新寶海鮮酒家 香港仔

新寶海鮮酒家 評價 相片

一行三人經過田灣，見佢門口泊得車，又好似幾多人食，所以就試o下。

結果一試難忘老板娘見我地三個人，叫我地食兩個餸就好了，因為份量多，結果因為貪吃，叫了三個。

魚香茄子煲 好味指數 : ***** 好香，用石窩上，熱騰騰的。

味道剛剛好，又夠獲氣，由於系用石窩上，食到中段都仲好熱o家。

黃金豆腐雞軟骨好味指數 : ****** 個人最鍾意呢個，豆腐炸到皮薄，外脆內滑，唔會食到成口炸粉，真系好好味。

雞軟都炸到岩岩好。

送酒一流 !!椒挅石斑腩好味指數 : **** 不太咸又唔太spicy，魚亦新鮮，煮既時間岩岩好，好滑。

果然，碟碟份量都好多，三個人食唔曬，仲夠我打包帶飯 !!總括來講，好有驚喜，一定會再去羅。

門口可以泊車。

雖然唔太就腳，但去完赤柱，淺水灣可以順便出來食。

service一流，地方雖舊，但很清潔，愛吃的必到

(4/1/09)grandma生日。

晚飯分兩場6:30pm & 8:30pm。

我地食早場,食到八點幾其實都無人等。

廿零人菜式:粉葛赤小豆湯,味足料很有住家feel,沙律骨,用了千島醬兜渾,襯熱食,ok。

海蝦上沙湯e麵,唔係咁鍾意汁煮連殼蝦,加上這海蝦無乜鮮甜味。

斑腩煲,很多腐竹癡晒底,斑腩頗腥。

蝦醬肉鬆芥蘭煲,太咸,肉鬆好餸飯。

炸鱔球,好失望,原來唔係我地所諗既燒鱔咁樣,而係兜入甜酸汁三色椒鍋巴,鐵板上….. _ o徒晒。

蝦球蒸豆腐,很清淡,蝦,又係無鮮味,雖然在漁港區,但佢始終係間酒樓,唔係海鮮酒家,原諒佢。

豉油皇蔥絲雞,皮脆又夠味,唔錯。

金銀蛋豆苗,睇個樣都好想食,咸蛋黃湯靚得金黃色,正正正!跟住「主菜」─壽包。

上次食, 一吃難忘!簡直係天下第一包!!蓮蓉餡柔軟；加埋差唔多住隻的咸蛋黃!皮還食到有小麥粉的香!包你食一個已深深愛上!

小弟新搬入田灣．．正諗緊ｏ係邊度食入伙酒時．．．女朋友提議不如就近新寶試下啦．．．因為佢見晚晚都好多人ｏ係ｏ個度食．．兼且佢總店ｏ係香港仔所以都應該有信心ｏ既．．於是一行十人就決定食下呢間開左３個月左右ｏ既舖頭．．．我地叫左８味菜天下第一骨－－好入味，有ｄ似椒鹽骨，大大碟！陽光十二菜－－有十二種菜集合埋一窩，好清甜．．個窩面足足有隻半咁大豉椒鵝腸－－無乜特別唔記得咩名雞（唔係炸子，唔係菜膽）－－好有雞味豉汁蒸鱔－－時間ｏ岩ｏ岩好．．．好有口感沙窩魚頭煲－－石頭窩上，兩大個魚頭．．．勁勁勁好味，由頭到尾都係熱ｏ既蝦醬通菜－－都係石頭窩上，通菜乾身得ｏ黎好入味紅燒豆腐－－好普遍ｏ既一個菜，但係覺得好好味，豆腐好滑成餐飯所有人都拍案叫絕．．其實最重要都係食得開心．．．１０個人食埋單接近＄８００～認為係平定貴就大家觀點角度．．但可以保證佢地碟碟都好足料．．物有所值點菜時叫左小油，小鹹．．結果完全合乎要求．．食到尾昇．．四眼哥哥仲行埋ｏ黎叫我地比下意見．．．呢ｄ先係做生意嘛．．．．今次首次試食無影相．．不過我必定再去食．．．下次補相比大家．．．！

新寶海鮮酒家餐單提供粵菜, 廣東, 點心, 酒樓等推介美食位於香港仔區，餐廳座位數未知人均消費約$51-100，結賬可以用Visa,Master,現金。

您對於香港仔餐廳「新寶海鮮酒家」有何 comment？

新寶海鮮酒家餐廳詳細資料：

• 新寶海鮮酒家地址:
  香港仔田灣嘉禾街15號地下
  新寶海鮮酒家, G/ F,15 Ka Wo Street, Tin Wan, Aberdeen
• 新寶海鮮酒家電話:  
• 新寶海鮮酒家價錢: $51-100
• 分類: 粵菜, 廣東, 點心, 酒樓
• 座位: 未知
• 付款: Visa,Master,現金
• FB專頁: 新寶海鮮酒家 Facebook

更多新寶海鮮酒家相關資料:

• 新寶海鮮酒家分店
• Youtube
• Facebook
• Twitter
• Google