Pepper Lunch 鑽石山

Pepper Lunch 評價 相片

黑椒牛肉飯係Pepper lunch必食之選每次經過FOOD COURT都會不其然地灼PEPPER LUNCH 點個黑椒牛肉飯!!!係熱烘烘既鐵板撤上醬汁，"滋滋聲"不絕，再用匙羹混合黑，香氣滿溢牛肉厚度同大小都十分平均，入口鬆軟且吸收哂黑椒同醬汁既味道，十分惹味!!!但油份比較多，多吃有油膩感!

其實Cyn都很喜歡食pepper lunch!但如果果排食得太密就會厭厭地所以事隔幾個月Cyn又突然好想食了所以就相約朋友去荷理活food court食個pepper lunch貪佢果到比較少人Pepper lunch必食的黑椒牛肉飯那種香濃醬汁係pepper lunch 獨有的令到整碟炒飯生色不少配上牛肉就大fit但如果牛肉的份量多一點就好了

第一次食pepper lunch，夜晚九點來到已經好多食品已沽清，冇蛋，牛肉，漢堡扒，雞扒，淨返雞肉，三文魚，朋友叫咗雞肉，我當唯有試三文魚，聞落都無問題，撈勻後食第一啖…………中伏了，好想用震撼性聲音大叫：好腥呀！令到我即時反胃，無晒胃口，以後都唔會再去任何一間Pepper Lunch食，白白浪費我五十幾蚊，仲要去買枝烏龍茶漱口！

話說今日去鑽石山荷里活廣場嘅大食代食咗個pepper lunch 一個大盛牛肉飯 加多一個芝士(+$4)，一共就$54。

成個飯燒到熱辣辣，經個百度高溫，香味四處飄揚，啲米跳晒舞咁。

一坐低，我急不及待就開始撈個飯，有咩正過得過食飯有音效同特效玩同睇同聽？啲米同芝士溶為一體、啲牛肉係鐵板上面由我決定幾成熟。

成件事 既好玩又好食。

啲牛肉好味，同個飯相輔相成。

所以我推薦同男\女友去食 多個話題同玩意

Pepper lunch在多年前已落戶各大商場美食廣場，人氣維持了好一段日子，除了質素外，那些年美食廣場快餐選擇不多，日式鐵板飯對食慣頽飯的打工仔來説是上上之選。

人大了，嘴刁了，已忘記pepper lunch多時，這天晚飯没着落，竟又想起了它。

没錯，一人晚餐，快靚正的完美配搭。

來到大食代，印象中日式牛扒鐵板飯($89)只是一般，還是黑椒芝士牛肉飯($48)實際一點。

共用的用餐區域也没甚麼好評價的，速度才是快餐的關鍵，下單後去水吧買果汁(Pepper lunch並没飲品供應)，回來，那吱呀作響的鐵板已在取餐處恭候多時。

幸好，那鐵板真的夠熱，即時坐下，牛肉已半熟，鐵板仍是熱辣辣的。

圓鐵板圍着一圈紙圈，以防止油花四淺，也令賣相更顯日風，而它只是48元，比起沙田那家以貴價日式鐵板作主打的pokka，這份快餐令我感覺良好。

飯置於其中，有碗半份量，板邊圍了一圏牛肉，飯面鋪上不少金黄色的粟米粒，再灑上芝士碎，整個賣相很精緻，绝不因做價便宜而馬虎了事。

首先反一反牛肉，一面微焦，一面剛熟，再將内藏黒椒汁的白飯與粟米芝士混在一起，最後拌進牛肉快炒!噢!忘了加上店方提供的蜜糖汁與蒜茸汁，做了這最後步驟後，完美的日式頽飯便完成了 !先是撲鼻而來的香氣，蒜香、牛香、黑椒香，甚能引起食慾呢 !融化了的芝士絲絲縷縷纏在飯面上，很吸引，徹底拌勻的關係，每口飯都掛了汁醬，就是愛死這種重口味呢。

黑椒頗香濃，但較為單一，加上一小杯蜜糖與蒜汁便十分滋味，而這些汁醬在店內是無限添加的，飯香辣微甜，有撲鼻蒜香，十分可口，飯稍為軟糯一㸃，以香甜可口粟米補充，提升了口感。

牛肉頗有肉香，如能肥美一點便更好，但質素已是一般快餐之上，我絶對收貨。

而芝士有畫龍點睛之效，令飯更為濃厚，也難怪不少人會追加芝士。

總括而言，黑椒芝士牛肉飯是pepper lunch的上上之選，便宜豐富又美味，對女孩而言份量剛好，嫌不夠的可加大或追加配料，這是比一般快餐貼心的安排。

也許有人會認為它只是美食廣場的快餐，Pepper lunch並不是甚麼名店，提供的亦只是尋常不過的快餐。

只是能以穩定的質素、快餐的速度、合理的價錢，讓大家能好好的吃上一餐，個人認為它是值得推介的。

Pepper Lunch餐單提供日本菜, 快餐店等推介美食位於鑽石山區，餐廳座位數未知人均消費約$51-100，結賬可以用現金。

您對於鑽石山餐廳「Pepper Lunch」有何 comment？

Pepper Lunch餐廳詳細資料：

• Pepper Lunch地址:
  鑽石山龍蟠街3號荷里活廣場3樓
  Pepper Lunch,  
• Pepper Lunch電話:  
• Pepper Lunch價錢: $51-100
• 分類: 日本菜, 快餐店
• 座位: 未知
• 付款: 現金
• FB專頁: Pepper Lunch Facebook

更多Pepper Lunch相關資料:

• Pepper Lunch分店
• Youtube
• Facebook
• Twitter
• Google