前門飯莊 青衣

前門飯莊 評價 相片

朋友專程入嚟青衣想搵間坐得舒服嘅中菜一出地鐵就黎到青衣城依間前門飯莊環境舒服企理卡位座坐位高身有一定程度間隔枱同枱都分得比較開疫情下黎食都保持到衛生同私隱食物方面 我哋叫咗前菜老醋海蜇頭平時海蜇絲食得多 第一次試海蜇頭係比較有咬口扁身 圓形嘅海蜇部分配埋萵筍條 成碟餸都好開胃爽口大家都一致認同好好味另外我哋叫咗一籠小籠包小籠包皮唔算話好薄不過入面嘅豬肉同湯汁都好鮮嫩仲叫咗京蔥炒豬肉鐘意佢京蔥份量同豬肉一樣咁多呢碟餸係跟埋薄皮好似食片皮鴨咁要包住食如果就咁食呢碟餸嘅醬汁比較鹹包住薄皮食就啱啱好啦最後叫咗個師傅炒飯 其實就係楊州炒飯不過冇蝦仁嘅炒飯就稍為失色冇乜特別整體黎講前門飯莊食物水準都唔差喎而且坐得好舒服 服務一流值得一試

今晚坐地鐵返屋企，決定係青衣城食完晚飯先返屋企，見到好耐冇去前門飯莊，決定兩個人去撐枱腳。

因為好耐冇食豆沙鍋餅同小籠包，所以叫咗個精選二人套餐。

首先已經冇咩客，都會落漏單，等咗20分鐘追佢先再幫我落返單😡😡😡，前菜手撕雞粉皮同五香烤魚都正正常常，跟住個青椒毛豆肉絲同三絲花膠羹就出事，肉絲同羮裏面啲瘦肉絲都好似乾柴咁同無味，個花膠羹好似飲緊生粉水咁，個咕嚕雞球同小籠包都尚算OK，最出事就係個豆沙鍋餅，個皮仲硬過我條命。

無下次！

最近天氣好炎熱日日熱到都唔想出街食飯想留喺屋企 又無乜食慾但係約咗朋友又無得推咁唯有揀啲嘢食可以消暑胡麻山藥准山雪到冷涼 然後加芝麻醬 好Fresh好消暑蒜泥黑豚肉又係涼浸浸既 黑豚肉淋得黎唔韌 加埋秘制醬汁好開胃 連青瓜都點個汁食埋四喜烤夫第一次食 覺得好得意甜甜地 個麵筋好好食吸哂d汁蟹肉粟米羹食完凍野 要飲個湯去暖下個胃個湯足料 同埋上菜嘅時候會幫客人分湯 服務幾好小籠包朋友好快手咁夾左舊😂同某某餐廳既水準差唔多 皮薄又有湯汁要輕輕力 因為好易穿😂呢個超好食唔夠5分鐘食哂😂😂價錢完全合理 以咁既價錢有服務上菜快味道好

今日午餐突然想食中餐，最後到了前門飯莊。

餐廳有午市套餐。

我們一行四人叫了黑醋排骨，一個粗炒，一個泡飯和一個獅子頭。

其中黑醋味道甜甜酸酸，十分開胃，非常之合適伴飯。

至於粗炒就不會太咸，而且麵身乾爽，不會太油。

反而我覺得不太滿意的是它的燈一直在閃。

坐久看字會不舒服。

整體而言，午餐的價格算貴，不過味道不錯，而且套餐完整。

態度極差！叫餐時只是提一下服務員要剪麵🙇‍♀️🙏態度差勁的回覆：你唔使講架我哋會剪，我：我只係想提一下...服務員：就算你唔講我哋麵剪架啦.....其實！唔係每一個客人都會知道你公司剪麵定唔剪麵架嘛😡😡就算你回覆也不用那個態度的吧😡😡

前門飯莊餐單提供京川滬, 中菜館, 少鹽少糖食店等推介美食位於青衣區，餐廳座位數未知人均消費約$101-200，結賬可以用Visa,Master,現金,AE,銀聯，Booking訂位可以電話致電 21867733 查詢。

您對於青衣餐廳「前門飯莊」有何 comment？

前門飯莊餐廳詳細資料：

• 前門飯莊地址:
  青衣青敬路33號青衣城3樓322B號舖
  The Door Northern Chinese Dining, Shop322 B,3/ F, Maritime Square,33 Tsing King Road, Tsing Yi
• 前門飯莊電話: 21867733
• 前門飯莊價錢: $101-200
• 分類: 京川滬, 中菜館, 少鹽少糖食店
• 座位: 未知
• 付款: Visa,Master,現金,AE,銀聯
• FB專頁: 前門飯莊 Facebook

更多前門飯莊相關資料:

• 前門飯莊分店
• Youtube
• Facebook
• Twitter
• Google