花華 馬鞍山

花華 評價 相片

Ma On Shan is definitely not a district that I would visit, as it’s famous for being a “Food Dessert”. Also, it’s quite far from where I live. Thinking that the queue would be shorter during nonpeak hours, I decided to make a trip to visit this cute little cafe with only 4 tables.It took me a bit of time to locate Hana. Seeing a queue outside the cafe, I automatically lined up without recording my name with the staff inside…which was a fault and costed me extra time to wait for one more table…So make sure you entered the cafe and register with the shop assistants.The onehour wait was definitely worth it. Food and coffee were superb! This Handmade Pasta with Slow Cooked Pork and Caramelized Onion was so delicious! The slow cooked pork were very tender; the handmade pasta was so al dente that I couldn’t stop eating it. The cheese on top added so much flavour to the whole dish. Yum!This Chai Latte was more on the sweet side. Yet the cinnamon and chai made the latte a very enjoyable one.Not to miss Hana’s bagel and dessert! I bought a Sesame Bagel and Double Chocolate Cake home. Oh well, you gotta maximize your food trip right? Both of them were very delicious and made great breakfast and tea time dessert.

馬鞍山雖然係美食沙漠，不過近日見好多ig blogger都去試咗依間新開嘅 cafe，因為太遠所以平日無咩時間抽到空去吓。

不過今次見佢年初一都開，所以耐咗好耐無見嘅朋友試一試。

大約12點幾去，人唔算多，都有空位，不過位置真係唔多，越近12點越多人，大家有定排隊嘅心理準備。

環境佈局有少少懷念嘅感覺，帶有少少台灣丶日式文青咖啡☕️店嘅feel。

而入面擺咗好多木頭及植物，仲有手工製包裝嘅餅乾🍪丶甜點之類。

叫咗一杯white regular $35,而 heavy 同regular 嘅分別喺heavy 奶比較少，似flat white 咁。

杯咖啡都幾順滑，不過表層好快就起泡。

green tea 🍵 latte,朋友話一般，無咩特別。

點咗一個佛羅倫斯風海鮮🦞手工偏意粉🍝。

$88可能因為人手即時煮，所以需要要較耐少少。

不過喺open kitchen ，可以睇住老闆煮都係一種享受。

意粉份量唔算太多，但蕃茄味道夠香濃，意粉都幾Q彈。

.而最鍾意都係自家製嘅scone $52。

外層鬆軟脆口，內層食到無花果嘅味道。

配上金桔🍊果醬同軟芝士，更加清新。

.味道不錯，但份量偏少價錢偏貴。

不過值得一讚係老闆同員工都有戴口罩😷煮野食！

好耐之前曾經見過一篇文章介紹坪洲一間咖啡店，名字好有趣，叫好運來，當時仲同另一半講究竟幾時有機會黎；原來係馬鞍山呢間新店嘅前身，不過對我地黎講一樣遠。

襯另一半喺附近跑完步，無論如何都要順便一訪啊！假期人流較旺，開門無耐到達已經有唔少人，中午更開始等位 (聽講食物都好快賣哂)，有心食真係要早少少或者平日到啦。

咖啡店面積不大，帶日式風格，木質傢俱同小擺設都好可愛全店約十零個位，全開放式廚房，可以見到製作意粉嘅一刻。

餐牌主打自家製產品例如多士、司康、蛋糕，跟咖啡/茶定價$4872。

我地入座時間尚早，未有熟食供應，店員表示可以點飲品先，一邊等。

出餐時間頗長，有心理準備要等候花華Scone配自家製果醬、軟芝士 $52Flat White/set司康每日新鮮烘焙，開店後先烤起，加無花果乾，配柑橘果醬同軟芝士；各家司康配方不同，花華嘅出品並冇外脆嘅口感，食落偏濕潤，帶少少煙韌黏口，裡頭嘅無花果乾清新微甜。

雖然質感唔係我最喜歡嘅，但味道討好柑橘果醬自家製 酸甜清爽，唔會好似坊間嘅果醬咁死甜。

套餐配左咖啡，香濃唔會太過酸，當日6am起身嘅另一半表示，好提神！Green tea Latte $40抹茶微微回甘，最重要係唔會太甜，茶粉融合，飲料嘅部份做得唔錯呢牛肝菌牛面肉手工意粉 $78意粉現場製作、切割，先唔好講味道，誠意肯定係有的意粉份量唔多，食落好有咬口，比較可惜係牛面肉較細碎，冇左原塊牛面肉柔嫩多汁嘅特色。

製作需時，雖然我地唔趕時間，但等左超過45分鐘，都有少少肚餓…哈。

開業初期，運作未完善(?)都可以體諒，喺馬鞍山黎講，有間誠意咖啡店，好綠洲架喇，期下下次再訪。

今個平安夜，我黎左呢間新開既餐廳(花華Hana)，本來見到佢開始裝修已經非常吸引我，因為佢地既風格非常唔同，好有特色！慢慢等下等下，終於係聖誕前開舖啦～裝修方面已經超級有心思，每一樣都經過精心既配搭，一眼望落去令人感覺非常服務，冇曬壓力，可以慢慢係到品嚐美食。

坐低先叫左杯Mocha，男朋友要檸檬梳打，非常之靚，仲用玻璃飲管，又環保又舒服！最怕有Ｄ餐廳用紙飲管，放耐左會慢慢變軟，我本身係飲得好慢既人～之後店員就非常細心地慢慢同我地講解，原來佢地岩岩開舖，有好多野都處理，所以暫時由廚師發板，問我地ｏ唔ｏｋ？我當然冇問題啦，唔洗我諗，非常之好～－法式栗子湯配鯷魚多士－先講個碗，超級靚，用磨沙去做，摸落好舒服，先甜後更甜，栗子非常濃郁，配上佢地自家製既麵包真係絕配呀。

－香橙西柚醃三文魚，澳洲迷迭香焗薯－佢地真係好特別，咁都諗得出呢Ｄ菜款，仲要配搭得非常之夾，香橙既酸甜味令人非常解渴，在配上新鮮三文魚，岩岩好吸左少部份既魚油，令到整個味道變得冇咁油膩。

仲有迷迭香焗薯，睇落好似炸過咁，但其實冇，薯仔仲好甜。

－白松露油配朝鮮薊豬腩肉碎手工意粉－主角出場啦！最期待既意粉，因為店員同我地講解，意粉都係自己親手整嫁，真係好靚呀，整到好似酒店大廚咁，份量岩岩好，意粉真係好好味，咬落彈牙，同出面真係好大分別，配上朝鮮薊豬腩肉，肥瘦均勻，食落唔會太油膩，又唔會太鹹，仲好香豬肉味－忌廉菠菜松子手工扁意粉，海鮮魚湯－忌廉味非常濃郁，奶油香既感覺，菠菜好清爽。

海鮮魚湯好特別，佢有小小辣，但海鮮好多，所以成個湯都好濃既海鮮味，蜆肉，帶子，雪魚，細細碗都可以有咁多材料，真係好勁！－澳洲和牛－師傅話呢個岩岩新貨到，新鮮澳洲和牛，一大舊，放入焗爐，焗到岩岩好，保留住牛既肉汁，食落嫩滑，岩岩好。

－營養餐，水煮蛋－我有位朋友突然要求師傅煮一份營養餐，仲要健康，真係諗爆師傅，最後真係好勁，整出呢個蕃茄手工意粉＋大蘑菇焗菠菜＋烚蛋，睇落好清淡，但食落非常好味，因為本身意粉已經冇得輸，太好味，仲有親手打既蕃茄醬，大蘑菇用焗既方法，所以留有好多好多蘑菇汁，加菠菜真係好岩，烚蛋係我朋友要求，最後師傅送左一隻慢煮蛋俾我朋友試先知，原來慢煮蛋勁好味，外面蒸水蛋咁，又香又滑，裡面個蛋好似糖心蛋咁，有一種鹹蛋，但又流心既感覺，好特別。

－皇室朱古力－最後當然要食佢地好用心做既甜品，每一樣都有驚喜，呢個朱古力係用左，黑朱古力，所以唔會太甜，我最愛呀！特濃仲要軟心，又唔係心太軟，樣樣都真係好特別，以後馬鞍山有好野食了～p.s.不過老闆同我地講，新年之後會開始轉模式新既一年會有全新菜單，每日都可能有唔同既驚喜，真係超級期待呀

一間唔起眼嘅文清小店，手制意粉新鮮口感煙韌👍，鬆餅好味過半島酒店High tea嗰個鬆餅👍,食物食得出有心機造出嚟，不過小店坐位小只可坐大約12人可能要D耐性等位喇，夏天可以喺呢到hea過下午茶真係正

花華餐單提供多國菜, 咖啡店等推介美食位於馬鞍山區，餐廳座位數未知人均消費約$51-100，結賬可以用現金，Booking訂位可以電話致電 56867806 查詢。

您對於馬鞍山餐廳「花華」有何 comment？

花華餐廳詳細資料：

• 花華地址:
  馬鞍山鞍祿街18號MOSTown新港城中心二期地下29-30號舖
  Hana, Shop29-30, G/ F, Phase2, M O S Town,18 On Luk Street, Ma On Shan
• 花華電話: 56867806
• 花華價錢: $51-100
• 分類: 多國菜, 咖啡店
• 座位: 未知
• 付款: 現金
• FB專頁: 花華 Facebook

更多花華相關資料:

• 花華分店
• Youtube
• Facebook
• Twitter
• Google