鮨三川 銅鑼灣

鮨三川 評價 相片

香港的 Omakase 已經開到成行城市，要突破唔係容易。

我地就好鍾意不斷嘗試，睇下會唔會搵到驚喜。

今次就來到新開試業嘅「鮨三川」。

新開業有第二位半價的優惠，試下佢啦。

地點易搵，樓下有咁嘅廣告。

又好似通俗直接左小小。

😂整幢大廈都係食店，競爭激烈。

門口整潔。

店員都幾細心，有密實袋俾客人裝口罩。

Omakase 有兩個價位。

今日小小慶祝，唔使諗一定係 $1200。

自帶了「銀河鐵道」。

特色是要在零下18度儲存，倒出來帶冰花。

開瓶費 $150，有合格白酒杯。

前菜南瓜豆腐 + 蟹肉果凍。

蟹肉配上酸酸的味道，好開胃。

刺身陸續送上：最特別係八爪魚。

新鮮到肌肉仲識收縮。

我係八爪魚迷，好興奮。

肉身鮮甜、吸盤位非常爽脆。

$1200 價位多了生蠔，配日式酸汁，正！油甘魚有兩種食法。

火炙的食法更香口。

牡丹蝦好多蝦子，好正。

蝦頭另有妙用。

Yeah！超脆嘅炸蝦頭，成個頭都食得。

送酒佳品、減肥剋星，不過唔理咁多喇。

熱食係比較突兀。

和牛煎得唔夠香、有啲膩；鵝肝冇乜醬去平衡、更膩；配半熟元貝⋯⋯ 整體就係好油膩。

壽司 7 件，全部合格以上。

海膽手卷，用了「米鹽」。

只有淡淡的鹹味，帶小小米香。

不錯的配搭。

蒸蛋水準不俗。

最後來左個高潮。

魚湯烏冬居然比想像中出色。

好濃的魚味。

好耐無飲過咁正。

埋單好均真。

並沒有用原價來加一。

以呢個水準同服務，我決定encore。

這家新開的鮨店正在做第二位半價的優惠，見到咁吸引，便與朋友來試試。

於一個星期前訂座週末的午餐，可惜已經沒有bar枱座位，只好坐一般枱。

午餐分2個時段而且需要預付訂金，看來這個優惠令餐廳的生意很火。

訂了第二個時段，由一點四十分至午餐時段結束，來到已經很多客人在等位，見到前一個時段的客人陸陸續續離開，很熱鬧。

一陣混亂之後被安排了座位，點了$468加一的刺身壽司廚師發辦，食物陸陸續續送上。

首先送上了日式沙律，只是普通沙律菜以酸汁調味， 開胃但平凡。

第二道前菜是蟹肉黑松露茶碗蒸，可能是客人太多， 蒸好了以後放置的時間太長，上枱時已經是微溫，蛋又比較硬實不夠滑，蟹肉在碗底，鮮味也不足。

接下來是刺身四點。

前一款刺身是左口魚，清淡的白身魚打頭陣，主要是為了引起食慾，所以這款刺身是以芽蔥丶蘿蔔蓉以及酸汁提味，刺身味淡但新鮮，不錯。

第二丶三款刺身是牡丹蝦刺身及帆立貝刺身。

這兩款刺身屬於高質素，牡丹蝦大隻及甜美，帆立貝難得地爽口鮮甜，吃得出食材新鮮。

美中不足是蝦頭沒有經過特別處理，店員推薦的生吃蝦膏的滋味實在有點令人卻步。

第四款刺身是鰹魚刺身。

魚肉柔軟，但現在不是鰹魚的季節，所以魚肉明顯瘦削，鮮味及油脂都不足。

接下來是壽司六點。

第一款深海池魚，魚味十足，品質不錯，但美中不足的是吃到最後居然有一片魚鱗(照片中右下角灰色半圓形)，是否師傅實在太忙，處理太粗疏？以高級鮨店品質來說，實在有點不能接受。

第二款是賣相一流的金線鯛壽司。

這一款雖然魚味很濃，但油脂不足，反而有點被第一款壽司的味道蓋過。

第三款是左口魚邊壽司，魚的味道逐漸變濃這個程序是對的，左口魚的油脂也充足，不過和第一款刺身重複了，有種魚類品種不足的感覺。

不知道是否因為要遷就第二位客人半價優惠，令人有種魚料將貨就價的感覺？第四、五款壽司分別為三文魚子壽司及海膽壽司。

海苔很脆但香味不夠，三文魚子壽司質素普通，海膽質素更有點溶解，品質只能勉強接受。

最後壓軸的是拖羅壽司。

拖羅的質素終於回復到鮨點應有的水平，油脂分布均勻，魚肉鮮味又冇筋，終於拉回少許分數。

這裏要提一提師傅，由於這款魚料油脂非常高，因此切魚的刀要非常鋒利，魚肉的切割邊緣才會齊整，這件壽司的邊緣不夠完整，因此口感上有點失色。

接下來是魚湯烏冬，店員特別提醒魚湯才是主角，要我們千萬要喝湯。

魚湯味道濃郁，可惜犯了茶碗蒸同樣的錯誤－上枱已經不太熱，因此開始有魚腥味，令到味道大打折扣。

由於放得有點久的關係，烏冬甚至開始變硬，實在是強差人意。

最後甜品有綠茶及芝麻雪糕選擇，只是一般買的貨色，乏善足陳。

埋單2人折扣以後也要接近$400一位，以這個價錢來說，銅鑼灣有很多鮨店的質素更好，希望店家能夠繼續進步吧。

發現銅鑼灣又開咗一間新嘅Omakase新張期間第二位半價 見咁抵即刻心郁郁book檯食lunch omakase 💁🏻‍♀️(如果正價的話就不太抵食了)但食完有點不似預期 差不多的價位會有更好的選擇.🔸御 十二貫 $398🔸沙律同茶碗蒸都係正常水準茶碗蒸好滑 上面放有少量黑松露同埋一小塊冬菇 但食落無乜蛋味🤭.🍣 手握壽司十二貫真鯛 | 鱆魚 | 牡丹蝦 | 秋子鰈金線鯛 | 活赤貝 | 金目鯛 | 赤身鯖魚 | 鰹魚 | 大拖羅 | 海膽.成餐最好食就係活赤貝 十分有份量 入口爽甜 新鮮👍🏻但整體壽司表現同我預想的頗有出入壽司飯口感較硬 另外醋/醬油味較淡當日嘅其他飛機魚質素都普通 連最期待嘅海膽同大拖羅味道都一般大拖羅食落無乜油脂香🥺雖然海膽比嘅份量唔少 上面撒上淡雪塩 所以無需再蘸豉油 但可惜海膽本身味道唔夠鮮甜.最後以魚湯烏冬同抹茶雪糕作結魚湯幾好飲 鮮甜不腥～.值得讚嘅係師傅好用心講解亦睇得出每一件壽司都有用心配搭過的唯質素真係有待加強

星期六試左lunch，身材新鮮，侍應有禮貌，但可惜serve我哋嘅師傅同食客零交流。

當日我同友人係食十二件嘅餐。

壽司bar嘅另一位師傅會同食客介紹食材，味道，魚嘅名稱，但serve我哋同另外兩位客人嘅師傅只係冷冷咁講食材個名稱，eg：依個係xx魚。

如果嗰位師傅會介紹下，我相信會令我食得更滋味。

嗰位師傅亦唔係咁細心，食到第四、五件嘅時候，上菜嗰石開始多豉油漬，但師傅冇為意，去到第八、九件先抺。

豉油嘅多少係會影響壽司嘅味道架嘛。

仲有就係尾三到嗰件壽司個飯係好暖，甚至係熱去形容，我唔知係特登定點啦，但有啲怪。

最有印象係三文魚籽同雪糕，魚籽好新鮮，雪糕嘅餐具好靚。

（隻羹係花形好靚架，不過影唔到）P.S. 岩岩再睇返啲相，牡丹蝦冇蝦膏，我好肯定同隔離位嘅師傅整法唔同，隔離師傅整嗰件係有嘅...同openrice個介紹都話有蝦膏。

（我食嗰件，冇蝦膏...）（openrice嘅介紹）總結味道唔差，有優惠埋單都係3百尾一個，整體唔差，希望只係某師傅一時失手。

不過打消左我試夜晚嘅念頭

上網睇見介紹，價格唔太高，起碼正價都食得起，而家又有第二份半價優惠，同個女仔同事一齊試吓新地方！地方乾淨，正常日本餐廳。

可能新開，一開始waitress 拎咗個晚市餐牌俾我地。

我地叫咗$398 的鮨set. 壽司份量剛好又新鮮！建議唔再點豉油食，食原味，因為師傅已經抹上一層醬汁。

因為有upload limit, 沒有upload 所有食物。

沙律冇乜特別，black truffle steam egg 又香又滑又夠熱，最後甜品有得選芝麻 或 豆腐雪糕，正常！正體來講，重點係壽司，其他好食係bonus!以這個價錢，同質素，我會再食！不過男仔食會有少少唔夠飽，女仔就貴精不貴多啦！

鮨三川餐單提供日本菜, 壽司, 刺身, 廚師發辦等推介美食位於銅鑼灣區，餐廳座位數未知人均消費約$401-800，結賬可以用現金，Booking訂位可以電話致電 26100858 查詢。

您對於銅鑼灣餐廳「鮨三川」有何 comment？

鮨三川餐廳詳細資料：

• 鮨三川地址:
  銅鑼灣渣甸街50號渣甸中心6樓
  鮨三川, 6/ F, Jardine Center,50 Jardine's Bazaar, Causeway Bay
• 鮨三川電話: 26100858
• 鮨三川價錢: $401-800
• 分類: 日本菜, 壽司, 刺身, 廚師發辦
• 座位: 未知
• 付款: 現金
• FB專頁: 鮨三川 Facebook

更多鮨三川相關資料:

• 鮨三川分店
• Youtube
• Facebook
• Twitter
• Google