾埋，有個化學作用，超好味~~~~~P.S. 佢個蛋白餅都幾好食..我本身都鐘意食蛋白餅.. 幾欣賞佢整得唔錯

再貪心嘅人都必定可以係 C Square Cafe 搵齊哂你想要嘅蛋糕味道！話說本人有選擇困難症，望住佢款款唔同造型同味道嘅蛋糕，真係好難揀，所以只有4個人但訂咗6件蛋糕。

點知今日攞嘅時候，老闆話因為薑汁撞奶嘅造型轉咗牛奶鳥結糖味，所以就送多咗個俾我~~ 啲蛋糕除咗樣靚之外仲好好味。

特別推介：豬仔樣嘅紫蘇紅桑子，超可愛之餘亦酸酸哋好清新；灰紫色雞蛋樣嘅芝麻慕絲味道濃郁，底部仲有朱古力脆脆；有 Melty Kiss 造型嘅焦糖咖啡，好似食緊好香咖啡味雪糕，加埋甜甜嘅焦糖醬，真係冇得輸！

呢間新開既樓上Cafe係開放式廚房，燈光溫和，播緊80年代既歌，80年代出生既我突然想起那些年第一眼見到餐牌外賣自取有85折咁抵，原本想拎走食，但係又入到去個環境又幾舒服所以最後決定都係堂食，我點左個雞扒飯配餐肉、火腿跟個推介蔥油醬汁，$48個餐有野飲仲有甜品，我覺得好抵食難怪個蔥油係推介，果然好岩我口味，如果鍾意食蔥油既一定要試🤤🤤原本有個甜品送既，但係我見到個餅櫃既蛋糕好吸引，所以加錢(跟餐加$22，原價$35)轉左個芝麻mousse cake,個蛋糕唔太甜，芝麻味好香👍食完咸野食番個甜品真係超滿足!🥰🥰同店主傾左幾句原來呢度仲可以訂蛋糕🎂我下次訂蛋糕都多個選擇😎下次再試下呢間d意粉先😁

價錢優惠， 服務態度很好！ 店內佈置簡潔！ 同朋友嘆下午茶傾計一流！ 極力推薦高智縣柚子撻！ 味道比平時食既檸檬撻更清新酸酸甜甜咁仲有豬仔cake 又得意問老闆入面係咩味道竟然係紫蘇紅桑子。

C Square Cafe餐單提供意大利菜, 西式, 西式糕點, 樓上cafe等推介美食位於鰂魚涌區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 52941882 查詢。

您對於鰂魚涌餐廳「C Square Cafe」有何 comment？

C Square Cafe餐廳詳細資料：

• C Square Cafe地址:
  鰂魚涌英皇道1065號東達中心11樓1101室
  C Square Cafe, Room1101,11/ F, Eastern Centre,1065 King's Road, Quarry Bay
• C Square Cafe電話: 52941882
• C Square Cafe價錢: $51-100
• 分類: 意大利菜, 西式, 西式糕點, 樓上cafe
• 座位: 未知
• 付款: AlipayHK,支付寶,現金
• FB專頁: C Square Cafe Facebook

更多C Square Cafe相關資料:

• C Square Cafe分店
• Youtube
• Facebook
• Twitter
• Google