100米 青衣

100米 評價 相片

平時都有黎開呢間食，大部分餐都試過A餐肉燥飯可以轉菜飯，味道幾唔錯，尤其係豬頸肉同糖醋排骨。

B餐d雞就凍既，個人麻麻地習慣。

c餐等候時間太長，個人平時好少叫d餐就推薦雞排，雞柳，大腸，蕃茄底等等都唔錯。

e餐強烈不建議叫茄汁，正常咖哩已經好好味野飲除左可以叫臺式飲品之外，熱朱古力都唔錯，好香濃。

整體都推薦既，係d服務態度真係要improve

昨晚去了青衣長發商場的「一百米」，係食台灣野，原本對佢都冇乜期望，因為長發商場都幾細下，都係區內街坊幫襯，好難有Ｄ好食既野。

但食完之後我對佢完全改觀！我嗌左個米線，$40蚊，包野飲，可以揀三個送，都有成廿幾項選擇，夠哂豐富，我揀左豬腸，紅燒牛肉同豬頸肉，EXACTLY係我去台北食既咁樣，仲可以揀小中大辣，我揀左小。

佢原來仲有辣玉碎提供，肉味香濃又開胃！此外我仲加左碟肉燥，只係$5蚊，已經好大碟，甜甜地咸咸地，同台灣食到既冇分別！講番碗米線，小辣夠香口，有少少麻，豬腸，紅燒牛肉同豬頸肉既量都好多，我可以一啖麵兩啖肉咁食，好爽！豬頸肉燒到個邊好脆，肉軟硬適中，FEEL到佢有肉汁；紅燒牛肉牛肉味好濃，肥瘦適中，大大粒咁；豬腸係卥既，都幾香口！飲品方面，我揀左蜂蜜檸水，一般有檸檬都要加錢，但佢又唔洗喎，此外仲有好多台式飲品都係唔洗加錢就有，好似台式奶茶，黑糖薑母茶，仲可以加Q添！總之真係抵到爛！40蚊食到呢個水準，夠哂香港人頂住台灣癮先！而且都唔洗等位！

約左朋友係到食飯~我叫左個口水雞肉燥飯加個椒鹽魷魚鬚~口水雞好麻辣好好味~有d花生有d葱花係上面都幾好色水~飯撈左肉燥都好好食~椒鹽魷魚鬚好脆~加埋d泰式辣醬一齊食仲好食~酸酸甜甜好開胃~可以再食過!!!

係呢間店附近工作, 呢頭食肆勁少, 又無話邊間特別好食.<生活知味>, 台式食店,見呢間店是"有營食肆",所以幫襯.試咗個<醬汁肥牛撈公仔麵> , 食物一上台, 店員勁差嘅態度,好大力擺落嚟.見到碟咁嘅嘢, 好無胃口, 連我部電話都無胃口,所以相機先食好難.但我都知點解佢會被稱為"有營食肆", 因為全部白灼.肥牛白灼失敗, 公仔麵白灼都好失敗, 連個醬汁都淡而無叶, 為咗唔捱餓, 成餐飯唔知自己食緊乜.醬汁 肥牛  公仔麵 係完全分開, 一樣係無味嘅嘢, 只係形狀唔同. 點解呢間食肆可以係商埸地鋪做咁耐.人哋分子料理, 係拆咗個形狀, 粒分子有味, 佢係將食物形狀保留, 煮走其味道. 差嚟講, 絕對無得輸., 附近無選擇,但以後都要避免幫襯佢.

個人比較喜歡自選湯飯和自選大碗米線套餐湯飯是飯和湯分開上的, 今次選了木耳, 魚腩, 鯪魚球, 娃娃菜; 附送飲品或油菜, 我們都選了油菜.湯是史XX雞湯, 夠熱; 木耳, 大塊爽脆; 魚腩, 有住家FEEL唔聲, 鯪魚球, 有少聲, 尚可接受; 娃娃菜, 好嫩好甜; 油菜是肉燥汁唐生菜, 用肉燥汁是比較特別, 但不會太油, 只是份量有點少.大碗米線選了木耳, 腐皮, 生菜, 雖然餸比較清淡, 但本身米線附有肉燥酸菜和加了少辣, 所以同樣惹味. 

100米餐單提供台灣菜等推介美食位於青衣區，餐廳座位數未知人均消費約$50以下，結賬可以用現金。

您對於青衣餐廳「100米」有何 comment？

100米餐廳詳細資料：

• 100米地址:
  青衣長發邨長發商場2樓211號舖
  100米, Shop211,2/ F, Cheung Fat Shopping Centre, Cheung Fat Estate, Tsing Yi
• 100米電話:  
• 100米價錢: $50以下
• 分類: 台灣菜
• 座位: 未知
• 付款: 現金
• FB專頁: 100米 Facebook

更多100米相關資料:

• 100米分店
• Youtube
• Facebook
• Twitter
• Google