雙辣船 (chillie sark) 青衣

雙辣船 (chillie sark) 評價 相片

係上年同我條仔去過食一次...叫哂野食啦..我地就係一路傾計一路等...等左好耐都冇黎到..叫落單個個點解..佢話唔見左張單..你唔見左就一早同我地講啦...咁我地都算啦..再落過...上菜方面都算快啦..食完就走了..今年2月14日同條仔再去食..咁節日就多人d..等左陣就入坐啦..只係俾左餐牌我地睇...水呀..餐具咩都冇...落完野食..要叫佢地俾水先識俾囉...又係等左好陣都未黎...吹左佢地一陣先黎..黎到個侍應黎住兩個飯..張枱細..我一路擺位一路幫佢拎住..但我只係拎住個角...佢就放左手..個飯咁就跌左落地..好彩我地個飯同隔離一樣..佢就俾左我地..隔離枱又等左好耐..最後佢地就俾錢走人啦..食飯中時黎左個菜..我地兩樣都食哂啦..仲欠個咖哩..又叫佢地..叫左3次..第3次時個女仔去睇單原來冇落到..但冇同返我地講..有張枱個2個人等左1個鐘都未有野食就走了..佢地一走d野食就黎..d侍應話有冇搞錯呀..係人等咁耐都走啦..我地左手邊個枱遲過我地入仲食得快過我地...真想x佢地..見d廚師出哂黎吹水...都唔知係咪做...有d客係出面等黎..佢地都唔理囉...d侍應仲要一路食野一路同客講野..咁我地又問多次..有個侍應話不如你地埋單啦..我心諗你地好似做唔做都冇所謂咁囉...俾完錢就快快走..以後都唔去個到食野啦..

走到青衣城二樓一間香Ｘ船,recep姐姐已經非常不滿我們要求坐另一張?,寫order的姐姐更過份,十問九不知,但經理更過份,竟然說出一段不負責任的說話：\"只是吃一餐\飯吧了,不要太緊張,他們是幹暑期工的,不要期望她們幹得好！！”ＯＫ..... 二話不說起身就走～只是一頓飯,我明白\"暑期工\" ,但不代表服務的態度就可以不好,我們絕對接受十問九不知,但絕不接受這種\"工作態度\"～從來沒想過做暑期工的青年人會如此散慢,從前的暑期工永遠是最勤快,最肯學習的青年,現在真的是時代變了,就連\"經理\"也將這個責任推卸,覺得顧客接受是所當然的，實在太過份～奉勸各位,千萬不要到青衣城的香辣Ｘ進餐\,你必定會後悔～必定必定必定必定必定必定必定必定後悔～後悔～後悔～後悔～後悔～後悔～Thx all

呢間餐廳又佢開到依家我都有幫襯,但發覺好似d員工成日轉,可能真係轉咗幾次手! 本來係全部都係印度藉的侍應, now全部都係中國藉~ d食物都ok, 但服務又越來越差,尋晚我去食,領教過之後我都忍唔住要上嚟話比大家聽!尋晚我同屋企人5個人去食飯, 佢地有2人餐同埋4人餐, 之前就算5個人去食都可以order 2人餐, 依家就唔得要3個人以下先可以order! 但4人餐同2人餐的款式同碟數都係一樣, 6樣野加多一個甜品! 因2人餐係$208, 而4人餐係$428, 如果我地order 2個2人餐仲抵過一個4人餐~ 之後我地叫個侍應嚟, 點知成班侍應唔知點解你推我推先搵到一個嚟,其他人就只係企埋一邊傾計! 問個侍應2人餐同4人餐有咩分別,佢話d食品一樣,但會大碟d!見隔離枱2人餐2個人食的份量都ok, 咁ok喇, order咗一個4人餐,再order半打沙嗲,細海鮮湯,一個飯~首先嚟咗沙嗲先,一d都唔好食,沙嗲醬少得可憐,細碟過隻豉油碟,真係一串一點...之後嚟咗4人餐的食物,真係難以置信,根本同隔離枱2人餐一模一樣,炒青口隔離枱仲多過我地~ 忍唔住叫個著粉紅色衫的男人過嚟問點解4人餐同2人餐的份量係一樣, 點知佢話:份量係一樣ga,係碟數唔同!咩碟數唔同, 咪又係7樣野, then個男人企係度冷笑, 好似好無奈咁, 我細佬問你笑咩, 笑就得ga la... then個男人就攞碟青口走, 炒個碟出來, 但好明顯都係甘多隻, 只係佢將d青口放返係面,底個d都係菜... 我真係想問多句有d咩分別,你個類似經理的物體又答唔到我,佢轉個身就話班侍應邊個講4人餐的份量會多...then又唔知係度講d咩對住我地指指點點, 而全晚個粉紅男人好似避開你咁...~!講真尋晚都冇咩人去食,入座率少於3成,又唔係忙,點解d服務同態度可以咁差~! 個4人餐的羊肉卷得3條, 2人餐又係3條~~ 我真係唔知係d咩4人餐!咁不如下次我地分開枱坐,可以order 2人餐~平時去食d野都係食唔晒, 今次食清晒d野都唔飽, 我細佬話食都唔好係度食, 唔好比$佢地賺~ 因個粉紅男人真係串~!!!!走個時個粉紅男人企係門口,多謝一句都冇講, 我真係未見過呢d咁的經理~ 以前間野好多人幫襯,要排晒隊攞位,依家真係想搵人幫襯都難!我都覺得奇,點解唔洗排都有位~!好心佢地檢討一下,已經唔只一次係咁~!!真係唔會再有第2次的幫襯~

上星期行開青衣城, 本想行晒成個商場先決定食咩, 點知行行下師傅我突然間非常肚餓, 餓到好辛苦, 咩都唔想諗淨係想快d坐底食野咋, 於是乎諗起呢度唔係好多人, 唔使等位, 拿拿聲決定入黎食野!入到去坐底望一望個餐牌, 見到有個二人餐, 就二話不說叫左呢個喇! 個二人餐有六款唔同菜式, 每款菜式又有三樣食物可以選擇, 結果我要左燒豬頸肉, 免治羊肉棒, 蠔仔炒蛋, 咖哩牛腩, 炒通菜, 白飯同薄餅! 再加左一杯紅毛單冰同埋芒果乳酪!野食唔使等好耐就有得食, 燒豬頸肉最先到達, 豬頸肉燒得好香但又唔會太, 而且都非常爽口, 點埋d辣汁值頭一流; 跟住就到炒通菜, 通菜好嫩, 炒完都唔會太多油, 可以呀; 咖哩牛腩咖哩汁好香唔係太辣, 而牛腩都算好鬆不過就"鞋"左少少, 但係個汁真係好惹味, 用黎送飯又係得喎, 而薄餅又係做得出色喎, 熱辣辣好薄加埋個咖哩汁真係好正呀, 一絕配搭; 免治羊肉棒就比較咸, 而且肉裡面有洋蔥粒, 師傅我就唔係咁鍾意喇; 另一個蠔仔炒蛋就好唔得喇, 蠔仔好多不過就超苦, 蛋就炒得一般, 一d都唔吸引, 好失敗; 紅毛單冰成杯藥水咁味道, 差d我以為自己病左添呀, 紅毛單有五粒, 係食紅毛單會開心d囉; 芒果乳酪就酸酸甜甜, 反而ok喎!環境就一般啦, 服務態度又係唔得喎, 個女侍應由落單又埋單全程又係黑口黑面, 好似奔喪咁, 同佢講上面滴水, 佢竟然話而家冇位同你地轉呀, 你地坐入少少啦, 而唔係去諗下有咩辦法幫個客人, 咁服飾態度就唔得啦! 仲有一樣野係最離譜架, 埋單明明係$249, 我比$300佢, 找番黎竟然係得一張$50蚊, 個$1都食埋, 算數啦, 我都費時出聲同佢理論, 一蚊雞又唔係豪唔起, 咪豪比佢囉! 我諗下次都唔會再黎全因d服務太差喇! 本來都可以比個笑面, 但因為我唔會再黎所以就唔比喇!

自青衣城開張到現在,這店子好像已轉了好幾手,由於唔係經常去,所以差不多次次均有些不同味道, 是次叫了烤餅,咖哩烤羊,青口,羊的味道汁太濃, 但無甚咖哩味,烤餅尚算可以,青口汁太咸,青口大小不一,整體ok而已

雙辣船 (chillie sark)餐單提供泰國菜, 粉麵, 米線等推介美食位於青衣區，餐廳座位數未知人均消費約$51-100，結賬可以用現金。

您對於青衣餐廳「雙辣船 (chillie sark)」有何 comment？

雙辣船 (chillie sark)餐廳詳細資料：

• 雙辣船 (chillie sark)地址:
  青衣青敬路33號青衣城203號舖
  Chillie Sark, Shop203, Maritime Square,33 Tsing King Road, Tsing Yi
• 雙辣船 (chillie sark)電話:  
• 雙辣船 (chillie sark)價錢: $51-100
• 分類: 泰國菜, 粉麵, 米線
• 座位: 未知
• 付款: 現金
• FB專頁: 雙辣船 (chillie sark) Facebook

更多雙辣船 (chillie sark)相關資料:

• 雙辣船 (chillie sark)分店
• Youtube
• Facebook
• Twitter
• Google