稻間刺身居酒屋 銅鑼灣

稻間刺身居酒屋 評價 相片

尋晚同男友和肥外甥食完o係稻間的最後晚餐，今日就同爸媽和妹妹去食o係稻間的最後午餐。

椅都末坐暖我就問林經理仲有乜野食，林經理笑笑口話仲有toro同黑毛牛。

我同爸爸叫個toro蟹子手卷，媽媽叫個黑毛牛火煱，妹妹叫左燒雞翼同牛肉薄燒。

今日的toro都仲OK，絕對唔差。

黑毛牛火煱可以用好好味來形容，入口即溶。

食到咁上下，林總廚(林經理細佬)拎左碟炸物出來請我地食。

炸物賣相好靚，有炸蕃薯、炸蟹鉗和炸芝士年糕。

蕃薯非常甜，蟹鉗非常彈牙，芝士年糕非常香滑，三樣都做得好出色。

最後，真的十分希望林氏兄弟能另覓適合舖位，捲土重來。

刺身新鮮、種類多、扺食! Toro 顏色、脂肪分佈均勻、溶雪恰到好處，入口溶化，甘香味濃，十分滿足！一字記之:靚!

同老婆慶祝生日,睇食評"稻間"好似幾好咁,一於試下,但咁就出事啦,去到因唔想諗所以叫左個二人套餐$388,套餐本身有龍蝦什錦剌身但經理說無貨改乳龍蝦,o.k.冇所謂,上菜啦.一人一小碗蟹籽沙律,吞拿魚蓉海膽壽司一人一件刺身乳龍蝦,三文魚一人兩片,劍魚腩,臘魚一人一片天婦羅蝦x2,茄子x1,鮮菇x1,仲有一樣記唔起for兩人炸豬軟骨拾幾件(細件裝)for兩人炒雜菜牙菜+什菇炒埋一碟茶餐廳熱架啡碟到for兩人吞拿魚蓉飯一人一碗最後係甜品街邊小販魚蛋咁大粒puff一人一粒其實的野食都ok,但份量太少,最唔開心就係個炸豬軟骨掩得太咸,所以叫侍應換過燒牛骨點知佢話只可以換翻豬軟骨,我話再出黎咪一樣咸,都算啦,跟住佢再黎同我講可以轉燒牛骨但頭先我地食左幾件只可以比翻半碟份量,我心諗係你地煮得太咸同埋半碟cost有幾多呀,咁小家架,今日老婆生日都算啦,食完野收晒碟個甜品唔問都唔黎,鬼咩,連經理樓面只得4個人,埋單連加一$426,其實咁唧價錢可以有好多撰習,點解我會揀呢間架,嗚...收完錢連多謝都唔講,唉....

2192005今晚約了朋友補祝生日來了這裏七點左右非常多位，原來有幾張已經給人訂了，哦這處原來是可以訂位的，幸好我們walkin也有位。

這裏給人感覺很舒服又光猛，環境清幽，7:30後雖然少不免有人吸煙，但坐得很舒服又不會給人趕走幾好，有個較為高級的人服務態度值得一讚再讚(只有對一位侍應不滿意不但笑容欠奉而且也不什有禮貎般，應改善)。

我們坐下即點了吉列炸蠔、稻間卷、吞拿魚腩、三文魚、油甘魚手卷、九州拉麵、龍蝦海膽炒飯。

炸蠔有三隻，雖是細隻但有汁唔會太乾，吞拿魚腩手卷，加了蔥在魚上，食落甘香美味，估不到九州拉麵水準不俗(原先想已經食過最好的拉麵這裏就不用點，但友人想食所以就點了)，之後再點了三文魚、北寄貝剌身，三文魚切得夠厚不會太長而北寄有6塊非常鮮甜，試埋和果子先(紅豆與抺茶)但侍應說只得紅豆，與抺茶無緣了。

呀! 漏了試串燒添! 下一次補番吧。

昨日(05年8月31日)，因朋友生日而她又好喜歡食日本菜，所以去稻間一試。

我們有3個人，點了以下菜色：3件吞拿魚壽司、拉麵沙律、池魚一條(魚肉刺身及炸魚骨)、牛油軟殼蟹壽司(1客共6件)及辣三文魚壽司(1客共8件)。

以上結賬約$600.00，價錢都合理。

我們是以Manhattan Card結賬，於是我朋友記起剛入門口時候看到門口有個牌寫明用Manhattan消費滿$200會有"北海道壽司"一件送，亦即是話我們應該有3件"北海道壽司"送，我們就問經理(幫我們結賬的是經理)有關些優惠，他的答覆是：『你們要在落單的時候講明用些信用咭結賬，如沒有就不能用這優惠。

』但是我們由入門口到落單都沒有人向我們表示過些優惠要在落單的時候講，他是否有點過份呀？

稻間刺身居酒屋餐單提供日本菜等推介美食位於銅鑼灣區，餐廳座位數未知人均消費約$101-200，結賬可以用現金。

您對於銅鑼灣餐廳「稻間刺身居酒屋」有何 comment？

稻間刺身居酒屋餐廳詳細資料：

• 稻間刺身居酒屋地址:
  銅鑼灣告士打道255-257號信和廣場地下5-7,7A-B舖
  稻間刺身居酒屋, 255-257 Gloucester Road, Sino Plaza, G/ F., Shop5-7,7 A- B, Causeway Bay
• 稻間刺身居酒屋電話:  
• 稻間刺身居酒屋價錢: $101-200
• 分類: 日本菜
• 座位: 未知
• 付款: 現金
• FB專頁: 稻間刺身居酒屋 Facebook

更多稻間刺身居酒屋相關資料:

• 稻間刺身居酒屋分店
• Youtube
• Facebook
• Twitter
• Google