翠明軒海鮮酒家 銅鑼灣

翠明軒海鮮酒家 評價 相片

朝早同朋友來飲早茶（但都差唔多11點先坐低），場內都幾滿座，最後要搭枱，同3家人一起坐。

叫左叉燒包 我覺得叉燒餡有點甜，唔係好同平時食開個叉燒包。

蝦餃 好多蝦，好新鮮爽口，皮薄餡靚炸兩 炸得唔夠脆，腸粉好薄。

燒賣 好大粒同埋好新鮮，啖啖肉。

雞雜入面件芋頭好粉好淋，而件雞亦好大件。

總體而言，間茶樓唔算貴，而且食物十質素好，可以再來。

睇番食評原來我喺好多年前我已經嚟過呢度唔怪得之有似曾相識嘅感覺每次都係人哋帶上嚟佢竟然裝修過地方比起以前光猛好多服務非常好尤其是瘦瘦哋嗰個阿叔服務十分欣勤都係嗰句啦真係冇乜人幫襯因為冇一個鎮場之寶呢度嘅客路走麻甩佬路線如果你鍾意大排檔傳統粵菜咁就啱曬你老火湯夠曬足料芝士龍蝦伊麵夠曬芝士汁龍蝦又夠龍蝦味新鮮金銀蛋莧菜皮蛋超級好味主角嘅莧菜亦都唔會老最後竟然 有糖水送個糖水都好滋味黑椒炒牛肉牛肉夠曬嫩蒸魚夠曬滑

第一次寫食評就係為左寫負評。

間野一入去已經無人手，帶位都無，行入去先有經理叫你坐呢張枱。

五個人叫五樣野，其中一樣叫左條海清斑仔（$188），埋單時經理話今晚根本無清斑仔，張單收左條東星斑仔價錢（$348）。

餐飯已經食左，所以唔理論，最多無下次。

間酒樓處理手法有問題，成間酒樓無正常酒樓點菜卡，係經理自己記低張紙再入機，令到我又無得等上菜時對點菜卡，然後埋單又收另一條魚價錢。

如果無海斑仔，應該要通知客人先可以轉魚呀，講完

本身想去個間walk in已full，我地就再行住搵又係求求其其入左黎😂😂成間酒樓都好暗人不可貌相，酒樓都係雖然黑蚊蚊，又唔新淨不過d食物唔馬虎叫左七碟，除左個小籠包我係唔滿意之外，其他都過關(小籠包好乾，咬開冇湯汁不過環境都有小小嘈最後埋單7碟係266呀！抵食啦！

前陣子，有親友新居入伙請食飯，於是我們去到位於銅鑼灣的翠明軒，當晚我們都食得很開心滿足，宴席的菜式很豐富，大家都盡興而歸。

首先，宴席的頭盤是有六款小食，分別是麻辣鳳爪，燒肉， 炸豆腐，黑椒牛柳粒，青瓜配海蜇，炸大腸。

麻辣鳳爪初時食第一口不覺很辣，慢慢才感受到非常辣味，食了一點已經要喝很多水，嗜辣的朋友應該很喜歡這道小食，而我則不太愛吃辣，所以淺嚐輒止；炸豆腐外脆內軟，味道不錯；而燒肉亦很脆；黑椒野菌牛柳粒則很惹味，牛柳粒夠稔，野菌很入味；青瓜和海蜇爽口，但較為辣；炸大腸則略嫌有點氈味。

吃了這些小食後才正式開始主菜，主菜真是十分豐富，當中包括炒班球，蒸班腩，羊腩煲，芝士炸蝦球，蒜蓉蒸聖子皇，炸子雞，菜乾豬肺湯，生炒糯米飯，水餃，紅豆沙等等，我最欣賞的是芝士炸蝦球，外層是香脆的炸蝦丸，十分大，起初以為是平日食到的炸蟹鉗，但原來內有乾坤，炸蝦球的內層竟是流心芝士，對女士而言真是非常邪惡但又很吸引。

另外羊腩羊腩份量十足，而且羊腩沒有半點氈味，十分難得；聖子皇很有鮮甜，炸子雞炸得很脆，雞肉亦夠嫩滑；另一重點是菜乾豬肺湯，眾所周知，豬肺湯是很難煲的，因為做法較為複雜，所以一般很少在酒樓裏有這款湯。

豬肺湯很有益處，除了具有清熱潤燥的功效，亦有止咳化痰的作用，食了甘多熱氣的食物，飲這款湯可以清熱潤肺。

至於炒班球和蒸班腩則較為一般，但整體而言，這一餐的菜式味道不俗，而且頗有驚喜。

翠明軒海鮮酒家餐單提供粵菜, 廣東, 海鮮, 酒樓等推介美食位於銅鑼灣區，餐廳座位數未知人均消費約$51-100，結賬可以用現金,銀聯。

您對於銅鑼灣餐廳「翠明軒海鮮酒家」有何 comment？

翠明軒海鮮酒家餐廳詳細資料：

• 翠明軒海鮮酒家地址:
  銅鑼灣謝斐道517號地下及1樓
  Charming Cuisine, G/ F-1/ F,517 Jaffe Road, Causeway Bay
• 翠明軒海鮮酒家電話:  
• 翠明軒海鮮酒家價錢: $51-100
• 分類: 粵菜, 廣東, 海鮮, 酒樓
• 座位: 未知
• 付款: 現金,銀聯
• FB專頁: 翠明軒海鮮酒家 Facebook

更多翠明軒海鮮酒家相關資料:

• 翠明軒海鮮酒家分店
• Youtube
• Facebook
• Twitter
• Google