碼頭故事 銅鑼灣
最後更新:
碼頭故事推介
四川麻辣火鍋專門店，設有鴛鴦鍋底，客人可以同時品嚐兩款不同的湯底。辣度有分等級，麻辣湯底以十多款香料和辣椒製作而成。
銅鑼灣碼頭故事
| 餐廳分店 | 碼頭故事 |
|---|---|
| 地區 | 銅鑼灣 |
| 電話訂位 | 25053222 |
| 餐單 Menu | 川菜, 四川, 火鍋 |
| 人氣指數 | 1128 |
| 價錢幾錢 | $101-200 |
碼頭故事訂位位於銅鑼灣區，詳細地址是銅鑼灣軒尼詩道525號澳門逸園中心2樓，餐廳寬敞座位數目共有未知幾多個。碼頭故事幾錢？價錢優惠後人均消費大約$101-200埋單，早餐午餐晚餐碼頭故事餐單包括有川菜, 四川, 火鍋等美食，付款方式有Visa,Master,AlipayHK,支付寶,現金,八達通,AE,Apple,Pay,Google,Pay,微信支付付款，Booking網上訂位可以電話致電 25053222 查詢訂座。
碼頭故事優惠
碼頭故事 評價 相片
冬天唔駛諗一定係去打邊爐🍲。
行完銅鑼灣就喺附近搵咗間火鍋店打個靚邊爐先。
呢度嘅裝修富有中國色彩，差不多每張檯都隔住個屏風，私隱度高。
一坐低先飲杯茶暖下胃，啲茶好香玄米味🍵。
每一個位都擺咗支食用植物調和油，原來呢支油可以減低麻辣度，而且有陣陣麻油香味，用嚟做配料一流，佢仲要係獨立包裝，相當衛生。
就咁一支油梗係唔夠混醬啦，出面有醬料吧可以自由揀選配料，仲有一次性圍裙可以拎，唔駛驚整污糟件衫，好貼心嘅安排🥰。
餐前小食有花生同瓜子，一邊食住，一邊等個湯慢慢滾起。
我哋點咗個蕃茄鍋，個番茄湯都好多蕃茄🍅，鮮茄味十足。
落嘢食之前梗係試碗湯底先啦，好濃嘅蕃茄味呀！🤩 手工青芛片之前上網見到好靚😍，所以今次嚟到一定要點，個賣相真係好靚呀，砌到成朵花咁🍀，每一片萵筍都切得好薄，感覺好晶瑩剔透，成件藝術品咁，見到都唔捨得食，食落都好爽口。
安格斯肥牛🐮啲雪花紋排列整齊，肉質鮮嫩，牛味十足。
竹筒墨魚滑新鮮，爽口彈牙。
日本蟹籽丸都好多蟹籽，一咬開就必晒啲蟹籽出嚟，不過小心辣親個咀仔喎。
😙 新鮮雞件🐔份量都幾多，肉質好嫩滑。
打完邊爐，仲可以食個甜品，呢個紅糖鍋盔望落好似炸饅頭，外表金黃，入面有啲豆沙餡，點少少糖漿食甜甜哋幾好味。
原先以為沒有了冬天，最近翻了一陣涼風，終於感覺到有秋意，本身幾鍾意打邊爐，不過成日覺得天熱會食到一身汗，終於有機會就梗係要把握，即刻約朋友去打邊爐先。
此店位於銅鑼灣喺正地鐵站隔離交通相當方便，內裏的裝修有中國傳統特色，不過唔係好堂皇冠冕的感覺，反正坐得舒服就得啦。
大骨百湯底夠濃郁，食物烚兩烚已吸收湯底很有味道，叫的食物雖然不是很便宜，不過碟頭大，兩個人食叫幾樣已很飽足，所以圍起上嚟都唔算太貴。
一米肥牛 $159從名字看來，應該是指牛肉擺在長達一米的木板上，看陣勢已經夠吸引，牛肉切得薄，夾上嚟放在湯中灼幾下便可食用，牛肉新鮮嫩口，再點些醬汁更加惹味。
日式蟹子丸$67彈牙內裡滿滿蟹子，不過要小心食，免得內裡蟹子「辣」親個嘴。
鴨血$58浸在湯中幾入味，唔錯。
魷魚片$67咁多個配料中印像最好的鮮魷魚片，眼看已感覺很新鮮，一食夠爽口，不點醬也很好吃。
紅糖冰粉$23晶瑩剔透見到也心花怒放，本身冰粉冇乜味道，靠冰糖的甜再加一些配料襯托出味道，飯後甜品不錯。
食完個人暖笠笠，行到出街有幾陣涼風也不覺得凍，加上約朋友出嚟聚一聚，暖身又暖心。
值得一提是侍應服務周到，時時看看大家有什麼需要，讚！
天氣開始變涼，最好就係食火鍋。
而火鍋湯底，我最鍾意就係麻辣鍋。
最近去左銅鑼灣新開既【碼頭故事】火鍋專門店，主打重慶火鍋而非港式火鍋。
一入到鋪頭就已經好香麻辣火鍋味，裝修非常新潮，而且乾净寬敞。
我地就叫左牛油鴛鴦鍋、紅薯粉、蝦滑、養生豆花、三秒海帶芽、安格斯肥牛、水晶土豆片、藕片、生根、紅糖冰粉同飲品。
牛油鴛鴦鍋：麻辣牛油鍋搭配豬骨湯其實最終我地個麻辣鍋係幾辣我都唔知，因爲用手機app落單，無叫我地選擇辣度。
不過我建議就由小辣開始叫，因爲可以之後加辣。
牛油味非常濃郁、麻辣係好香，唔會只係一味得死辣。
豬骨湯係有D滋保藥材，所以唔會好單調得豬骨湯味。
推薦紅薯粉、三秒海帶芽、同蝦滑紅薯粉放入麻辣湯底最好食，吸收曬麻辣湯精華，又香又滑！三秒海帶芽分量非常多，放入麻辣湯或者豬骨湯都唔錯。
如果想食麻辣湯精華的話就放麻辣；而想食海帶原本既味道的話就放豬骨湯。
吸湯之餘，又可以食到食材本身既味道。
蝦滑非常令人驚喜！蝦味超濃，而且好彈牙、唔會好多粉。
個人建議放入豬骨湯，因爲唔會搶走蝦滑既鮮味！其他食材都唔錯，但個人比較無禁推薦生根，唔知係唔係唔係太新鮮，就算放入湯裏面好長時間，都有D地方硬。
最後再加一碗清涼紅糖冰粉就非常完美，紅糖冰粉微甜但非常清涼，非常適合食完麻辣鍋后降火！整體黎講，無論湯底、食材、服務同環境都係屬於高質火鍋，大家有興趣可以試下！
喺正SOGO隔離嘅澳門逸園大廈集中左多間食肆, 門口阿姐落力派傳單: 碼頭故事試業有coupon送, 喺2樓連𨋢都唔使等索性行上去. 門口已望到入面裝修靚靚, 一個個中式木屏風形成勁有privacy嘅環境👍🏻. 入座前店員仲會同我地消毒雙手&鞋👍🏻.🍲牛油紅鍋x大骨百味湯鍋 (HKD159) 一坐低order住個鍋先, 牛油🧈紅鍋真係一大舊四四方方嘅牛油+勁多款辣椒🌶️調製而成, 未食都feel到辣得真材實料呀. 而豬骨湯底味道就非常香濃, 入面仲加入左紅棗香葱+兩件午餐肉, 啱哂唔食辣嘅朋友.🍲每人HKD30醬料$仲包埋花生🥜&瓜子各一碟, 出面醬料吧非常整齊企理, 連蠔油, 鹽, 醋都有提供呢. 飲啖茶先, 係好香嘅蕎麥味☕️.🍲安格斯肥牛 (HKD182)必食嘅肥牛大碟又高質, 每塊都好大塊, 肉嘅脂肪適中, 唔會多到唔知食緊肥膏定係肉, 淥一淥勁濃牛味, 正a!🍲鮮紅薯粉 (HKD38)店家有個專for淥紅薯粉(or其他麵類)圓桶型”撈”真係一條都無浪費到, 淥起時口感QQ配牛油紅鍋湯底perfect.🍲山藥 (HKD38)擺左一陣都keep到白雪雪嘅山藥, 鐘意爽身嘅淥一層就食得, 我就淥到佢有d粉粉嘅口感.🍲鮮鴨血 (HKD58)自從上星期食過麻辣鴨血一試就愛上, 成為打邊爐必嗌之選.🍲脆炸響鈴 (HKD67)唔會嘥左個咁正嘅湯底, 點都淥1秒連湯食.🍲唐生菜 (HKD32)最後食埋唐生菜🥬, 平衡返食左咁多肉同辣野嘅邪惡感😛.🍲用QR code order實在方便, 店家嘅火鍋生料價錢真心reasonable, 而且地點perfect, 店員又主動+nice, 今個冬天可以encore呢!
今日同朋友嚟到銅鑼灣行街街搵好野食，岩岩Sogo出黎轉彎黎到澳門逸園中心，見到新開左一間四川麻辣火鍋專門店，原來係碼頭故事喺2樓開咗間新分店，咁岩肚仔餓有d餓，一於就上去食返餐😂。
叫咗一個鴛鴦鍋，分別係牛油紅鍋同菌湯鍋。
個菌湯鍋好清，飲落好重菇味，吾錯👍🏻。
而牛油紅鍋真係不得了，小編我叫咗中辣，辣度十足，非常之香口，食到個嘴麻麻哋，好過癮😍。
配料方面小編都叫咗好多款唔同嘅嘢食，當中有幾樣非常之有驚喜🤩，特別係安格斯肥牛、桶蠔、一米鴨腸，同鮮紅薯粉。
安格斯肥牛 $182切得唔會太薄，脂肪分布均勻，有牛味之餘亦都好有咬口😋，係個麻辣湯底入面淥，已經非常之入味，勁推薦😍。
桶蠔 $158一共有五隻，隻隻都咁肥美🤤，而且食落好鮮甜，一啲都唔腥，估唔到食火鍋都可以食到呢啲咁好食嘅美國桶蠔🤗。
一米鴨腸 $101原來個鴨腸真係有一米長，夾出黎花左一輪功天🤣。
不過絕對值得，鴨腸好鮮嫩爽口，淥完食好有咬口，不過記得控制時間，淥過龍會好韌㗎😂。
鮮紅薯粉 $44有麻辣湯點可以冇紅薯粉，人哋話時勢做英雄，我依家話麻辣湯都可以造就紅薯粉😝，呢度嘅紅薯粉好煙韌，好有口感😆，再經過呢個湯底煮過，簡直好食到不得了🤩，小編我仲連續叫咗兩份黎食添。
碼頭故事 (銅鑼灣)銅鑼灣軒尼詩道525號澳門逸園中心2樓。
最高為(5/5)味道⭐️⭐️⭐️⭐️⭐價錢⭐️⭐️⭐️⭐環境⭐️⭐️⭐️⭐️服務⭐️⭐️⭐️⭐️⭐推薦星數⭐️⭐️⭐️⭐️⭐。
碼頭故事餐單提供川菜, 四川, 火鍋等推介美食位於銅鑼灣區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,AE,Apple,Pay,Google,Pay,微信支付，Booking訂位可以電話致電 25053222 查詢。
您對於銅鑼灣餐廳「碼頭故事」有何 comment？
碼頭故事餐廳詳細資料：
- 碼頭故事地址: 銅鑼灣軒尼詩道525號澳門逸園中心2樓 The Story of Wharf, 2/ F, Macau Yat Yuen Centre,525 Hennessy Road, Causeway Bay
- 碼頭故事電話: 25053222
- 碼頭故事價錢: $101-200
- 分類: 川菜, 四川, 火鍋
- 座位: 未知
- 付款: Visa,Master,AlipayHK,支付寶,現金,八達通,AE,Apple,Pay,Google,Pay,微信支付
- FB專頁: 碼頭故事 Facebook
更多碼頭故事相關資料:
香港餐廳2026推介9月