赤丸製麵所 青衣

赤丸製麵所 評價 相片

晚上跟朋友食飯,岩岩買完六合彩就見到赤丸無人排隊就入去食啦,我地3個人坐卡位都幾舒服。

我點了一個滑蛋吉列豬扒飯。

賣相係幾好,炸得金黃。

但聞唔到香味,食落果然無錯,係軟既,一d都唔脆,好似炸完放左好耐先再囉出黎比人食,同埋好油,我諗炸既時候油溫唔夠高,所以又軟又油。

最大獲係塊豬扒無味,炸之前加d鹽加d黑椒就已經可以好好食啦。

個飯濕濕地,一d都唔好食,其實日日煮飯,日日個個份量,日日個隻牌子,都可以煮到d飯咁,真係唔明白。

個飯仲跟個麵鼓湯,但係個麵鼓湯好明顯係味精湯,唔係真正的麵鼓,所以不飲也罷。

唔怪之得晚飯時間無人排隊。

我個朋友就叫左個拉麵,都係期望唔好咁高

今日同屋企人落去青衣城又去食日本野，見到間出名係烏冬既赤丸製麵所,聞到好香既湯同埋魚鮮味，真係好吸引。

叫左個柑子鲜蝦烏冬同埋墨魚丸，d柑子好香，好開畏，一流！！！襯埋鮮蝦，無得頂！！！d烏冬先最正，夠彈牙，夠爽！跟住個墨魚丸都好好食，有料！

剛剛去完迪士尼，打算近近地去青衣城食晚飯。

在openrice搜尋烏冬，只顯示了這間，所以就試下。

入去之後都叫坐無虛席，我2個人就坐左係吧台。

諗左好耐，最後揀左個滑蛋鰻魚烏冬，佢話係新品黎。

等左唔算好耐，首先個外貌唔吸引，d滑蛋睇落去係灰色，鰻魚份量唔多。

食落去d烏冬完全感受唔到係專門店應該食到既野唔值呢個價，鰻魚既味道就不過不失啦。

總括以言，我食得飽但唔會再去。

(順帶一提，服務員態度亦不太好，好似趕客咁，好快就執台)

晚上大概八時半，去到青衣城搵食，於是就想起依間食日本野0既食店，因為之前食過覺得雖然座位係迫d，但係d食物、價錢同埋服務態度都幾好，所以就想再去食啦！點知今次去食同上次完全係兩回事！職員態度︰一入到去見d職員唔係門口，所以就自己同一位朋友行入去，座低後只見枱上有兩個無水茶杯同餐牌，職員完全無理會我地，大部份職員竟然走曬，剩返一位職員慢慢咁執緊枱，跟住我地就叫依位職員落單，同埋想叫佢比兩杯水我地，佢竟然當聽唔到，等左一陣又有另一位職員出黎，於是我地叫佢落單，依次有落單 但係佢都係唔肯比杯水我地，我地見到隔離枱有一個膠水壺，於是就自己(針)水啦，但係佢見到d客個膠水壺無水都唔肯再(針)！食物方面︰叫左一個香菇牛肉飯，分量適中，不過乘碗都係油，食完好似食左乘舊豬油膏咁，(吉x家)都好食過佢！ 仲叫左一碗吉列豬排湯烏冬，豬排炸到乾兼無味，仲要有一塊豬排竟然得塊炸過0既皮，塊肉唔知去左邊度！！烏冬好硬！d湯咸到苦！所以食埋依次一定無下次！

從前最愛赤丸的烏冬，當年係apm 經常食，但後來apm赤丸結業後就好少去其他分店了。

當年記得湯烏冬/ 凍烏冬係10蚊一碗，天婦羅茄子5蚊兩件。

可想而知有幾耐冇去過喇!今日係青衣偶遇，簡直有種撞到老朋友既感覺，一定要入去話當年啦!打開餐牌，湯烏冬已經24蚊一碗，天婦羅茄子15蚊兩件，證明時間真係過得好快好快!天氣有少少熱，就叫左個中華稻庭風凍烏冬!配菜正常屬好食既水準，蝦新鮮炸起，粉薄蝦爽，其他蟹柳腐皮都係交番黎, 冇咩特別，唔會出事既味道。

最重要係個烏冬，以前係apm 真係見d日本人手打烏冬，一條條"猜"出黎，今日見唔到呢個畫面，不過d烏冬同以前一樣都係咁煙韌幼滑!!!!!!!!!!!非常令人感動的一個烏冬質感!以前的凍烏冬係配昆布汁，依家就配芝麻醬，兩樣都好味，味道非常配合凍烏冬!如果港島有赤丸的話，一定會係我飯堂...

赤丸製麵所餐單提供日本菜, 烏冬等推介美食位於青衣區，餐廳座位數未知人均消費約$51-100，結賬可以用現金。

您對於青衣餐廳「赤丸製麵所」有何 comment？

赤丸製麵所餐廳詳細資料：

• 赤丸製麵所地址:
  青衣青敬路33號青衣城1樓128號舖
  Akamaru Udon Factory, Shop128,1/ F, Maritime Square,33 Tsing King Road, Tsing Yi
• 赤丸製麵所電話:  
• 赤丸製麵所價錢: $51-100
• 分類: 日本菜, 烏冬
• 座位: 未知
• 付款: 現金
• FB專頁: 赤丸製麵所 Facebook

更多赤丸製麵所相關資料:

• 赤丸製麵所分店
• Youtube
• Facebook
• Twitter
• Google