上海英姐排骨麵 馬鞍山

上海英姐排骨麵 評價 相片

屋企人搬返黎富安，第一日入街市揾食，店舖大部分都唔同左，開左幾間新食店，心情大好，就每間買d做晚餐啦先係近hsbc機外賣店買左半隻雞，即場試左舊都幾嫩滑好味，信心大增，富安都有好野食了行入d見到有間叫上海英姐排骨面，心意推介酸辣湯，即刻買返個試下先！因為驚湯品外賣會變稀，仲專登問遲少少飲得唔得，會唔會變水架？可能係英姐既阿姐答得好肯定: 得~~唔會架！之後我終於明點解了...因。

為。

佢。

根。

本。

就。

係。

水！仲點會變水呢？！冇客都等左成十幾分鐘，一拎上手心感不妙，咁輕既！！個湯已經用茶餐例湯細盒裝，打開仲得一半咁，稀嬲嬲，湯少料更少，好似飲餘飲剩打包咁，咩料呀仲少過七仔碗翅仔！即刻問阿姐點解咁水既，佢話係咁架佢地係咁，我話得一半既，佢話咁都叫一半呀？大佬個盒上闊下窄，半盒高少少有時直頭係一半都冇，佢地既態度令我原本大好既心情冇哂，入面廚房個姐姐仲叫出來話佢地個份量係咁！好！我冇野好講，第一次買就迫我變最後一次，返屋企兩啖飲完個湯仲口渴到而家，唔酸唔辣得半碗仲要落味精，可唔可以唔好咁樣做街坊生意呀！

聞說馬鞍山係美食沙漠朋友果然無講錯到突然想食上海野Search一下就來到佢住呢頭都未食過呢間咁就一同去試下啦行去到都吾係太多人在店內用膳Menu選擇也不是很多都有參考到openrice食評意見然後決定order個招牌排骨面 唸住實無死吾係等左好耐 個面就來到排骨 乾的面 淋的湯 無味的同101肉燥飯個陷阱一模一樣又係自拆招牌的死狀其實本身已經吾係期望咁多但就好似又比個名呃左咁以後自稱好食招牌果啲都要三思而後入

今晚小妹忽然特別想吃雲呑麵😫又係男朋友發揮作用嘅時候啦！Openrice左附近最近嘅雲呑麵！麵店係屋村街市入面，好易搵👍🏻餐牌亦都好簡單，餐牌特別推介嘅係排骨麵！於是，男朋友叫排骨麵，小妹就食雲呑麵！雲呑麵有5粒雲呑！都幾大粒👍🏻而且幾多饀♥️不過麵底有d怪，有d似麵但又唔係嗰個口感🤷🏻‍♀️排骨麵到！好大份排骨👍🏻但排骨係用鹽酥雞嘅粉炸？？？？味道有d唔太夾，如果用傳統粉，可能會好d

第一次食呢間，選擇唔多，麵食似車仔雞叫法，兩餸？三餸？大伙兒一齊食，每位都必叫鹽蘇雞併XXX!鹽穌雞香脆可口，配埋可樂和英超就一流！注意事項：學仔可無限添飲，老闆見我地超齡但外貌後生，都問我地添唔添飲。

幫襯咗呢間舖只有五次，可能唔係熟客所以待遇亦感覺有別個別客人。

第一次係喺佢開張冇幾耐，覺得豬扒炸得有點乾，但賣相同味道還可以。

第二，三，四次, 明顯有改進，亦試了鹽酥雞，味道及酥脆度都不錯。

尋晚同太太決定再去幫襯, 叫咗排骨菜肉雲吞上海粗麵及鹽酥雞牛腩上海麵。

侍應亦打印咗張俾我哋確認。

但過咗幾分鐘，侍應先送上菜肉雲吞麵, 通常排骨(炸豬扒)係分開上，所以太太開始食麵，跟著侍應放低一碟炸豬扒 , 同埋我嘅牛腩麵及鹽酥雞。

而侍應突然冇任何解釋攞走張單。

同時間我為意兩碗麵都係上海麵，而唔係一碗粗麵一碗上海麵，但係因為已食咗幾淡，唯有唔去理會，更失望嘅係炸豬扒同鹽酥雞明顯係水準之下，豬扒係一塊好薄大概只有三豪米厚嘅豬扒乾，而鹽酥雞就炸過籠兼將啲炸粉碎倒埋一碟。

慶幸牛腩同菜肉雲吞分量同味道仍是不錯。

最後因為趕時間 , 快快脆脆食完碗麵埋單算數。

上海英姐排骨麵餐單提供滬菜, 上海, 京川滬, 咪嘥嘢食店等推介美食位於馬鞍山區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 27020868 查詢。

您對於馬鞍山餐廳「上海英姐排骨麵」有何 comment？

上海英姐排骨麵餐廳詳細資料：

• 上海英姐排骨麵地址:
  馬鞍山富安花園商場地下2號舖
  Shanghai Ying's Restaurant, Shop2, G/ F, Chevalier Garden Commercial Complex, Ma On Shan
• 上海英姐排骨麵電話: 27020868
• 上海英姐排骨麵價錢: $50以下
• 分類: 滬菜, 上海, 京川滬, 咪嘥嘢食店
• 座位: 未知
• 付款: AlipayHK,支付寶,現金
• FB專頁: 上海英姐排骨麵 Facebook

更多上海英姐排骨麵相關資料:

• 上海英姐排骨麵分店
• Youtube
• Facebook
• Twitter
• Google