飯BOWL 鑽石山

飯BOWL 評價 相片

今(1312013 Sun)朝同男友佢去荷里活廣場食o野,我要o左佢介紹o既鐵板後,佢就要呢間$52.00o既咖哩牛肉蛋包飯,睇吓賣相都唔差,牛肉都幾多同畀幾多汁佢,我試吓牛肉,幾軟熟,不過冇乜牛肉味,底下都有啲椰菜絲畀佢,飯o既份量都多,而麵豉湯就佢一個人飲晒,冇乜特別評價.之後我問返佢覺得呢個飯點?佢答普普通通冇乜o野.同樣, Food court環境同衛生算係咁,都幾舒服,不過我諗呢啲唔應該加入呢間o野o度.

行過food court 見到呢間野原本無諗住會食,但見到店內幾個男員工,不斷向我努力sale結果比佢地誠實打動之下幫親左,吉列豬排蛋包飯set,等左一陣就有了,我拿住個飯去搵位坐一路望到個樣都好想快d可以食,坐低先食件吉豬,件吉豬外硬內軟算唔錯啦,之後食蛋包飯,d蛋可能太少同太薄覺得無乜口感,而上面d汁仲要唔太夾d蛋,攪到個飯怪怪地另外幾粒腸仔同湯都只算一般般,呢間野我估食12次應該唔會再黎

因為要找某果的平反電腦，最近經常到處走，也順便擴闊自己的飲食地圖，這次去了鑽石山尋尋寶，當然飯也是要吃的，但這個假高檔的商場除了food court真的沒有一間店想去吃。

不過在這假高檔的商場，food court的訂價卻是真高檔，繞場一週後總算找到這間性價比高的店，餐牌上的東西亦吸引就光顧了。

選了個餐有雞，帶子，蛋包飯和湯，論價錢可以說超值，當然質素不會高到那裡去。

通常假高檔food court的份量都不怎麼多，好像貴夾唔飽就是叫高級，但這店從圖可見份量一點也不少，帶子也有兩大塊還要是原隻連裙邊上，雖然沒甚咬口，但還是有點帶子的甜味，以這個價錢有這種質素絕對有驚喜。

雞扒就正常質素，冰鮮貨是肯定的，沒有乾瘦鞋三大問題就已經夠收貨了，醬汁亦濃淡稀稠適中，高分不足但合格有餘。

至於蛋包飯…一來就看到是爆肚的，這點就已經要扣分了，這塊蛋皮滑度可以亦夠薄但沒蛋味，失敗。

飯像煮好後倒茄汁進電飯煲兜亂多過像炒飯，因為完全沒有鑊氣，不過米用了靚米就算了，配合酸甜適中的茄汁也不會差到那裡去的。

此餐的味精…味噌湯沒拍照，畢竟是開粉煮期待是不用的，裡面也是有一兩小塊豆腐和昆布的，可還是只能說是有點鹹的熱水，不能說是湯，但總不能要求food court的店太多吧？

摯愛話想去鑽石山懷緬，好~~又到我發揮覓食o既時候啦七點，大家都好準時喺鑽石山港鐵站等，雖然摯愛話嚟懷緬啫，話晒我都喺度住咗幾年，都係由我帶路啦~哈哈哈！去到荷里活廣場，摯愛逐一介紹以前呢度係咩咩咩；嗰樹係點點點.....十分有趣，可以知道少少摯愛o既過去。

一路行一邊望吓有咩好食，我估摯愛一定係揀大食代啫，係呀，係我話o既九成九都係。

但我路經pizza hut真係好想試吓個扭扭批呀，摯愛話我哋曾經試過，吓.....試過咩？幾時呀？n年前喎，咁耐都唔同款唔同味啦我都話o架啦，知佢者莫若我，揀咗進入大食代懷緬(sorry摯愛，過去係無大食代，係呢幾年至開發o既)大食代o既特點係好多款美食，中式、日式、西式、韓式、泰式、台式、越式.....總之乜式都有，好豐富之前都去過太古、奧海城、尖咀新港中心o既大食代款式都係差唔多，但荷里活呢度同我去過o既大食代好唔同，好多嘢我都想食，重有每間鋪頭都會貼住加$5會有一款小食，間間唔同。

我哋巡咗一個圈鎖定目標再review一次，係啦，係你啦！飯Bowl，個名有啲鬼馬heee~蛋包飯呀，我成日覺得識整蛋包飯o既人好叻o架，點樣將啲飯可以比薄薄o既蛋包實又唔會散呢？真係高招喔！呢度啲套餐都係三四十蚊，重有埋飲品小食o添，如果單叫唔係轉套餐重可以減$4，慳錢一族可以有多個選擇呢吉列豬扒蛋包飯套餐(有沙律&麵豉湯，但我唔鍾意飲麵豉湯)+$5秋刀魚嘩~~好大個蛋包飯呀，重好脹o添！吉列豬扒配全蛋沙律醬簡直係一流呀~good！食落啲飯唔夠熱囉，用茄汁整o既飯，都ok，我接受到！秋刀魚要等多一陣先可以過嚟我哋張枱度，因為即叫即整。

又嘩，條秋刀魚又纖瘦又長呀，我都好想好似佢o既身材~heee~雖然係$5，但係都唔會馬虎，加啲檸檬汁好醒胃。

另一套餐雖然唔係喺飯bowl度買，但都好想推介滷水拼盤+肉燥飯+蚵仔煎+紅蘿蔔湯+汽水一杯$40+$5兩隻雞翼忍唔住又嘩~比起我o既蛋包飯重要大得多，碗肉燥飯一個人都食唔晒，摯愛重分咗一碗仔我食，最嘩然係滷水拼盤呀，點解可以咁多餸o架牛(月展)四塊+一隻大雞脾+豆腐兩小磚+半隻雞蛋+一塊生菜墊底。

可能啲滷水汁好好味啦，樣樣都好入味！蚵仔煎唔咸，有好大隻蠔喺中間，可能係咁啱啦~~heee兩隻雞翼無味，好彩加咗少少淮鹽至叫做有啲味咋食到中段，隔離枱又係兩個人(1男1女)，我哋又係兩個人(1男1女)，佢哋係一個餐可以share兩個食，我呢就食完都係啱啱好；摯愛就話勁飽。

證明我真係好大食P.S.所有汽水飲品都要去另一間賣飲品o既地方提取

晚上路經荷李活廣場，由地下慢步而上，每一層每一層慢慢地細心挑選看有沒有適合自己口味的食店。

當步出不足二十步，眼前就出現數間食店，種類繁多，任供選擇，要在其中選出一間，確實費煞思量。

同時每間都是人山人海，大排長龍，不喜歡等候的我，我寧願不吃也不會在那裡彷似一隻發了呆的木雞癡癡地等候。

最後到達頂層的Foodrepublic內的fusion rice， 看見不用等候，便隨便點了一客鰻魚拼牛肉蛋包飯($42)，由店員手裡接過那盤外表好像十分美味的豐富晚餐。

跟著快速地搶佔了靠近牆邊的坐位(視線範圍內只剩下一個坐位)，然後很瀟灑地享用我的晚餐。

將第一啖牛肉慢條斯理放入口中，才知牛肉十分韌，本人用盡九牛二虎之力才可將他稍微分開，不過他仍然藕斷絲連，作出了垂死的掙扎、，如果想將他完全解體，估計店鋪關門我也不能完成這個壯舉，最後我也沒有再細嚼便將他吞入肚內，經過今次的牛肉大戰，下次若再光臨此店點選牛肉時，一定要帶備碎肉機才可。

………….(苦笑)蛋包飯的蛋也不滑，味道一般。

鰻魚只得兩少片，味道尚算合格，麵豉湯味道清淡了一些，感覺不到有濃烈麵豉味。

至於醬汁十分之鹹，但全場卻沒有清水免費供應,實在是有心靠害。

反而那一串司華力腸片與獅子狗串燒是最好食的。

但並不代表是超好味。

只是其他實在太差了。

環境當然不用提啦，美食廣場的環境大多數都是十分嘈吵的，跟本不用評論。

整體評分……………不合格………>.<

飯BOWL餐單提供日本菜, Food, Court等推介美食位於鑽石山區，餐廳座位數未知人均消費約$50以下，結賬可以用現金。

您對於鑽石山餐廳「飯BOWL」有何 comment？

飯BOWL餐廳詳細資料：

• 飯BOWL地址:
  鑽石山龍蟠街3號荷里活廣場3樓大食代美食廣場
  Fusion Rice,  
• 飯BOWL電話:  
• 飯BOWL價錢: $50以下
• 分類: 日本菜, Food, Court
• 座位: 未知
• 付款: 現金
• FB專頁: 飯BOWL Facebook

更多飯BOWL相關資料:

• 飯BOWL分店
• Youtube
• Facebook
• Twitter
• Google