鮨㐂 銅鑼灣

鮨㐂 評價 相片

今次係第二次嚟食 第一次試過佢哋嘅晚餐覺得好好食 今次就帶咗一個朋友去食午市壽司廚師發板👍🏻佢哋嘅sushi omakase set選擇都有幾多 主要係壽司數量多與少嘅不同 最少可以揀6件最多可以揀到18件 當然價錢就因應壽司數量越多就越貴🤣而我地今次就叫左12件既sushi set🍣有別於傳統壽司 呢間鮨店既壽司偏向新興花巧 今次既最愛一定係圖一既剝皮魚配剝皮魚肝 真係太好味😋😋😋廚師亦好細心 唯一覺得有的奇怪既係 侍應未夠鐘就打黎吹叮囑唔好遲到😅總括而言十分推介呢一間鮨店 壽司質素高 價錢中等 多選擇👍🏻

又係睇左好多間見佢地環境唔錯就佢拉！首先講左服務先，樓面2女1男，男嘅應該係經理著西著，服務同態度都好好。

另外有個女仔態度超差！食完一道準備要收野嘅時候咩都唔講好粗魯！好冇禮貌！斟茶嘅時候直接隊個茶壺係我地面前，有好幾次都差啲比佢整到。

另外間來枱坐左兩個熟客，仲同個師傅好fd咁，食左3個鐘笑足3個鐘，真係沒有對比沒有傷害，明顯有唔同待遇，唔係嗌唔同set 嘅問題。

臨走嘅時候仲見到個師傅攞咗啲special野出來。

有彈都有讚野食水準唔錯，食完捧住個肚走，壽司師傅節奏都掌握得幾好，唔會好耐都冇野食。

我覺得最特別嘅係活牡丹蝦！好好食。

香港好少食到靚貨嘅活牡丹蝦其次鮑魚都唔錯配埋個鮑魚肝醬樓面同出品有好大關連，今次體驗真係唔開心其實我想講只要你收野嘅時候講句或者成件事會好好多囉，又唔係要你當我皇上咁服侍，比4000蚊出來食呢餐飯話多唔多話少唔少係米應該有番咁上下服務出來？

行開銅鑼灣…突然想食日本野…上黎開飯search下附近有乜選擇…咁啱見到鮨X(搵唔到呢隻字😂😂😂)d食評好似唔錯咁…又見係附近就直接沖上去睇下有無位…當時都1:30pm…店員話啱啱有人no show所以可以俾我地入座…立下眼個場都好爆…好期待😍😍睇下餐牌…價錢都係高級野…午市柯媽卡射要成$980…第一次穩陣d試下寿司先…見到有6,9,12,15,18件揀…諗下9件又驚唔飽…所以就點左12件寿司定食…首先店員先上沙律…又幾好味喎…入面有菜仲有d蟹肉…最好味係粒車厘茄…另有一碟蝦配蘿蔔…都唔錯…之後有個蒸蛋…呢個味道都ok…可惜蛋唔夠滑…唔會覺得好出色之後就到寿司…我地呢邊就由一個師父就serve兩組人…所以比較忙…不過有位師父仔幫手…12件我識既好少(因為真係乜都唔識)…認得既有中拖羅…海膽…帆立貝…金目…赤貝…因為我真係對魚唔熟…我地呢邊主要由個師父仔serve…可能比較新…佢都好少介紹係乜野魚…如果以呢個價錢…我覺得hea少少…尤其就到收工時…就係咁出寿司…整體寿司都唔錯…不過又唔會好impressed…呢次覺得最正就係識嗰幾樣…好新鮮…尤其海膽(好清甜…唔會好濃味)同赤貝(好新鮮同爽口)…呢個價錢有12件…食材都好好…所以覺得算合理…加上店員服務都好殷勤…唯一係師父同客人溝通少左dd…所暫時未去到要返兜…

我之前也來過好 幾次。

每次都非常之滿意。

這裏地方清潔， 員工服務態度非常之好 所以每次嚟都好舒服。

最近試了他的海膽廚師發板。

值回票價！ 非常之好味！食材新鮮！這裡的日本sake 同香檳 價錢都非常 合理。

所以 我每次嚟 都會點 一啲 sake或者香檳嚟配襯 食物！今次海膽都有好幾款， 可以作比拼。

平時食嘅可能係其他海膽可能係馬糞海膽 到時很好吃的！ 但是 這次他們把不同的海膽放在一起去品嘗的時候，我們就很容易比較出 不同的特點，每人都有自己喜歡的一品種。

我最喜歡是白海膽！這店值得推介不要錯過！

又介紹依間omakase因為真係有質又有量‼️每次食完都捧住個肚 滿足到我個foodbaby🤰🏻😛先介紹前菜鯊魚心臟你地食過未❓我就真係第一次食😳😳😳Menu 無架師父special 俾我食🤭🤫🥰好鮮‼️口感幾特別 好難用言語去表達🙈🙈 你當咬落去爽彈滑 一d都吾腥‼️🦀香箱蟹即係雌性松葉蟹，體形比手掌大一點蟹蓋上有蟹膏、蟹子及蟹肉🐟秋刀魚生熟二食生秋刀魚上邊有蔥蓉同洋蔥汁熟秋刀魚上邊有蘿蔔漬酸汁同wasabi我比較鍾意食生嘅秋刀魚多D 口落去比較肥美🤤🤤食完咁有水準咁高質嘅前菜到🍣🍣12貫壽司 🍣🍣單睇外表已經知道好新鮮 每一件都肥美鮮甜👍🏼👍🏼最後仲有個today’s special roll鯖魚卷My foodbaby巧滿足🤰🏻😛

鮨㐂餐單提供日本菜, 廚師發辦等推介美食位於銅鑼灣區，餐廳座位數未知人均消費約$801以上，結賬可以用Visa,Master,現金,AE,銀聯，Booking訂位可以電話致電 34262777 查詢。

您對於銅鑼灣餐廳「鮨㐂」有何 comment？

鮨㐂餐廳詳細資料：

• 鮨㐂地址:
  銅鑼灣渣甸街66號AuraonPennington18樓
  SUSHI YOROKOBU, 18/ F, Auraon Pennington,66 Jardline's Bazaar, Causeway Bay
• 鮨㐂電話: 34262777
• 鮨㐂價錢: $801以上
• 分類: 日本菜, 廚師發辦
• 座位: 未知
• 付款: Visa,Master,現金,AE,銀聯
• FB專頁: 鮨㐂 Facebook

更多鮨㐂相關資料:

• 鮨㐂分店
• Youtube
• Facebook
• Twitter
• Google