祥興茶餐廳 香港仔

祥興茶餐廳 評價 相片

都係十多年前的事啦，皆因都係廿六座問題公屋，使到最好玩的第九座要拆，可惜可惜，有冇人記得呢？細過時屋企窮兼極少出外用膳，連住在對面的茶餐廳都未幫襯過，有幸在生日期間返到去懷念一下童年回憶。

這間茶餐廳不是村內唯一的一間，但客人係最多囉，預著星期六，當然有客人係賭馬啦。

裝修應該是近兩至三年的事，天花版有茄子的裝飾物，同埋卡座與卡座之間有個坑位，係擺一樽樽的辣椒醬及茄汁，可以唔駛叫侍應，呢樣都聰明。

叫了菠蘿油，見住老細用刀介開內裡，然後將牛油塞入去，可能左一段時間，個包有少少硬，最遺憾係冇耐就新鮮出爐，不是水準之上，但好茶餐廳feel。

幅相映期間，坐我對面的阿怕也行左開去，我話你冇入鏡喎，同埋有位西餐友要十五杯熱奶茶外賣趕住走，係唔係未食藥呢？還有一件好開心的事，就係可以再入座裡面映相而冇抄牌及問候，包括我以前住的單位對出的走廊，兼一次過在內由一座行去八座，既感慨又緬懷，可惜之前落過雨，冇機會上南朗山映相。

星期二(1/6)的下午,我上左去長頸鹿屋企陪佢睇碟,之後就齊齊去跑步.跑步前當然要先補充能量,所以我地就到佢屋企樓下的茶餐廳開餐.呢度係典型屋村茶餐廳格局,有好多卡位,店前兼賣麵包西餅,睇過其他網友食評,都讚呢度的麵包好食,不過我未試過,唔知係咪真.去到已過5點,過左下午茶時段,而且快將收舖,所以我倆都快快落order,每人叫左一個麵跟凍飲,只需$14,幾抵! 長頸鹿叫了回鍋肉米加凍檸茶,望落碗粉普普通通,杯茶就幾ok,一般茶記水準.而我要了沙爹牛麵加凍檸水,沙爹牛肉幾好味,牛肉唔'un',幾滑,個麵就唔係好得,唔係丁麵,又唔係福麵,食落有d怪味,麻麻地,杯檸水仲得意,明明係有5塊檸檬,但篤爛晒搞勻來飲都仲係好甜,d伙計唔知係咪以為我要檸蜜.題外話:黃竹坑村行將重建,唔知呢間茶餐廳的命運,會否如其他已拆卸的屋村茶餐廳一樣,唔會擇地重開呢?

我無去過祥興食飯, 但係成日tea time去買麵包, 個度d蛋撻勁正, $2一個, 三點之後不停出爐, 熱辣辣, 好正.另外, 佢有個勁多芝麻的豬仔包, 好大個又好味. 總之.......正啊

o係工業區附近冇咩野好食...唔係貴就唔食得人呢到既野好平炒麵加飲品都係14蚊大大碗全日供應午餐都係17蚊有凍飲下午荼都係13蚊最正係新鮮平靚正大大個既麵包喇好多款又有老婆餅皮蛋咸蛋酥........好多好多以呢個$係好得服務都幾好我去左一次第二次去佢地記得.好得~

the bread and cakes of this restaurant is so fresh and delicious.The price is also very reasonable.

祥興茶餐廳餐單提供港式, 茶餐廳, 冰室等推介美食位於香港仔區，餐廳座位數未知人均消費約$50以下，結賬可以用現金。

您對於香港仔餐廳「祥興茶餐廳」有何 comment？

祥興茶餐廳餐廳詳細資料：

• 祥興茶餐廳地址:
  香港仔黃竹坑新村四座8號舖
  Cheung Hing Restaurant, No.8 Block4, Wong Chuk Hang Estate,, Aberdeen
• 祥興茶餐廳電話:  
• 祥興茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 祥興茶餐廳 Facebook

更多祥興茶餐廳相關資料:

• 祥興茶餐廳分店
• Youtube
• Facebook
• Twitter
• Google