禾彩日本料理 香港仔
最後更新:
禾彩日本料理推介
🐟🍚雜錦刺身飯配麵豉湯 ($92)推介: 🌕🌕🌕🌕🌑刺身飯有6款刺身 (三文魚、三文魚籽、帶子、甜蝦、北寄貝同墨魚) 刺身每款都好新鮮，足料厚切，三文魚目測有14mm厚☝🏼 醋飯雖然唔係用啲咩靚日本米，但酸度，溫度，軟硬程度同飯既比例都調得好好。🍣三文魚壽司($26一客兩件)推介: 🌕🌕🌕🌕🌗呢個實在太出色。 又長又厚又肥美既三文魚，視覺享受已經係100分。一啖係食唔哂嫁 ，好滿足。呢個價錢有呢種質素，好抵食。🍣北寄貝壽司($26一客兩件)推介: 🌕🌕🌕🌕🌗又係好足料。，一件壽司係會有兩塊北寄貝。抵食~🐠三文魚頭+三文魚鮫($75)推介: 🌕🌕🌕🌑🌑燒得啱啱好，魚油份充足。 三文魚鮫好多肉，份量同質素對得住價錢。*餐廳大概有29坐，舖頭未開門就已經排緊隊。晚市6pm開門，建議5:45pm去排 ，咁就一定有位。*免收service charge
香港仔禾彩日本料理
| 餐廳分店 | 禾彩日本料理 |
|---|---|
| 地區 | 香港仔 |
| 電話訂位 | 36925255 |
| 餐單 Menu | 日本菜, 壽司, 刺身, 烏冬, 咪嘥嘢食店 |
| 人氣指數 | 902 |
| 價錢幾錢 | $51-100 |
禾彩日本料理訂位位於香港仔區，詳細地址是香港仔香港仔大道108-112號達和大廈地下A舖，餐廳寬敞座位數目共有未知幾多個。禾彩日本料理幾錢？價錢優惠後人均消費大約$51-100埋單，早餐午餐晚餐禾彩日本料理餐單包括有日本菜, 壽司, 刺身, 烏冬, 咪嘥嘢食店等美食，付款方式有AlipayHK,支付寶,現金付款，Booking網上訂位可以電話致電 36925255 查詢訂座。
禾彩日本料理優惠
禾彩日本料理 評價 相片
🐟🍚雜錦刺身飯配麵豉湯 ($92)推介: 🌕🌕🌕🌕🌑刺身飯有6款刺身 (三文魚、三文魚籽、帶子、甜蝦、北寄貝同墨魚) 刺身每款都好新鮮，足料厚切，三文魚目測有14mm厚☝🏼 醋飯雖然唔係用啲咩靚日本米，但酸度，溫度，軟硬程度同飯既比例都調得好好。
🍣三文魚壽司($26一客兩件)推介: 🌕🌕🌕🌕🌗呢個實在太出色。
又長又厚又肥美既三文魚，視覺享受已經係100分。
一啖係食唔哂嫁 ，好滿足。
呢個價錢有呢種質素，好抵食。
🍣北寄貝壽司($26一客兩件)推介: 🌕🌕🌕🌕🌗又係好足料。
，一件壽司係會有兩塊北寄貝。
抵食~🐠三文魚頭+三文魚鮫($75)推介: 🌕🌕🌕🌑🌑燒得啱啱好，魚油份充足。
三文魚鮫好多肉，份量同質素對得住價錢。
*餐廳大概有29坐，舖頭未開門就已經排緊隊。
晚市6pm開門，建議5:45pm去排 ，咁就一定有位。
*免收service charge
此家位於香港仔海旁，毫不起眼嘅日本料理小店，之前經朋友推介才知道佢嘅存在，食過兩次，之後就念念不忘佢嘅美食，尤其係刺身和蛋飯，確令人回味。
又因為在附近返工，因利成便，搭幾個站巴士就到，所以今次即興約了兩位同事前來一嘗。
我們仨收工第一時間趕到，食到晚市第一輪，不用等位。
坐低先order$278套餐，如果唔係超大胃口，三位用都足夠。
套餐先嚟一份刺身拼盤，內有三文魚、帶子、蝦和北寄貝，非常新鮮，口感和味道都會令你心思思又想再食。
😋😋😋很抱歉，因為刺身慘被秒殺，所以冇相睇。
😅.我們揀咗炸蝦拼雜菜天婦羅，👀又邊個咁快夾咗件大大舊炸🍆呀？都未影相......🤣🤣🤣因為上次試過芝士野菌，今次就選了和風炒雜菜。
炒雜菜一向在套餐裡都是配角，不過呢道唔同，內有椰菜、金菇、鮮菇，甘笋等，味道口感恰到好處，可獨當一面！😋😋😋輪到呢碗雞肉蛋飯，咪以為份量好少，只係角度問題，其實份量十足，而且口感和味道都係冇得彈。
雞肉、蛋、洋蔥嘅份量配搭啱啱好，食材切嘅形狀大小相近，配微甜嘅醬油，總之就係好正，兩位同事不停比👍👍👍👍👍，仲見到佢哋食得很開心滿意。
🤣🤣🤣🤣🤣套餐還跟兩碗蜆肉海帶麵豉湯，我一向都唔鍾意呢啲“鼓油湯”，不過呢道嘅麵豉湯真係好足料，唔會得個咸又冇料到。
睇得出店主好有誠意，即使細細碗湯都落足料，唔會變成可有可冇嘅例湯。
其實，食曬成個套餐，都真係飽飽地，不過同事妹妹強烈要來，要試這個和風炸豆腐，好喇！又果然冇令我失望，薄而脆脆的面，包着熱騰騰白雪雪滑捋捋嘅豆腐，又係一個字"好正"！👍👍👍👍👍🤣🤣🤣其實真係飽㗎喇，不過以我所知，佢哋嘅三文魚壽司$26/份(2件)🍣，係有點特別...長，於是响同事“鼓勵”下叫咗一份，因為其中一位参賽者已被擊倒。
😅以這件 🍣一口都食唔曬嘅三文魚壽司，作為今餐結尾，實在非常之圓滿。
這頓令人滿足嘅晚餐，每人消費都只係$115。
我們仨已約定以後要再來試其他款式，因為實在太吸引了。
👍😋💖最後特别一讚服務周到嘅店員，收碟送菜不會怠慢，還不停添茶，最後還送上牙籤。
🎉🎉🎉🎊之前曾聽過人說，這店服務不佳，說句公道話，我來過三次，每次都非常滿意，不知是誤會還是已改善。
總之最重要係食物用心做，用良心食材，在這如此困難嘅經營環境下，一家小店能做到這樣，我會給💯分，會繼續支持！💪💪💪💪💪
食肆細細間，但冇所謂，最緊要用料得！而且成晚職員好好禮貌，又成日幫手加水，即使多客都服務好好，抵讚。
刺身無論係蝦、三文魚、帶子或北寄貝都好鮮甜。
花之戀壽司三文魚味道唔錯，好多蟹籽。
初初有d驚好多沙律醬，但食落卻唔係死甜，反而比出面食嘅多左d酸味，竟然仲開胃。
炸蝦天婦羅上碟時新鮮炸起，摸落好熱。
不過我擺左一陣先食又好快唔夠熱添。
值得一讚係炸得好好外層夠脆且唔油膩。
蝦肉好嫩滑亦有蝦味，可見用料同烹調技巧都上盛。
炒雜菜好多木魚絲，仲有好多冬菇，真落足料。
部份菜炒得硬左少少，整體都好食。
落左少少楜椒，惹味得黎唔會太鹹。
蜆肉湯蜆肉湯味道不過不失，唔會太鹹。
可惜係隻蜆味道明顯唔新鮮。
生薑豚肉飯料好足，飯又多肉又多冬菇亦多，而最多嘅係薑...本人唔鍾意薑，平時食會夾走大塊薑。
然而今次餐廳係將d薑磨得好碎，故此完全避唔到。
不過如果鍾意食薑的話，咁樣整真係好好，睇到餐廳好有心。
二人餐，係唔使加一服務費！
香港仔啲頭食日本嘢嘅店舖唔多，俾我上網見到呢一間餐廳好似有唔錯嘅評語，於是就好奇想試吓佢。
呢一間餐廳只係小店，座位唔算好多，但引起都幾旺，午飯時間完全滿座。
我同朋友入到去坐低後，店員好友善咁樣向我哋地都推介當日有乜最新先最抵食，因為餐廳每一日都會有不同嘅推介做優惠。
不過當日佢嘅優惠推介我同朋友都唔係特別感興，於是就叫咗其他餐。
我哋兩個都叫咗午市套餐，會有刺身前菜、麵豉湯同埋主餐。
先講佢個刺身前菜，係兩大舊嘅厚切三文魚刺身，兩片肥美嘅帶子刺身，同埋兩大隻虎size嘅甜蝦刺身。
我三款刺身都非常新鮮，味道非常鮮甜，三文魚嘅厚度簡直就係一般三文魚刺身嘅兩倍，鍾意食三文魚刺身嘅朋友一定要叫套餐。
麵豉湯亦唔馬虎，每碗麵豉湯入邊都有大大粒新鮮連殼蜆肉，所以味道亦都比起即沖嘅多一份鮮甜。
呢碗吉列豬扒飯嘅份量真係超足料，佢唔係淨係個碗大，而係成塊豬扒都超級大塊，而且仲要係厚切，我夠膽講佢係我食過最大塊嘅滑蛋豬扒。
而且塊豬扒唔會好厚粉，塊皮夠酥脆。
雖然豬扒很厚，但肉質鮮嫩，而且仲要非常多汁。
加埋滑蛋一齊食，忍唔住一口接一口。
雜錦天婦羅有大蝦、茄子、冬菇、南瓜同埋番薯。
天婦羅嘅炸粉唔會好厚，非常酥脆，食落去亦唔會覺得好油膩，揸得非常好。
由於佢所有嘅食物都係即點即做，所以食嘅時候小心燙嘴。
烏冬方面，烏冬都幾煙韌，湯底堅魚味重，不錯。
最後不能不提呢間小店嘅服務，店員除咗好用心咁介紹菜式之外，仲不是為我哋添加玄米茶，服務細心窩心。
已呢一個價錢有咁嘅食物質素，絕對係物有所值，難怪日日都有咁多人嚟食飯啦～
Work from home 想係香港仔食日本野，一係鮨政，一係禾彩，次次見到鮨政多人，都係食禾彩。
今次叫左天婦羅烏冬，前菜叫左5件剌身，又係有2件大大舊既三文魚，帶子同2隻蝦。
天婦羅蝦有2隻、南瓜、冬菇、茄子、蕃薯各一件，一個湯烏冬，個set仲送埋麵豉湯，可以加錢轉汽水。
烏冬係日本烏冬黎既，仲有D粟米海帶係麵，爽口彈牙。
天婦羅既粉唔算好厚，而且新鮮炸好熱辣辣，rest左一陣，好脆，最鐘意食粒冬菇。
埋單$90
禾彩日本料理餐單提供日本菜, 壽司, 刺身, 烏冬, 咪嘥嘢食店等推介美食位於香港仔區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 36925255 查詢。
您對於香港仔餐廳「禾彩日本料理」有何 comment？
禾彩日本料理餐廳詳細資料：
- 禾彩日本料理地址: 香港仔香港仔大道108-112號達和大廈地下A舖 禾彩日本料理, Shop A, G/ F, Tat Wo Building,108-112 Aberdeen Main Road, Aberdeen
- 禾彩日本料理電話: 36925255
- 禾彩日本料理價錢: $51-100
- 分類: 日本菜, 壽司, 刺身, 烏冬, 咪嘥嘢食店
- 座位: 未知
- 付款: AlipayHK,支付寶,現金
- FB專頁: 禾彩日本料理 Facebook
更多禾彩日本料理相關資料:
香港餐廳2026推介8月