元朗冰室 長沙灣
地址: 長沙灣東沙島街167B號地舖
最後更新:
元朗冰室推介
呢日朋友嚟搵我食晏，所以去咗天悦嗰邊搵食，本身想食漢堡包，但排哂長龍，唯有即刻轉場。五月都未到，但天氣又熱又曬☀️，見元朗冰室咁大應該有位啩，就入去了，懶得再搵。餐廳真係好大，但午市竟然都坐滿哂人，犀利。不過阿姐(服務正正常常的)呢個時世仲問我哋搭枱得唔得😅，我哋心諗唔係呀嘛？就算我哋肯，對方都唔想啦！如果真係迫我哋要搭枱嘅話，我哋就走囉。最終我哋兩個人坐四人卡位枱，成程都無被人打擾，加上點半過後人潮都少咗。餐牌食物選擇超多，花多眼亂，普通茶記有嘅佢都有。而呢到最出名嘅係🐷厚豬扒，我之前都食過一次，算唔錯。原來呢到仲有賣港式全日早餐同日式鰻魚飯等，應該總有一款啱食。厚豬扒系列有成十款揀，早上11點後供應，即係全日都係呢個價，都算抵食👍，但午市應該平多幾蚊嘛，哈哈。我要咗厚豬扒配辣肉醬飯($53)，首先隻碟真係大到一個點，好誇張呢！呢碟飯有一塊厚豬扒、一堆辣肉醬、少許蔬菜同白飯，成個感覺好鬼麻甩🙈。依餐嘅豬扒比我上次食厚，但就無咁大塊，不過我覺得好味咗😋。因為上次肉質太鬆，疑似落咗大量鬆肉粉。今次豬扒鬆得來，啱啱好，加上夠厚，食落滿足啲。雖然話比起上次細，但其實都好大，非常夠食。至於旁邊嘅辣肉醬，真係辣到一個點，我要比三隻辣椒🌶️🌶🌶！就算撈埋飯食，都頂唔順...，放棄咗。朋友要咗焗意式厚豬扒意粉($58)，份量幾多，賣相亦算吸引，因為好似有好多芝士咁，仲有菠蘿；豬扒切件上，我就唔知有無我嗰塊咁大咁厚。我偷食咗一啖，🍝啲意粉偏淋，但都還可以，而且味道幾濃蕃茄味。豬扒餐奉送熱飲，凍飲加$2，連紅豆冰都係加$4，算係咁。不過我真係好憎飲紅豆冰，所以無叫😂。本身嗌凍朱古力，但無，要咗凍阿華田。好彩我要咗凍飲，救我一命。總括嚟講，雖然食物唔稱得上好食得好緊要或難忘，但味道都屬中上水平啦。再者有大嚿肉食、份量多、又唔貴，簡簡單單又一餐😊。餐廳有分店，有機會都可以食下，而且下午2點就做下午茶，平均$3x有交易！題外話，餐廳冷氣真係好鬼凍🥶，我哋都起晒雞皮，夏天嚟食可能會好啲。
長沙灣元朗冰室
| 餐廳分店 | 元朗冰室 |
|---|---|
| 地區 | 長沙灣 |
| 電話訂位 | 35966113 |
| 餐單 Menu | 港式, 茶餐廳, 冰室 |
| 人氣指數 | 847 |
| 價錢幾錢 | $51-100 |
元朗冰室訂位位於長沙灣區，詳細地址是長沙灣東沙島街167B號地舖，餐廳寬敞座位數目共有未知幾多個。元朗冰室幾錢？價錢優惠後人均消費大約$51-100埋單，早餐午餐晚餐元朗冰室餐單包括有港式, 茶餐廳, 冰室等美食，付款方式有現金,八達通付款，Booking網上訂位可以電話致電 35966113 查詢訂座。
元朗冰室優惠
元朗冰室 評價 相片
呢日朋友嚟搵我食晏，所以去咗天悦嗰邊搵食，本身想食漢堡包，但排哂長龍，唯有即刻轉場。
五月都未到，但天氣又熱又曬☀️，見元朗冰室咁大應該有位啩，就入去了，懶得再搵。
餐廳真係好大，但午市竟然都坐滿哂人，犀利。
不過阿姐(服務正正常常的)呢個時世仲問我哋搭枱得唔得😅，我哋心諗唔係呀嘛？就算我哋肯，對方都唔想啦！如果真係迫我哋要搭枱嘅話，我哋就走囉。
最終我哋兩個人坐四人卡位枱，成程都無被人打擾，加上點半過後人潮都少咗。
餐牌食物選擇超多，花多眼亂，普通茶記有嘅佢都有。
而呢到最出名嘅係🐷厚豬扒，我之前都食過一次，算唔錯。
原來呢到仲有賣港式全日早餐同日式鰻魚飯等，應該總有一款啱食。
厚豬扒系列有成十款揀，早上11點後供應，即係全日都係呢個價，都算抵食👍，但午市應該平多幾蚊嘛，哈哈。
我要咗厚豬扒配辣肉醬飯($53)，首先隻碟真係大到一個點，好誇張呢！呢碟飯有一塊厚豬扒、一堆辣肉醬、少許蔬菜同白飯，成個感覺好鬼麻甩🙈。
依餐嘅豬扒比我上次食厚，但就無咁大塊，不過我覺得好味咗😋。
因為上次肉質太鬆，疑似落咗大量鬆肉粉。
今次豬扒鬆得來，啱啱好，加上夠厚，食落滿足啲。
雖然話比起上次細，但其實都好大，非常夠食。
至於旁邊嘅辣肉醬，真係辣到一個點，我要比三隻辣椒🌶️🌶🌶！就算撈埋飯食，都頂唔順...，放棄咗。
朋友要咗焗意式厚豬扒意粉($58)，份量幾多，賣相亦算吸引，因為好似有好多芝士咁，仲有菠蘿；豬扒切件上，我就唔知有無我嗰塊咁大咁厚。
我偷食咗一啖，🍝啲意粉偏淋，但都還可以，而且味道幾濃蕃茄味。
豬扒餐奉送熱飲，凍飲加$2，連紅豆冰都係加$4，算係咁。
不過我真係好憎飲紅豆冰，所以無叫😂。
本身嗌凍朱古力，但無，要咗凍阿華田。
好彩我要咗凍飲，救我一命。
總括嚟講，雖然食物唔稱得上好食得好緊要或難忘，但味道都屬中上水平啦。
再者有大嚿肉食、份量多、又唔貴，簡簡單單又一餐😊。
餐廳有分店，有機會都可以食下，而且下午2點就做下午茶，平均$3x有交易！題外話，餐廳冷氣真係好鬼凍🥶，我哋都起晒雞皮，夏天嚟食可能會好啲。
上星期日去長沙灣嘅元朗冰室，叫左個B餐，沙嗲牛肉麵，煎雙蛋加杯凍飲。
好多餐廳唔識做個沙嗲汁，一係偏鹹兼夾冇乜沙嗲味。
今日呢個沙嗲牛肉麵，沙嗲味都ok嘅，唔會話偏咸，而且牛肉好有口感，（不過牛肉份量就小左啲）😬雙蛋都煎得好靚，又熱又流心，仲好有蛋香；成個餐敗筆就係件蒜蓉厚多士，黎到唔多脆，但都總算有蒜蓉香味嘅😬。
早幾日喺尖沙咀好想食茶餐廳嘅時候，已經係尖沙咀分店試過，實在太啱我胃口，令到我非常回味，所以今日行過嘅時候見到呢度有分店，決定再食一次，上次食豬扒非常出色，今日試吓我好耐冇食過嘅魚柳，其他配菜一律不變，首先講下條魚柳，粉漿唔會太厚，魚肉滑滑唔會鬆散，感覺好似fish & chips 既fish, 正， 牛角包一樣非常鬆軟，熱辣辣，今次滑蛋轉咗做太陽蛋，連埋火腿一齊切，夾落去牛角包，自製左一隻潛艇，再加埋茄汁豆撈埋一齊食都係好好食
今日晚上約了朋友放工食野，點知朋友放工放夜左，凌晨2點先出到黎，係唔知食咩既情況底下，就決定黎“元朗冰室”食野。
雖然長沙灣個頭附近又有串燒丫，點心丫，打冷舖咁，但朋友話好肚餓又想食雞脾就黎左呢到喇。
元朗冰室（厚豬扒專門店），睇間舖名就知佢主打食厚豬扒，所以佢係有個厚豬扒餐牌，主要都係豬扒再配一款食物咁（有辣肉醬，司華力腸，蓮藕餅咁樣）。
而我當晚就點左佢個貓頭鷹套餐（價錢較為平宜），同樣都係厚豬扒配司華力腸飯，貓頭鷹時段就$43，厚豬扒餐牌就$51。
講返豬扒方面，佢真係無呃你，夠大塊，而且真係都好厚下，貨真價實，唔會好似出面有d店舖食既豬扒咁薄身，咬一兩啖就無左，抵食。
而我朋友就點左個辛辣麵套餐，餐包括有辛辣麵，蒜茸多士，配厚豬扒/炸雞脾，跟一杯飲品，$47。
我初時係到同朋友講笑，公仔麵我煮比你食都得啦，點知上菜後就發現其實呢個辛辣麵套餐都好豐盛下，佢既辛辣麵就真係平時食開果d辛辣麵（韓國牌子，d麵粗身d果隻），但唯一特別既就係在於，配菜方面，佢餐跟塊蒜茸多士 ，佢塊多士唔係薄身果d黎，又係好厚既厚多士黎，另外岩先都有講過厚豬扒好大塊好厚，而佢個炸雞脾都不輸蝕，都係一樣大大舊，見到呢個組合都已經覺得好飽了。
如果唔係真係因為我地又好肚餓，都未必叫兩個餐，呢個時段食，我覺得其實點任何一個餐，兩個人食一個餐都已經好夠食，如果真係覺得唔夠食，我又建議可以點多個貓頭鷹既小食餐，價錢都係$30左右，有一口多士，雞脾拼薯條/沙律。
環境我覺得都ok既，不過可能係我深夜時間去，如果full場既話，我覺得都應該會幾逼下，可以慎揀選時間去。
時此惠顧：1）貓頭鷹餐：厚豬扮配司華力腸飯2）辛辣麵餐。
總消費：$100整體都滿意，始終深夜時段選擇較小，食得飽，不過若要挑剔既話，就係飲品都偏向多冰，大家可以叫小冰，就岩岩好喇。
今日同女朋友去到長沙灣約咗啲朋友一齊去到長沙灣開枱打麻將打麻將之前就醫飽個肚仔先求其去咗間茶記食黎到呢間叫元朗冰室嘅茶記有幾個午餐 價錢全部都係$47我地就叫咗個1號同2號餐蒜茸汁雞扒腸仔飯 $47茶記質素 雞扒煎得唔錯嘅不過感覺都係頹啲一般茶記質素 不過不失仲有條腸食下咁啲飯幾多下 都食得好飽咖哩魚塊飯 $47咖哩好麻麻少少甜甜地魚塊係炸過嘅冇乜味 吸唔到咖哩汁味兩杯餐飲一杯叫咗奶茶一杯叫咗茶走感覺ok唔錯嘅
元朗冰室餐單提供港式, 茶餐廳, 冰室等推介美食位於長沙灣區，餐廳座位數未知人均消費約$51-100，結賬可以用現金,八達通，Booking訂位可以電話致電 35966113 查詢。
您對於長沙灣餐廳「元朗冰室」有何 comment？
元朗冰室餐廳詳細資料：
- 元朗冰室地址: 長沙灣東沙島街167B號地舖 Yuen Long Bistro, G/ F,167 B Pratas Street, Cheung Sha Wan
- 元朗冰室電話: 35966113
- 元朗冰室價錢: $51-100
- 分類: 港式, 茶餐廳, 冰室
- 座位: 未知
- 付款: 現金,八達通
- FB專頁: 元朗冰室 Facebook
更多元朗冰室相關資料:
香港餐廳2026推介8月