維拉酒廊餐廳 銅鑼灣

維拉酒廊餐廳 評價 相片

這天有機會約了三個同事一起來到這間維拉餐廳（Vela Lounge Restaurant) 來試下西班牙餐！總以為這些食西班牙餐既餐廳會很昂貴，而且自己或同事也不太知道西班牙餐有什麼吃呀！不過我們又在銅鑼灣工作，也貪方便知道位置總想試試新野啊！當然我們是預先訂位喇！我們一行四人準時到，首先見到餐廳不會人頭湧湧，由於不是在銅鑼灣中心地帶，所以環境清靜自成一角，都頗有情調,環境舒適，內掛有些西班牙油畫，都很有西班牙風格,也感覺餐廳也花了不少心思去突顕佢既「西班牙」主題，雖然不是什麼名人畫作，但也很漂亮啊！我們同大廚商量後，決定由他幫忙設計我們的餐單如下：1.意式冰鎮鮮鮑鲍魚新鮮不用懷疑，大廚說這些新鮮食材是在附近鵝頸橋街市買。

而且食落也呃吾倒你啦！這菜式是大廚將鮑魚切片然後放回鮑魚殼𥚃加冰鎮上碟，夠鮮味啊！2.蕃茄包配cocktail shrimp有蕃茄茸配法包再加去殻鮮蝦，好味醒胃，因有蕃茄酸酸甜甜！3.馬介丘球這個極力推介，香口好味道！不要睇馬介丘是魚，這個好考廚師工力，冇骨去魚皮滑滑薯茸處理完酥炸至金黃色先埶辣辣送到你咀邊啊！4.薯絲鳯尾蝦這個也是甘香脆口菜式，配合大廚自製他他汁，味道似沙律汁，好味啊！5. 西班牙焗釀靑口又是食那種焗釀效果豐富口感層次，將青紅椒青口肉切碎後炒香釀回靑口殼內再用焗爐焗，一口吃完整隻，蠻滿足哦！6.龍蝦湯好濃郁好香既龍蝦湯，大廚話主要秘訣處理乾淨完d蝦殻都用來肴埋湯底，當然用料是新鮮啦！7. 西班牙烤乳豬這隻BB豬皮香肉滑，果然是餐廳皇牌主打之一，正！8.西班牙海鮮飯這款經常有聽過在其他食店也許食過，但總是每間食店都點不同，真的要靠大廚既用料喜好了，今晚這盤有大蜆、大蝦、帶子、青口等新鮮海鮮，當然加上用魚湯煑既飯底和特式昂貴既用料西班牙紅花啦！這盤米飯真的吸收了以上海鮮既味道，好有口感，味道相當不錯啊！9.西班牙奄列大廚話用料有洋蔥、薯仔、欖油、雞蛋漿等，佢話個正宗西班牙熟客都話勁like喎！好有家鄉feel添！又真係幾好味喎！不會覺飽飽滯滯呀！10.香草扒意大利青瓜這個不用說，食左肉，梗要有菜嘛！緩沖一下呀！但不要少看這味菜，味道很好！11. 芝士焗大菌這款式用了意大利菌，好大隻啊！又新鮮特別，處理完佢d特別用料再用芝士焗，我們要用刀义來慢慢切開一片片吃，正！12.牛油焗新薯不用加上花巧煙肉碎、蛋碎，就是要吃那份original既薯仔味，夠了！13.法式軟心多士配香草雪糕總算食到最後了，這個法式軟心多士可要花既用料步驟可不少,要將一舊平平冇奇既麪包，加d雞蛋呀、忌廉奶、呍呢拿、糖呀等等...去變成人見人愛既軟式多士加埋圓圓既雪糕球乖乖伴邊，大滿足！如果雪糕球多d不同款式，那真perfect喇！哈哈！總算見到大廚既心思，由於客人不算多，大廚都盡量去介紹每一道菜既特式給我們認識，總算都feel到及食到佢既誠意，也用心創作及每一道菜既特色！真的不錯啊！

長期見呢間野做團購, 但係又唔見有人寫食評, 自己試完之後真係覺得.....冇咩好寫......一去到見成間野一個人都冇, 只係得一個員工係度, 但係佢見到我同朋友企左係門口都冇行過黎仲以為佢未開門, 問佢佢先叫你隨便坐, 地方唔大, 不過環境唔錯~講下食物啦~ 一坐低就有一份鵝肝, 湯同一杯飲品(只限一份)~鵝肝好乾, 湯冇咩特別, 好淡, 飲品好細杯~之後就到主菜, 一開始佢會俾一碟烤雞, 羊架, 牛同豬肋骨既你, 食完之後你有咩想再食就同佢講~雞 好乾, 而且唔好食, 牛 好韌羊架 呢個幾好食, 冇蘇味豬肋骨 好好食, 叫左好多次~芒果慕斯反而有驚喜, 唔會太甜, 好好食(可惜每人只限一份)食物都ok, 不過不失, 但係要注意既係以上已經係全部可以選擇既食物, 冇菜既, 只係得第一碟有少少瓜同薯條(唔好食既), 第二碟開始已經冇~如果以呢個價錢黎講唔係太值~

又來了帆船酒店的餐廳享用他們的買一送一午市套餐。

這一個抵食的西餐，早已成為了我們公司一行 (雙數)人時，指定來吃的一間餐廳。

是日來到，才發現這餐廳於不知不覺間，不再叫做 Hill Oyster Bar 了，簡單的，配合返酒店的名字，叫回 Vela Lounge，正式把餐廳名字同酒店名字掛鉤起來。

有了 Buy 1 get 1 free 的優惠，這兒的午市套餐頓然變得極度優惠，想十二點、一點去食，若是人多，請訂位，不然餐廳就說到明，安排不到，下次早訂定再來吧。

餐湯沒選擇，來來去去都是同一個蕃茄湯，味道不酸，反而帶少少甜味。

加了份量適當的 cream，這一個湯既 creamy 又甜美，又簡單又美味。

附帶的麵包，天天也不同，是日給我們的是脆包，可是這包也實在是太脆，脆得令到包的外層一下子就像粉末的碎開，而且乾了一點，未夠好食。

價值$98的牛扒，買一送一起來，就是$49一份。

牛扒不厚，而且全熟也沒有太大的問題。

蘑菇汁夠香，牛扒也輕輕地用鹽醃過，薯條肥壯，$49的水準，不過不失，起碼勝過不少豉油西餐廳。

套餐非常之抵食，因為有咖啡茶仲有一個甜品。

甜品，是一個朱古力味的 moose cake，甜，有朱古力味但不重，輕輕一個小甜點配上奶茶或咖啡，感覺都可以既。

而飲品，咖啡較好，可是同樣地，不夠濃。

以環境同地點來說，的確是便宜的一個午餐。

美味，悠閒，經濟，絕對值得一來再來。

維拉酒廊餐廳餐單提供西班牙菜, 地中海菜, 多國菜, 自助餐, 酒店餐廳等推介美食位於銅鑼灣區，餐廳座位數50人均消費約$201-400，結賬可以用Visa,Master,現金,銀聯。

您對於銅鑼灣餐廳「維拉酒廊餐廳」有何 comment？

維拉酒廊餐廳餐廳詳細資料：

• 維拉酒廊餐廳地址:
  銅鑼灣摩理臣山道84-86號香港銅鑼灣太平洋帆船酒店地下大堂
  Vela Lounge Restaurant, G/ F, The Vela Hong Kong Causeway Bay,84-86 Morrison Hill Road, Causeway Bay
• 維拉酒廊餐廳電話:  
• 維拉酒廊餐廳價錢: $201-400
• 分類: 西班牙菜, 地中海菜, 多國菜, 自助餐, 酒店餐廳
• 座位: 50
• 付款: Visa,Master,現金,銀聯
• FB專頁: 維拉酒廊餐廳 Facebook

更多維拉酒廊餐廳相關資料:

• 維拉酒廊餐廳分店
• Youtube
• Facebook
• Twitter
• Google