新光燒臘茶餐廳 鑽石山

新光燒臘茶餐廳 評價 相片

是日放假懶得出去，午飯落樓下新光食叫個燒味飯食，落左柯打，好快斬好送過黎，望一望，今次竟然免費比肶，正呀油雞鴨肶飯，油雞夠味，可惜唔夠熱，疆容咸到死。

鴨肶有小小肥，但咁樣先無咁乾麻老實講間野，成日都迫住幫襯，因成個屋苑得佢一間茶記 懶人之選，味道唔好期望太大就無問題

食物差，材料劣，服務差，簡直是不可多得的差差差差差食肆，想同服務員講，佢哋當睇你唔到，叫咗三次都唔行埋嚟，至幣連佢哋嘅大佬都係咁，簡直不知所謂都俾多佢，半粒星都唔值

比人放左飛機冇乜心情，求其搵間茶記醫下肚啦，行到呢個商場仔，見到間茶餐廳，心諗做街坊生意既應該都唔會差得去邊卦，坐低點左碟炒粉，一擺入口，真心想講粗口....人生第一次食到d野仲可以難食過我煮既，加埋服務態度奇差，連飲杯水都可以飲到我一口油，早知幫襯circle k都好過佢，貼錢買難受

同屋企人最開心就係飲下午茶，近近地附近新光，原來宜家下午茶都幾貴，大點都要成廿蚊籠，仲記得細個同呀媽係新光飲下午茶大中小點都係$3.8，真係正叫左個油雞米線，成窩都係$58，又幾抵幾好味，其他點心都係一般嗌無失望無驚喜，不過茶樓冷氣好細，熱到我地死

數星期天和爸爸在以上茶餐廳食午膳，他叫燒味飯，但燒味素質非常差，得三至四件夾骨的小肉仔，其中一件是雞pat pat, 講真，那碟燒味飯價錢不是便宜的，成五十元。

他叫員工，要求換另一碟，點知員工阿姐話「她什麼都不知道，你自己同老板或橱房講」。

唉，服務有幾好？大家心照。

我覺得茶餐廳是做街坊生意的，如食物質素差，價錢又非便宜，那已經物非所值了，令人不再光顧！若連服務也欠奉，更是可悲。

新光燒臘茶餐廳餐單提供港式, 茶餐廳, 冰室等推介美食位於鑽石山區，餐廳座位數未知人均消費約$50以下，結賬可以用現金，Booking訂位可以電話致電 23523460 查詢。

您對於鑽石山餐廳「新光燒臘茶餐廳」有何 comment？

新光燒臘茶餐廳餐廳詳細資料：

• 新光燒臘茶餐廳地址:
  鑽石山龍蟠苑商場103號舖
  Hsin Kuang Roast Food Restaurant, Shop103, Lung Poon Court Commercial Centre, Diamond Hill
• 新光燒臘茶餐廳電話: 23523460
• 新光燒臘茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 新光燒臘茶餐廳 Facebook

更多新光燒臘茶餐廳相關資料:

• 新光燒臘茶餐廳分店
• Youtube
• Facebook
• Twitter
• Google