天然居海鮮酒家 長沙灣
最後更新:
天然居海鮮酒家推介
男朋友爸爸鍾意食中菜，所以好多時都會試下唔同酒樓，喺op揾到元州街呢間樓上舖酒樓，抱住試下嘅心態去試下，食完覺得每道餸都份量足，味道亦都唔錯！餐牌有唔同人數嘅套餐，亦有晚飯優惠。前排睇中醫話我氣血虛，睇到『是日靚湯』有蟲草花烏雞湯😍一盅夠晒我哋七個人飲，營養豐富，夠晒滋補，好好飲！好多湯渣！湯濃料足。黑椒牛仔骨好惹味！！牛味濃郁，肉質勁腍好易咬👍🏻再用黑椒汁撈白飯 必叫～上湯海蝦伊麵 單睇擺盤就知廚師絕對唔係馬馬虎虎！最後叫 冬菇鮑螺片扒生菜，螺片腍身，芡汁無煮到稀身，簡單又大份嘅傳統菜式！糖水係紅豆沙，口感濃稠，甜度適中，而且勁多紅豆，好滿足！
長沙灣天然居海鮮酒家
| 餐廳分店 | 天然居海鮮酒家 |
|---|---|
| 地區 | 長沙灣 |
| 電話訂位 | 2387-7220 |
| 餐單 Menu | 粵菜, 廣東, 點心, 海鮮酒家 |
| 人氣指數 | 951 |
| 價錢幾錢 | $51-100 |
天然居海鮮酒家訂位位於長沙灣區，詳細地址是長沙灣元州街296號西岸國際大廈3樓，餐廳寬敞座位數目共有未知幾多個。天然居海鮮酒家幾錢？價錢優惠後人均消費大約$51-100埋單，早餐午餐晚餐天然居海鮮酒家餐單包括有粵菜, 廣東, 點心, 海鮮酒家等美食，付款方式有現金付款，Booking網上訂位可以電話致電 2387-7220 查詢訂座。
天然居海鮮酒家優惠
天然居海鮮酒家 評價 相片
男朋友爸爸鍾意食中菜，所以好多時都會試下唔同酒樓，喺op揾到元州街呢間樓上舖酒樓，抱住試下嘅心態去試下，食完覺得每道餸都份量足，味道亦都唔錯！餐牌有唔同人數嘅套餐，亦有晚飯優惠。
前排睇中醫話我氣血虛，睇到『是日靚湯』有蟲草花烏雞湯😍一盅夠晒我哋七個人飲，營養豐富，夠晒滋補，好好飲！好多湯渣！湯濃料足。
黑椒牛仔骨好惹味！！牛味濃郁，肉質勁腍好易咬👍🏻再用黑椒汁撈白飯 必叫～上湯海蝦伊麵 單睇擺盤就知廚師絕對唔係馬馬虎虎！最後叫 冬菇鮑螺片扒生菜，螺片腍身，芡汁無煮到稀身，簡單又大份嘅傳統菜式！糖水係紅豆沙，口感濃稠，甜度適中，而且勁多紅豆，好滿足！
疾情前我哋歡送同事調職，午餐就去咗飲茶。
深水埗餐廳多，但酒樓就比較少🤔，反而近長沙灣天悦嗰邊有多幾間選擇。
其中一位同事介紹我哋試喺大廈三樓嘅「天然居海鮮酒家」。
估唔到酒樓係樓上舖，但都咁多人幫襯，目測全場滿座👏。
可能上咗樓嘅關係，餐廳環境幾唔錯，光猛開揚，不過坐得少逼。
整體感覺算乾淨衞生😊。
呢餐我哋一行十人每人百一蚊左右就搞掂，而且係食到飽飽，仲有食物剩打包添，性價比OK👌。
不過茶錢$12位，食水都幾深。
點心紙十分清晰，因為大中小點寫哂出嚟每款幾錢，唔駛再搵餐牌對數，但其實大中小點同價($18.8)...😅。
午市仲有啲拼盤餐同孖寶餐，抵食啲。
另外，亦有單點推介菜🥢。
蜜餞雞中翼($48)，依個係同事嘅必食推介，又真係幾好食喎😋。
雞翼煎得幾香口，蜜餞口味甜蜜蜜，但唔係蜜糖嗰種死甜。
但一碟得六隻，我哋要叫兩碟先夠。
另外點咗兩款小食：椒鹽脆豆腐($42)同椒鹽魷魚鬚($48)，兩樣都好酥脆，正啊。
籠仔蒜香開邊蝦蒸飯($78)，呢個飯嘅造型不得了😍。
首先，因為係以籠仔上，感覺即刻吸引啲。
第二，雖然係蒸飯，但其實個飯有炒底的，所以飯粒乾身得嚟，又別有一番香氣。
第三，開邊蝦唔大隻，但切開豎起幾好睇🦐。
XO醬炒腸粉($32)，炒腸粉好入味，並用上芽菜一齊炒，但諗唔到辣味都幾勁🌶。
孖寶：雪菜火鴨絲炆米 + 脆皮燒腩仔($128)，炆米都幾大碟，而且幾足料，有唔少鴨絲。
🐷燒腩仔亦屬中上水平，皮夠脆，肉唔太肥。
鮮蝦腐皮卷(特:$26.8)同脆皮素鵝($42)，兩款都係即煎即上，所以外皮脆卜卜。
不過我都係略嫌偏貴，特別係素鵝，無肉喎🙊，建議叫前者！必食蝦餃皇(頂:$28.8)同蟹籽燒賣皇(特:$26.8)，兩款均係大路點心，價錢都幾貴下。
每籠四粒，唔算大粒，味道普普通通😟。
黑椒茄子牛仔骨煲($88)，呢個小菜幾惹味，🐮牛仔骨量頗多的，肉質唔韌。
同事話茄子仲好食過牛肉添，不過我唔食茄子，所以唔知。
金銀蛋浸莧菜($68)同菜膽扒鮑螺片($78)，我哋叫咗兩碟菜🥦，味道幾好，健康啲。
莧菜幾嫩，無乜渣。
另一碟就係用上唐生菜做菜底，有好多蠔油所以夠味，螺片以外仲有冬菇。
總括嚟講，天然居酒家質素算唔錯，個人認為小食同小菜類較點心出色🤤。
始終呢區無乜見得人嘅酒樓，所以我覺得想飲茶都可以嚟試下，特別係一班人(例如老闆請食飯)想食得好啲。
近新年，廿八晚上我們一家人決定出街食團年飯，記得家附近有一間酒樓食晚飯不錯，今日決定去天然居，一早已經訂位，佢安排我哋上4樓，佢有兩層，3樓同4樓，我哋坐好了，見到一圍一圍套餐，我哋岩岩一圍，決定叫$2688 套餐，12罐汽水，1枝紅酒，第一碟：燒味拼盤， 有燒肉 ，燒鵝，叉燒，海蜇，味道不錯，因為叉燒覺得不錯，我哋另外再叫一碟例牌。
肥瘦岩岩好，大人細路都好喜歡食。
第二碟：白灼海蝦，好大碟，食得出好新鮮，第三碟 ：鮮魷魚炒翠肉瓜，唔會好油，第四碟蠔涌髮菜豆苗 蠔涌不錯，唔會好細隻，第五碟：海鮮卷，入面好足料，沙律好多，第六碟：有湯飲，第七碟： 有新鮮大魚，條魚好大條，睇得蒸得岩岩，食落好新鮮。
第八碟：最愛炸子雞，食落好脆，肉唔會好乾，第九碟：炒伊面 啲面好似好散，有啲偏濕，第十碟： 糯米飯 個仲飯不錯食落不會油，好香。
最後一碟是甜品 陳皮紅豆沙。
今日同10幾個同事飲茶，呢間好在有得book位選民，價錢又中價，符合了我們的最低要求了。
食物質素就要看看當天情況了。
我地今次來叫左點心，全部都是好熱上檯，所以大部分都好正常。
呢個燴烏冬肉片處理得不錯，不會韌，好入味，番茄都夠新鮮，個汁有點甜甜地酸酸地幾開胃，但係烏冬就太淋了，本人比較喜歡有咬勁嘅烏冬。
呢個奶皇包不是流心得，不過勝在熱啦啦，奶香味都幾出。
酥炸魷魚絲，好香口，不錯！
2019年2月16日（星期六）約齊人食飯，扶老攜幼楝中式酒樓最方便！揀套餐就更方便!本來對新春套餐冇乜期望。
不過第一碟哈哈大笑都已經送上驚喜，蝦肉鮮甜彈牙、豉油有畫龍點睛之效，好味！燒味相併燒鵝皮脆肉香、多汁甜美，海蜇簡直比下去。
炒班球啖啖肉、炆斑頭腩做得更精彩。
雲耳紅棗索滿魚汁魚香，係餸菜精華所在。
至於湯羹、海鮮卷就係一般晚飯出品，質素平平！發財豬手豬手充滿骨膠原、美味可口；連獻汁都濃稠適中，令豬手份外鮮美，極美味！甜品係紅荳沙though，甜度適中，係晚飯完美嘅點綴！食品質素高好，值得再幫襯啊！
天然居海鮮酒家餐單提供粵菜, 廣東, 點心, 海鮮酒家等推介美食位於長沙灣區，餐廳座位數未知人均消費約$51-100，結賬可以用現金，Booking訂位可以電話致電 2387-7220 查詢。
您對於長沙灣餐廳「天然居海鮮酒家」有何 comment？
天然居海鮮酒家餐廳詳細資料：
- 天然居海鮮酒家地址: 長沙灣元州街296號西岸國際大廈3樓 Sam's Place, 3/ F, West Coast International Building, Un Chau Street,, Cheung Sha Wan
- 天然居海鮮酒家電話: 2387-7220
- 天然居海鮮酒家價錢: $51-100
- 分類: 粵菜, 廣東, 點心, 海鮮酒家
- 座位: 未知
- 付款: 現金
- FB專頁: 天然居海鮮酒家 Facebook
更多天然居海鮮酒家相關資料:
香港餐廳2026推介9月