譚點 長沙灣

譚點 評價 相片

譚點以新派、創新、中西合璧嘅點心而聞名，如青芥脆蝦一口漢堡仔、蒜茸芝士焗饅頭、沙律香芒盞……等等，要令一啲新嘢成功，可能要經過多次嚐試，多次失敗，要成功真喺談何容易。

譚點初初出道有唔少雜誌訪問，好評亦唔少，不過總店晌九龍城，喺小弟甚少踏足嘅區域，但依家多咗間分店仲要開嚟長沙灣，對我同屋企人變得就腳好多。

所以細佬餐生日飯，就定晌譚點，只不過唔喺食點心，因為茶市點心只供應到5:00pm，晚市嚟就只好跟點心緣慳一面，不過又可以試試佢啲小菜掂唔掂！店內無乜太花巧或好重本嘅裝修，一般普通中菜館格局，大黑白格地板磚，啡皮櫈，而枱櫈排得幾企理，牆上、柱上都貼滿各式各樣小菜嘅介紹。

反而個菜譜有啲得意，打開好似中文作文用嘅原稿紙，實在有啲懷念，依家莫講話用原稿紙啦，連寫字都少晒啦，啲中文喺「打」出嚟。

是日足料靚燉湯 $98小弟首推嘅就喺依個足料靚燉湯，日日唔同款，燉乜嘢湯睇睇牆上推介紙就知，今晚就喺淮山杞子螺片燉豬展，每位$38，人多當然點例窩啦，一大窩先賣$98，淨湯已可以分到6碗，湯渣又一大碟另外碟上。

湯色睇起嚟挺濃郁，飲落味道鮮甜，又帶點甘，原來仲下咗黨參，雖然小弟對中葯材唔精，不過滋養強身、明目補肝、補中益氣……等等都總會中其中三幾樣啦，哈哈。

仲有，唔介意嘅話其實湯渣都唔應該錯過，因為曾聽過人講飲湯食埋湯渣先吸收晒所有精華，螺片、豬展蘸點豉油食，味道都仲喺唔差。

沙田炸乳鴿 $38 / 隻既然喺細佬生日飯，食得豐富啲就必然架喇，所以特意點兩隻炸乳鴿嚟大家擦吓。

乳鴿外皮炸得頗甘香，肉質又唔乾身，而且幾厚肉，點淮鹽當然鹹香惹味啲，不過蘸喼汁減低油膩感就合我心水啲。

粟米新鮮龍躉斑塊 $128譚點賣嘅粵式小菜大部份都喺$60、$70左右，個別會貴少少去到$80、$90，但依道「粟米斑塊」賣到成$128，就知用料唔喺普通貨色。

斑塊用上新鮮龍躉做，自然魚味稍勝一籌，而且份量比一般粵式嘅例牌八兩為多，真喺抵食番晒。

最有心思喺粟米芡汁同個斑塊分開上，唔怕個斑塊外層脆漿被芡汁浸腍晒，只喺略嫌個芡汁好少粟米，蛋花就多，同埋有少少稀，唔喺好掛上啲斑塊度。

因為個芡汁都幾大兜，相信通常都點唔晒，大可以撈飯食，效果唔錯，又唔好嘥嘢！冰梅焗肉排 $63成晚較失望嘅一道菜，查實味道唔差，冰梅醬微酸而清甜順喉，但喺啲肉排始終頗肥，同埋肉質咬落唔鬆化。

芝士琵琶豆腐 $68之所謂叫琵琶豆腐就因為做嘅時候，將豆腐搓爛再放晌中式湯匙度蒸熟成琵琶之形，不過，依家好多時凡搓爛再成形嘅都叫琵琶豆腐，做法仲層出不窮，眼下嘅琵琶豆腐就喺一例。

琵琶豆腐成為炸豆腐球，再澆上芝士芡，味道一濃一清，幾鮮明嘅配搭。

瀨尿蝦（免費）食到孻尾，見個唔知老細定店長，手捧一大碟清蒸瀨尿蝦通枱派，人人有份，無講因乜事咁高興，總之一人一隻免費送啦。

雖然啲瀨尿蝦都幾細隻，拆開後都無乜肉食，不過唔使錢就無謂多多聲氣喇！杞子桂花糕（免費）大家都食得好飽，而且除小弟之外，細佬妹對甜品都唔算好，所以就無點甜品作結，不過，原來店方又會送埋飯後甜品。

甜品喺一客杞子桂花糕（4件），如果堂食價都要$13，雖然只喺小恩小惠，但都值得加分。

桂花糕用上蔗糖做，色澤比常見嘅深，味道唔錯，清甜帶有桂花幽香，不過最唔得喺糕身頗削，削到一個地步枝牙籤都撩唔起舊糕。

試咗多款小菜，相比起點心，雖未有太大驚喜，但質量都唔錯，環境亦算舒適，服務無話特別好，但事事到位，至少斟茶遞水、上菜收碟都無咩大過。

早午茶位收$3，晚市茶位就收$8，另外酸菜（是晚喺醃青瓜同鹹脆花生）收$10碟，但好就好在無加一，所以小弟有少少預錯數。

因為無收加一，所以原先自己計落加埋一應該過$500，可以用張減$50嘅優惠券，但店員話唔夠數，又唔好意思再追問差幾多，費事搞嚟搞去，就用張減20嘅優惠券算數！

昨天晚上第一次去長沙灣元州街的谭点，因为有个小朋友过生日。

看过Openrice,有好有不好的评语，街坊菜， 本来也没有什么要求， 所以吃饭时连照片都没有拍， 连吃了什么也有点记不起。

但这绝对不是重要。

但到了后段，才是真正的6星服务的高潮，这也可以证明服务的重要性，当然食物要有最基本的水平。

吃完所有菜，我们要求他们清理抬面和拿出我们的蛋糕。

如果在其他酒楼或食肆，最多是把一叠碟和蛋糕放上就走。

这里不同是：他们两三个人很快帮你清理好，经理问我们今天是庆祝谁的生日，我们也不经意的说是其中一个小朋友的生日。

经理把一个碟反过来放在那个生日的小朋友前面，然后我们抬附近的灯特然关掉，连其他的客人也看过来，经理把点好蜡烛的蛋糕拿到小朋友前面的碟子斜放，我们才知道这是方便我们拍照时能拍到人和蛋糕的表面，非常细心，经理帮我们分蛋糕时，也很专业的把刀每切一次用热水烫一下，使不会雌刀，到吃到差不多完的时候，经理还送上不只是一份，而是各两份布丁和白兔甜品，因为我们有两个小朋友，厉害吗？其他基本的原因，乾淨，企理，我们订13人抬，在其他地方给最大的抬也坐的很逼，放菜都放不下，这里真的很大，还有位置放东西，每个菜的分量是其他酒楼的起码1.5倍。

味道是中规中矩，很清，不会多油，價錢算便宜，10菜一汤，1300蚊，基本服务员服务也不错，希望能学到经理的“心”就一流。

其實早前已經食過下午茶及晚飯，昨晚就食豬骨煲, 甜品就餐餐食啦!1. 下午茶食物一段日子會轉，有不同新點心！而下午茶有一些特價點心，只需$10！所有都即叫即做，正呀！熱騰騰！推介：餃類，燒賣，叉燒腸粉，炸腐皮卷，傳統糯米雞及馬拉糕i. 蝦餃，韮菜餃及燒賣都皮薄餡靚，蝦肉新鮮，餡料比例好好！ii. 其實我自己喜歡鮮蝦腸，但用的食過一次就無再叫，因我覺得與餃裡的蝦味道不同，蝦腸裡一啖一隻大蝦，雖爽口但似雪藏大蝦，所以我轉食叉燒腸！腸粉都算滑而且好有口感，因師父於腸粉內加了些薄脆，好特別，軟滑中帶脆口！iii. 之前係食炸雲吞，但現時已轉為炸腐皮卷，都一樣好食！ 炸得夠透又不會太多油，內層的腐皮都係脆架！而且於末端卷上小許紫菜一齊炸，都好夾！ 你亦可一試炸春卷，但我覺中間可能餡料太多唔夠平均，而春卷皮比較厚，所以頭尾脆口而中間會好快腍!iv. 係好多洒樓都得珍珠雞。

 小時候吃的大大隻好多汁的糯米雞已好少有拉！所以想回憶一下小時味道，不防一試。

我喜歡他做的馬拉糕，因為唔太甜，又夠鬆軟，熱騰騰好溫暖！2. 晚飯推介：燉湯，奇味雞i. 價錢算便宜，足料清潤！今期係川貝枇杷燉豬展，啱哂依個天時飲！ii. 唔食得辣記住叫小辣或走辣！雞肉好滑又入味！3. 火鍋豬骨煲雖然不是骨筒，但$88一個足料湯底那裡搵到？只有我和姐姐兩人，所以叫了一個鍋，小併盤$88及水晶叉燒包$20！小併盤 山根 x 6，兩款菜（白菜仔及黃芽白），牛肉，貢丸 x 4，龍蝦丸 x 2，桶蠔 x 3水晶叉燒包 x 4過口癮都係一個好選擇, 可能會有驚喜！我無諗過有蠔食, 隻蠔仲要好大隻!! 係熟左都咁大隻, 好肥美呀!食吓又同果度D人傾吓, 嚟緊會有個海解軍艦 (約$198), 其中會有聖子皇! 真係好期待, 貴小小都想試下先!貢丸唔夠彈, 牛都可接受。

但我唔建議食水晶叉燒包, 皮太厚, 叉燒汁唔夠香濃! 真係好懷念"有骨氣"!!4. 甜品芒果及石榴布甸, 杞子桂花糕i. 芒果好香好鮮甜, 石榴好清新, 兩個都係必試ii. 昨天經理送了杞子桂花糕給我們, 好清甜, 好多杞子!

早兩日已經訂好台，中午成班同事去慶生。

點知……去到話我地無訂台。

唔緊要，問佢仲有無位，佢話無。

所以我地一班人在入口稍稍商量轉去邊間食。

雖然個女經理說話已唔多禮貌，但我地都無出聲。

但突然個男經理出聲：『x經理，無位好叫人走，唔好塞著個門口』我地當時覺得，『你地班0野好過主喇！』我真係不滿。

第一，我地訂左位，（譚點）痰點話無，我真係吹你唔漲！第二，你地兩條經理鬥氣，唔好擺客上台。

第三，你痰點既然話一個位都無，稍稍借過門口一用，都咁寸！第四，最嬲係，睇都無睇過，查你本數簿都無查過，就話我地無訂位。

一早已經訂好枱, 加上係食早段時間, 唔使等位... 比左張SOFA位我地, 好舒服~芝士芺蓉豆付, 正!啫啫通菜乳鴿, 普通~清湯龍蝦伊面蒜子莧菜芒果布丁: 好正!!石榴布丁:好特別, 好FRESH, 好好味!老爺生日, 所以叫左個包~~ 好好味!呢度招呼好好, 一流!!!

譚點餐單提供粵菜, 廣東, 點心, 中菜館等推介美食位於長沙灣區，餐廳座位數80人均消費約$51-100，結賬可以用現金。

您對於長沙灣餐廳「譚點」有何 comment？

譚點餐廳詳細資料：

• 譚點地址:
  長沙灣元州街481-483號地下
  Tam Dim, G/ F,481-483 Un Chau Street, Cheung Sha Wan
• 譚點電話:  
• 譚點價錢: $51-100
• 分類: 粵菜, 廣東, 點心, 中菜館
• 座位: 80
• 付款: 現金
• FB專頁: 譚點 Facebook

更多譚點相關資料:

• 譚點分店
• Youtube
• Facebook
• Twitter
• Google