老佛爺風味坊 銅鑼灣
地址: 銅鑼灣禮頓道60號地下
最後更新:
老佛爺風味坊推介
在星期一至五11:30-14:30期間,餐廳為銅鑼灣的上班一族提供既經濟又多選擇的午市商務套餐。在14:30後,會提供一些以小食為主的下午茶套餐。 餐廳為迎合不同客人的需要,會提供承辦各種形式的私人聚會(有意者可致電查詢）。
銅鑼灣老佛爺風味坊
| 餐廳分店 | 老佛爺風味坊 |
|---|---|
| 地區 | 銅鑼灣 |
| 電話訂位 | 沒有電話提供 |
| 餐單 Menu | 越南菜, 粉麵, 米線, 咖喱, 中菜館 |
| 人氣指數 | 899 |
| 價錢幾錢 | $51-100 |
老佛爺風味坊訂位位於銅鑼灣區，詳細地址是銅鑼灣禮頓道60號地下，餐廳寬敞座位數目共有70個。老佛爺風味坊幾錢？價錢優惠後人均消費大約$51-100埋單，早餐午餐晚餐老佛爺風味坊餐單包括有越南菜, 粉麵, 米線, 咖喱, 中菜館等美食，付款方式有Visa,Master,現金付款。
老佛爺風味坊優惠
老佛爺風味坊 評價 相片
Had lunch with fd here. Both of us ordered Malay style curry beef. The curry was a bit spicy as I could see the red curry oil in the dish. The beef was ok tasty and it's quite soft. But it's better to cut it into small pieces for easy swallowing.The owner of the restaurant is very nice~
未講之前,先要呻幾個後悔,我後悔平時唔睇食評,後悔比好服務遮掩左食品質數既唔掂,後悔比門面呃左,唉!有事到附近,又踫上lunch時間,係門口望下有乜食之際,已經有侍應推門招呼又笑容可掬,無乜所謂下中伏!從餐牌中選取了咖喱雞扒配天使麵,雞扒與麵是分開上,雞件切成四,五件左右,有兩三顆車厘茄,薯仔及洋蔥在內.洋蔥明顯未煮熟,每一片未能煮至透明,反而薯仔經過油泡,而車厘茄亦是後加貨色,可惜雞件與咖喱毫無交流,各不相干,相對下天使麵算是正常不過的食品,咖喱應該係呢味菜既靈魂,但既唔辣,又唔香,又唔滑,水準仲低過地痞快餐店,有幾好服務,食品唔得,你呃得我一次,你估我仲有無下次呀?
有D差既餐廳，你會食完無下次；但有D餐廳，係會差到叫人唔好試第一次!!!!呢間「老佛爺風味坊」，可以在「質數、價錢、環境」各方面都可以差得好全面，實在難能可貴。
先讚一讚，服務質數不錯，有禮貌，雖然傳錯兩次菜(我地叫左5個)...小食是牛腩煮腐卜，幾好，不論從哪一個角度咬舊牛腩都無黐牙，難得。
好，開波!!!一入到去，我見餐牌價錢在$7x –16x左右，「木台」面又有支PERRIER，心想：「呢間野幾high喎，應該同南亞餐廳差唔多... 咦？有電視既... 草猛演唱會!!!!!!!!!!？」各位，對了，就是了，一家這樣高檔的餐廳，竟然可以一邊用餐，一邊跟住字幕唱(對呀!!是卡拉OK版本!!!)：「一起森巴舞，撥走不滿...」!! 有冇九兩菜!!!!!？我即刻摸下「木台」底有冇mic先~~冷氣，唔夠，有ｄ焗。
「木台」，好窄，我地一行５個人，俾左張４人我地，有少少逼；但間餐廳只係七成滿，都唔俾六人「木台」我地。
要了四個菜，順著次序出場，有：扒美國安格斯牛肉眼扒$15X呢個根本係亂黎，塊扒既質數，莫講話同大家樂比，一個一百五十幾蚊既肉眼扒，竟然係同我地BBQ，廿幾蚊一公斤既牛扒一樣!!!!!!!!!!!!!!你冇睇錯，係「一。
模。
一。
樣」!!!!!!!塊野薄到呢，若果個廚可以控制到幾多成熟既話，佢一定係廚神!!!! 口感味道色水肉味，我完全唔想講，邊個會去針著一塊BBQ扒會有乜野口感味度道色水肉味!!!!!!!!!!？招牌菜：海南雞飯$75 (脾另加$8) X 2湯，是排骨煲連偶，味道同一般茶餐廳一樣；飯，是菜飯!! 喂，海南雞飯貴過切雞飯成截，都可以賴個飯丫，俾個借口同自己講：「哦，個油飯先值錢呀，好難整架~」。
你上個菜飯，咁同個切雞飯套餐有乜分別？雞味好主觀，我唔針著，但雞脾都可以咁韌，佢都幾好野!!!而且我另加$8要雞脾，都只係得半隻脾，其餘仲用雞胸墊底!!!兩客都係咁!!!!!而且份量仲要同一般切雞飯差不多，兩行咁大把!! 一個海南雞飯連加一，九十幾蚊，有冇搞錯!!!!!!蝦叻沙湯麵$91呢個犀利囉!!!!!!! 堪稱係全晚飯局爆火位，無左呢個菜，我未必會有勇氣去鬧爆個經理，就係因為呢個菜，佢將之前幾度菜既怨氣一次過爆出黎!!!!!!!!!! 一黎到，個湯稀到同普通雞湯無分別，望落去，只見好似湖底有d野浮浮下，但未知係乜黎。
一撈，無野既；再撈，好似有d野喇，但未撈到；又撈多次，有喇!!!三次之後撈到d粉喇!!!!!!!!!!! 係喎，唔記得左添，我俾九十幾蚊叫果個唔係叻沙湯，係蝦叻沙湯麵喎!!!!!!有蝦架喎!!!!!麵喎!!!!!!!!!!!公度地說，蝦是不錯，挺彈牙的，有四隻。
麵呢，完全唔洗咬!!!淋到以為自己食緊珍多冰D綠色條條咁!!!叫個經理黎落餐茶。
經理：唔好意思，你們是散叫，沒有餐茶的。
我要爆了我：唔係呀？講真，呢碗粉，九十幾蚊，個湯稀鐃鐃，又少又淋晒咁，值九十幾蚊，仲要無餐茶？咁頭先d扒有喇掛？經理：唔好意思，因為散叫是無茶跟的。
一係加$18要個青檸梳打丫。
我：唔洗喇，呢個粉實在太離譜，我要埋單。
經理：我地會同上面反應返的，只要其他食物好食就好了。
其實佢真係幾好服務的，但他轉身走開，我一聽到「只要其他食物好食就好了」，立即引發第二輪火山爆發！我：咪住，你返黎，你講起其他食乜既話，我就火滾喇！個牛扒，大家樂咁既質數，你收我一百五十幾蚊？有冇搞錯？仲要唔跟餐？個海南雞飯，你地個主打菜，d雞，韌架喎；個粉，你會唔會俾九十幾蚊食呢碗野？我從來未試過食飯食到咁慶，我都係第一次要當面同人投訴咋！你地ｄ野食咁樣實在太過份！收得人地咁既錢，俾ｄ咁既野人食，好離譜！算喇，埋單唔該！之後埋單走人。
總括黎講：冷氣唔夠，草蜢演唱會，５個人逼４人「木台」，雞韌，無油飯，湯求其，ＢＢＱ用扒，叻沙湯亂黎，珍多冰口感的粉，份量少，上菜慢，貴，超級貴，超級唔值地貴！我食飯食到咁慶，我發誓我一定用盡我所知的渠道去鬧爆呢間「老佛爺風味坊」！
老佛爺風味坊餐單提供越南菜, 粉麵, 米線, 咖喱, 中菜館等推介美食位於銅鑼灣區，餐廳座位數70人均消費約$51-100，結賬可以用Visa,Master,現金。
您對於銅鑼灣餐廳「老佛爺風味坊」有何 comment？
老佛爺風味坊餐廳詳細資料：
- 老佛爺風味坊地址: 銅鑼灣禮頓道60號地下 Lo Fa Yee Restaurant, G/ F,60 Leighton Road, Causeway Bay
- 老佛爺風味坊電話:
- 老佛爺風味坊價錢: $51-100
- 分類: 越南菜, 粉麵, 米線, 咖喱, 中菜館
- 座位: 70
- 付款: Visa,Master,現金
- FB專頁: 老佛爺風味坊 Facebook
更多老佛爺風味坊相關資料:
香港餐廳2026推介9月