駿景餐室 銅鑼灣

駿景餐室 評價 相片

是晚去了駿景食飯呢間餐廳係入面內街唔留意都見唔到今次我同老公揀左2個比較肉肉既小菜第一個係金菇肥牛卷有6件，件件都有好多金菇好圓滾滾個汁好juicy係牛味差dd但性價比高另一碟係貴妃雞半隻其實我好怕食到有紅色骨既雞但係呢間無very good佢個薑蓉同葱油都無得頂因為小菜係包湯同飯份量亦好足就算係大食積都夠飽而服務方面因為唔係好多客所以都可以同d伙記傾下計知道呢間舖都係開左年半左右裝修都仲好光鮮比較整潔期待下次再嚟試其他小菜

本來冇諗住嚟呢一間食早餐，最心儀嗰間餐廳，居然停止營業，頗咁失落，行經過呢間餐廳，即管行入去試吓！蕃茄湯火腿通粉，加凍檸茶，30 ！望到有菠蘿油，加$10 ！叫埋！蕃茄湯火腿通粉，幾靚仔喎。

番茄湯係自家煲嘅，蕃茄煲到溶，湯味濃郁，紅蘿蔔好夠冧，火腿絲頗多份量，通粉易入口。

好味 !菠蘿油，也不錯，暖暖的，夠鬆，夠軟，好好食！估唔到，個早餐很不錯喎！值得再去！

下午茶時段先放飯！返工已經夠攰，想極速食晏晝，順便坐低抖抖所以最後揀咗呢一間茶餐廳，唔需要等位，一去到就可以直接入座！ 叫咗一碟鹹魚雞粒炒飯，5分鐘之內上碟🤣啱晒我呢啲又趕時間，又想食好野嘅人😝【鹹魚雞粒炒飯】呢碟鹹魚雞粒炒飯，$48連野飲，大大碟，分量超多！ 我都食唔晒🙈 下次一定要叫少飯師傅嘅功架都唔錯，炒得好有鑊氣！ 飯炒得乾身，一粒粒！ 雞肉同鹹魚嘅比例啱啱好，唔會太少餸，剩係得飯～下次放飯，會再嚟呢度食👍🏻👍🏻

行街行到攰，見到渣甸坊呢個小巷有間茶餐廳，下午茶有炸脾食，決定坐低食完再行。

老闆娘話點炸脾的話要等大約20分鐘，心諗：唔係掛，餓死呢。

原來係因為佢哋炸脾係「生炸」，一定要咁多時間先得，由於我實在太想食我決定等！上檯一刻飄來陣陣炸脾香尾，外層炸到金黃色唔會太燶，一咬就感受到佢係幾咁脆，裡面Ｄ肉依然好嫩滑，最加分係唔會好油，食完都唔會頂住曬，炸脾都幾大件，所以食完大滿足！一間茶餐廳可以咁堅持做「生炸」，我撐呀～～如果大家下次去銅鑼灣口痕的話，不妨畀個機會佢～

今晚和C9 朋友來了渣甸坊，掃下衣履鞋襪，掃完街已到了天黑晚飯開餐時段，便近近地入了駿景餐室醫下肚啊一入門口，地方雖不大，但室內裝潢雅緻，感覺很有特色。

店員非常親切有禮，招呼我們坐下後，更細心地介紹他們的撚手小菜。

原來他們的縂廚，是曾任百樂酒樓的大廚，那就一定要試試他的廚藝啦我們點了鴨腿飯、炒白菜仔，及煎蠔餅。

整體來說，小菜款式似酒樓出品，質素高，用料足，廚師手藝一流，招呼好，坐得舒服，下次會再來試試其他小菜鴨腿飯$55 簡直超值，原隻鴨腿，飯大大碗店員細心地準備了刀义湯料很有驚喜，用了黨參、北芪、紅棗、𣏌子、淮山、圓肉、薑片，用料很足吖煎蠔餅入口熱辣辣，及脆卜卜，很有地道風味炒菜鑊氣夠

駿景餐室餐單提供港式, 茶餐廳, 冰室等推介美食位於銅鑼灣區，餐廳座位數未知人均消費約$50以下，結賬可以用現金，Booking訂位可以電話致電 21529203 查詢。

您對於銅鑼灣餐廳「駿景餐室」有何 comment？

駿景餐室餐廳詳細資料：

• 駿景餐室地址:
  銅鑼灣渣甸坊42號地下
  Royal Restaurant, G/ F,42 Jardine's Crescent, Causeway Bay
• 駿景餐室電話: 21529203
• 駿景餐室價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 駿景餐室 Facebook

更多駿景餐室相關資料:

• 駿景餐室分店
• Youtube
• Facebook
• Twitter
• Google