椰林閣餐廳 馬鞍山

椰林閣餐廳 評價 相片

第二日要返工，通常吾會想去甘遠食嘢，所以就近有椰琳閣，又冇人排隊，環境都ok,甘咪入去叫至愛既燒春雞。

點知冇，諗完一陣改叫套餐，因為包左青口，抵小小。

好快平凡既餐包同忌廉湯就到左，之後香煎雞扒拼三文魚同青口都到齊。

個包真係冇嘢講，一凍左hai到吾想掂，何況食。

聽個名，以為雞扒同三文魚好正甘，份量夠兩個人食(望落有三塊雞扒，兩塊三文魚扒),事實上，雞扒煎乾到去晒油，好似緊魷魚絲；三文魚接近就乾涸，幸運地留返中間層魚油，食落先知係三文魚。

青口肉質幾好，但太鹹，中間係好似薯蓉既嘢，個食落係酸，我覺得吾食好啲。

其實呢間嘢吾係樣樣差，之前幾次食燒春雞都係接近個頭甘大，仲好有肉汁，兩個人都食吾晒，要打包。

其他嘢食真睇吾敢亂試，次次都強差人意。

今日純口痕想食燒春雞，失望。

未試過食早餐食到咁唔開心。

食物水準差，基本食物都做得唔好。

餐蛋麵淡而無味，麵質差無咬口，求求其撈埋一碗上枱。

鹹牛肉蛋治是冰凍的無論塊包定裡面啲餡都係全凍、咁大個仔都未試過。

（烘底仲要加$2）最有水準嘅係碗麥皮，有甜味我經己心滿意足。

埋單仲要唔係平，如果唔係馬鞍山無餐廳選擇嘅話，應該都無乜人幫襯！

馬鞍山真係好多人, 就算我地未肚餓, 都要早d食, 因為晏咗就周圍都冇得食...........未夠七點, 好多快餐店已經坐滿咗, 咁啱去廁所經過, 見佢仲有位, 就入咗去食, 食完先知點解會冇乜人幫襯.......呢度扒餐價錢八十幾, 飯/意粉就七十幾, 仲要加一, 所以有得選擇, 我都寧靜選擇隔離果間快餐店啦~  羅宋湯+餐包  羅宋湯超多料, 除咗平時見慣的什菜外, 仲有好大舊牛肉, 不過偏辣~餐包因為係叮返熱, 所以會暖暖地, 但d牛油就溶鬼哂........牛柳拼吉列大蝦配薯菜 牛柳得一舊仔, 外表煎到好香好脆, 但d肉質好假, 怪怪地咁~ 佢原本係配黑椒汁的, 但我改做蒜茸汁, 個味道其實同洋蔥汁都係咁上下, 而且我食唔出有蒜茸味lor~~吉列大蝦有2隻, 個炸粉係好脆, 但佢同d蝦都係凍的~薯菜好唔掂, 又凍又硬雞扒拼炸軟殼蟹配意粉雞扒有2塊, 但超肥, 又煎得唔夠香炸軟殼蟹得半隻, 個粉好厚, 個蟹唔知有冇清乾淨?意粉一般, 好食過茶餐廳咁啦~凍奶茶+熱檸水凍奶茶冇味又甜熱檸水個杯洗唔淨, 仲有成條懷疑係糖漬的物體, 即刻同侍應講, 佢say sorry後即刻同我換個杯, 唔知洗杯果個係咪就咁沖一沖就算?

我和家人到馬鞍山分店食晚飯，因為係星期五, 佢只得一個set menu選擇, 但食物份量都幾多~ 味道還可以啦!但同一晚遇到幾件不愉快事件!1.當我們舉手示意叫待應來落order，在場侍應竟然視而不見。

當時情況根本不多客人，侍應們都只是站在吹水。

2.落order時，因我爸聽不清侍應所說的，重覆問了一句，侍應郤擺出不耐煩的咀臉，點頭回應作罷。

這是什麼服務態度?3.我們請侍應拿幾杯暖水來，侍應郤說：［一係熱水一係凍水！］這是什麼邏輯? 算! 於是我們叫侍應會熱水和凍水來，侍應又草草回應作罷... 最後，那杯熱水到埋單都未有!除了食物，相信服務也是非常非常重要吧!

家庭日來到了近近的馬鞍山，一家人食什麼好呢，飲茶該是最佳的選擇吧。

可是，馬鞍山咁大個社區，飲茶既地點絕對不多，無論好食唔好食，貴或是平，星期日點都要有超強耐性才能夠殺入茶樓食點心。

經過多年的測試，我們近幾次出馬鞍山渡週日，都放棄了飲茶這一個環節，是日為了泊車優惠而來了新港城，亦選了連我太太也認為不好食的 Y.L.K....無辦法，馬鞍山是一個你左想右想，最後都是決定要食返連鎖式餐廳既鬼地方。

四大一小，就每人食一個餐，忌廉湯用了雞湯底，所以由小兒來享用，這一個忌廉湯，滑是滑，香是香，帶少少油脂，但沒有太多的料，總之同金寶湯不相伯仲，過得去既。

太太的素食意粉是黑松露菌醬忌廉野菌意粉，看似是一個無配料的意大利粉，因為粉多過菌，幸是忌廉同黑松露菌醬的味道相若，有奶油香同黑松露香，是可以接受的。

焗野菌龍蝦汁龍脷柳飯，熱辣辣的焗飯永遠是吸引的，但大家都嫌汁太多，肉幸好不少，味道就偏咸了少少，而且絕大部份是味精的味道，魚香味也被龍蝦的味道覆蓋了。

重味道、重口味，失去了傳統焗龍脷柳飯的清香。

今期的冬日 special，焗芝士喇沙挪威三文魚海鮮湯飯。

後知後覺，這一個又芝士、又喇沙、又海鮮的味道，完全地糟榻這一份挪威三文魚。

兩種不同的咸味，海鮮與芝士也許很配合，海鮮單獨去配喇沙也是配合，芝士配喇沙就令我覺得味道有點怪，一味得個濃子，口味重的人才啱口胃，但我們吃不出三文魚的味道。

好一條三文魚，就此被糟榻了。

鐵板三重奏之雞扒，牛肋骨同照燒鯖魚，是一個非比尋常的 Fusion。

一個濃濃的燒汁淋了上去，只可以配以牛肋骨，但就令雞扒同魚一起失色了，幸好，鯖魚一向不是我喜愛之列，點評我都不會大讚好，而雞扒，雞味本身已經沒有，再加上那一個濃得非常的汁，我食到的，只是那個汁同牛肉的味，單點牛扒好過，完全沒有三重奏的味道感覺。

朋友同太太都曾經勸籲我不要考慮 YLK，這一次硬要吃一次，的確是有點問題，幸好只是糟榻了食材的味道，沒有連食物也糟榻掉，始終這是是能放入口的味道，若是把味道也糟榻了的話......

椰林閣餐廳餐單提供多國菜, 西餐廳等推介美食位於馬鞍山區，餐廳座位數未知人均消費約$51-100，結賬可以用現金。

您對於馬鞍山餐廳「椰林閣餐廳」有何 comment？

椰林閣餐廳餐廳詳細資料：

• 椰林閣餐廳地址:
  馬鞍山鞍祿街18號新港城中心2265A
  Yeh Lam Kok Restaurant, Shop2265 A, Sunshine City Plaza,18 On Luk Street, Ma On Shan
• 椰林閣餐廳電話:  
• 椰林閣餐廳價錢: $51-100
• 分類: 多國菜, 西餐廳
• 座位: 未知
• 付款: 現金
• FB專頁: 椰林閣餐廳 Facebook

更多椰林閣餐廳相關資料:

• 椰林閣餐廳分店
• Youtube
• Facebook
• Twitter
• Google