華記茶餐廳 馬灣

華記茶餐廳 評價 相片

薯條同杯奶茶都係凍既，叫你換又話換完都係咁，因為我地一拎出黎掛住影相，唔影下相點係OpenRice 寫好評呀，同咗幾個員工講都係冇用，叫老細又話唔係香港，叫經理又話行開咗，唉，呢篇負評係俾食物質素同服務態度既。

今日媽媽生日, 想去挪亞方舟, 未入場時, 先去馬灣食午飯先, 媽媽成日話搵唔番佢拍拖時間華記, 今日行行吓見到有間"華記", 入去一問, 原來真係以前喺馬灣碼頭果間華記, 現在搬咗去新地址! 既然搵到, 肯定要入去一試!蝦醬通菜 好香蝦醬味, 好惹味! 正呀! 仲要好大碟! 啲菜又唔老! 大家讚不絕口!蝦醬炒飯 老闆推介, 真係無介紹錯, 唔油膩, 又入味! 又係正呀!肉絲炒麵 啲汁好好味呀, 雖然好似成個麵餅咁, 但係感覺唔熱氣, 又唔油! 妹妹不停讚好呀!鮮茄班塊 用新鮮蕃茄, 啲魚塊好鬼滑呀! 好好味呀!全部嘢都好大碟, 老闆又好好人, 啲餸又無介紹錯! 啲熱飲喺一般茶餐廳會細杯過凍飲, 不過呢度啲熱飲同凍飲一樣咁大杯! 抵呀!有機會, 一定會再去試其他菜式! 好彩今日早一步入去, 我地一入完去, 後面已經成群人跟住入去, 遲一步都無位呀!

今早唔舒服，打落華記叫外賣華記：" Helllllooooooo 華記!! Moshi Moshi" ( 大叫)我：(呆一呆=_=) 唔該想要一個牛奶麥皮華記：無牛奶麥皮我: 咁......仲有無早餐? (當時係10:50am)華記：你話呢?(態度開始惡劣)我: Huh? 咁即係有定無?華記：你話有咪有，無咪無囉!我: 咁唔該一個雪菜肉絲米加熱horlick。

華記：無啦麻?無我就收線喇!!我：Huh?跟住我收左線! 之前對話語氣勁差都算，我order 完你連地址都唔問就話要收我線, 完全無心做生意!!!不知所謂!其實如果唔係田園無開門，我而家都唔會叫華記，因為d野食越黎越難食!而家仲要加埋勁惡劣的服務態度!我以後都唔會幫襯!

同honey行到攰..就入去食d野啦.叫左2樣野.豉椒牛肉炒麵&星洲炒米~(每碟$26~+5蚊2凍飲)價錢都ok抵~~~講番野食....炒麵都幾脆..ok...但d料冇咩味....唔夠咸..星米相反好夠味.仲有d過辣同過咸..一路食都見好似好多外賣送咁..乜真係咁好食咩?填肚都ok既..冇下次囉....

今日(1362009 Sat)同男友由柏麗灣行去馬灣漁村經過呢條村時,見到有幾間食肆,咁行完馬灣漁村,都已經係2:15pm,就行返o黎食個tea先.入到o黎係冇客o既,我o地叫兩個下午茶餐,一個係$17.00o既法蘭西多士,一個係$25.00o既炸薯條雞翼餐,我要凍檸水,男友要凍檸茶.好快,飲品到o黎,我杯凍檸水唔夠凍亦好少冰,但男友o個杯就多啲冰.而西多士o黎到,塗好牛油同糖漿後就開餐喇.西多士都幾熱,但內裡o既花生醬唔夠,變o左件西多士唔夠香,口感亦差啲.而炸薯條雞翼都到o黎,有三隻雞中翼伴以好多o既薯條,薯條多到誇張,係成隻長形碟咁多,亦已酒上鹽花,由於都係o岩o岩炸起好熱,所以我o地都係食晒西多士至食呢個.薯條夠味,雞翼皮脆肉嫩,不過唔夠味.食完呢個下午茶真係好飽.環境:開晒四把風扇,但冷氣唔夠.衛生同服務都冇問題.

華記茶餐廳餐單提供港式, 茶餐廳, 冰室等推介美食位於馬灣區，餐廳座位數未知人均消費約$50以下，結賬可以用現金，Booking訂位可以電話致電 29865440 查詢。

您對於馬灣餐廳「華記茶餐廳」有何 comment？

華記茶餐廳餐廳詳細資料：

• 華記茶餐廳地址:
  馬灣田寮新村23號地下
  Wah Kee Restaurant, G/ F,23 Tin Liu New Village, Ma Wan
• 華記茶餐廳電話: 29865440
• 華記茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 華記茶餐廳 Facebook

更多華記茶餐廳相關資料:

• 華記茶餐廳分店
• Youtube
• Facebook
• Twitter
• Google