京滬美典 長沙灣

京滬美典 評價 相片

好多肉食嘅魚，配埋d汁好開胃，加埋杯啤酒超爽！個0靚妹服務员好殷勤，服務好之餘，仲会俾中肯嘅意見我地叫餐，唔会為sell而sell，又免我地開瓶费，切蛋糕费用，又幫我地切蛋糕、分蛋糕、再遞埋俾每個人，服務好到加零一，佢話预先同佢講，乜都得，笑死我地。

0靓妹仲好心机逐一介紹每道菜的簡單做法同有乜特別，佢仲話要多d人讚你的post就一定要叫拔絲香蕉/蘋果，因為有拉絲，所以超靚！最後記得講就係唔好咁儍去行樓梯上一樓，要到停車場入面的電梯按1字上樓！

經常到長沙灣覓食，經過見到呢間新開將，過左幾日朋友生日飯黎試下，味道又幾好味！身為上海人的我，覺得味道係正宗既，推介黃金蝦球，荷葉杭州雞，花鵰醉雞，價錢合理，服務都唔錯，下次帶屋企人黎食！

係順寧道經過，見到一個幾「的色」嘅門口，以為無乜嘢啦，睇下門口嘅menu就上咗去，嘩，原來都ok大，雖然色調好似暗沉咗d，但佢d燈光都好夠光嘅！好似扯遠咗，都係講返嘢食。

其實最期待嘅係松子魚（因我不嬲都鍾意食）。

平時出面食呢樣嘢，一係酸得滯，一係條魚做得差。

今日竟然係度試到呢碟松子魚，係酸甜度調教得非常好，條魚又做得唔錯，睇得出係花咗唔少功夫，而且擺耐咗，都仲可以咁脆！跟住就係呢個「拔絲蘋果」，唔識講，只可以話有時間去試下，係正嘅！其他嘢食都唔錯，不過寫唔晒咁多⋯唔寫了。

呀，提提大家如果去食，盡量早少少，眼見有兩三班客上黎都無位坐，撞唔啱時間。

同埋間鋪都可以打電話預約。

整體都覺得唔錯啦，價錢都合理，只係門口唔係太顯眼，可能難搵d。

而泊車方面，佢果層（1樓）都有🅿️停車位，不過好似無泊車優惠？擺街嘅就⋯自己考慮。

一家八口有大有細搵個地方食餐家常飯。

來到這間新開的上海餐廳！門口要細心先搵到！上海菜碟頭式中精緻，味道不錯，推介松子魚，百寶鳮同魚肉𡙡。

老闆娘親切殷勤！甜品腰果露必試。

昨日與一大班同事探完同事及佢剛滿月既bb，發現同事屋企樓下新開左一間樓上既上海食店，大家見菜牌啲野食都幾吸引，於是大家就決定幫襯！上到餐廳，環境都不錯，餐廳ee見我地有10多人，就帶我地坐張大枱，我地坐低後，餐廳ee推介我地可以試下1012人套餐，我地見菜單都幾吸引，就決定試試。

套餐有前菜5小碟、8款餸菜、飯後甜品，每人平均消費$180，都算抵食！而出乎意料的是菜式味道甚佳、份量亦夠，想不到在寧靜的小街可以發掘到美味小店。

推介菜式：風味松子魚:酸甜開胃之餘，雖然炸過但魚肉亦很滑香草鮮魚羹:生平最怕食湯羹，但依個羹試吃兩啖，感覺濃度適中有別於傳統湯羹得過「杰」字上海小籠包:皮薄多汁拔絲蘋果:酸酸甜甜、無傳統既拔絲香蕉咁甜飯後感：大家都食到大滿足！搵日會再來幫襯！

京滬美典餐單提供京菜, 官府菜, 滬菜, 上海, 中菜館等推介美食位於長沙灣區，餐廳座位數未知人均消費約$51-100，結賬可以用現金，Booking訂位可以電話致電 59154633 查詢。

您對於長沙灣餐廳「京滬美典」有何 comment？

京滬美典餐廳詳細資料：

• 京滬美典地址:
  長沙灣順寧道483號順景華庭1樓
  Jing Hu Food Dynasty, 1/ F, The Sorentino,483 Shun Ning Road, Cheung Sha Wan
• 京滬美典電話: 59154633
• 京滬美典價錢: $51-100
• 分類: 京菜, 官府菜, 滬菜, 上海, 中菜館
• 座位: 未知
• 付款: 現金
• FB專頁: 京滬美典 Facebook

更多京滬美典相關資料:

• 京滬美典分店
• Youtube
• Facebook
• Twitter
• Google