瑋鮨日本料理 銅鑼灣

瑋鮨日本料理 評價 相片

成日係銅鑼灣搵食, 呢棟大廈都係我地既favorite地點, 今晚又想試新野就試呢間... 搭lift期間停過其他幾層都full哂人, 但呢間一入去發現成間餐廳得兩檯食緊, 已經心知不妙... 燒牛舌 幾好味, 好香, 但師傅落重左鹽, 好咸, 26/F 好味d壽司set$210 食過好多間同區呢個價錢都好好食, 但呢個set真係令我失望... 又唔可以話唔好食, 但去到好似呢d正宗d非迥轉既日本餐廳都係諗住食好d, 但一d都無呢個感覺食完先上黎睇返其他食評... 唔怪得之...

1942009又到銅記食壽司, 今次試呢間, 主要因為想試的 15 及 16 樓齊齊 fully booked _", 及諗住佢係榮川 d 師傅開出來, 質素應該唔錯0卦.大家都叫了自選壽司定食 ($120):煙鴨胸沙律:沙律菜切得幼細, 夠新鮮爽脆, 配上酸酸甜甜的麻醬 dressing, 夠晒開胃; 煙鴨胸就係現成貨, 可有可無.前菜係汁煮牛舌:d 汁色水令人卻步... 牛舌呈 cubes 形, 軟熟又不失爽口, 味道幾清, 都不錯.漬物就因為大家都唔多鍾意食, 慘遭放棄.蒸蛋配料有白果, 雞肉, 蝦 etc, 質地滑溜, 味道十分清甜, 呢個好好食!我的 10 款自選壽司分別有海膽軍艦, 三文魚籽軍艦, 吞拿魚腩, 帶子, 甜蝦, 赤貝, 左口魚, 鯛, 玉子 (以上全部各一件) 及 toro 蓉卷 (2 件), 雖然件件都係至愛, 但整體印象只係一般: 壽司飯:賣相握得 ok, 食落醋香 ok, 但質地比較糊腍, 而且 size 太大了, 要塞飽客人?感覺麻麻0地. 海膽:新鮮度 ok, 食落甘而不夠甜, 可能本身品質一般? 三文魚籽:魚籽本身頗鹹鮮, 但份量多到快跌出來 , 成件放入口食, 就太鹹了. 甜蝦:呢個幾好食, 蝦肉白裡透粉紅, 爽身帶甜, 不過唔知點解其中一隻「甩尾」的? 赤貝:爽口帶甜, 新鮮度 ok, 幾好食. 帶子:呢個都算新鮮, 但奇怪點解無喱味道. 玉子:頗鬆軟, 不過較乾, 而且始終唔係「燒」玉子, 感覺爭 d. toro 蓉卷:呢個認真麻麻 賣相已幾樣衰, 食落就只有洋蔥的嗆及糊糊的口感, 早知唔 tick! toro:有點筋, 但油香十足, "aftertaste" 強烈, 好食. 左口魚及鯛都新鮮的, 不過又淪為配角. wasabi 賣相牙膏, 食味就連「牙膏貨」都不如, 完全無味道的! 仲有 on the side 的酸薑, 唔辣, 但極甜, 浸過糖漿?朋友的自選壽司就有三文魚籽軍艦, 吞拿魚腩, 三文魚, 池魚, 油甘魚, 甜蝦, 鯛, 玉子 (各一) 及 toro 蓉卷 (4 件), 賣相都唔錯, 不過佢好似唔多滿意, 除0左因為 d 飯太大, 又話「d wasabi 好『虧』」, 而且 「上次0個間 (http://www.openrice.com/restaurant/commentdetail.htm?commentid=1982539) 好食 d 喎」...仲有一碗清湯烏冬, 幾有彈性, 不過食完咁多壽司仲整碗澱粉質, 真係飽到上心口.朋友就比我更早投降, 食了兩啖就放棄了.最後的雪糕要了綠茶味 (waitress 話亦可選紅豆, 但後來佢又同隔0黎檯講有芝麻味...), 味道「奶」得很, 係「明治」牌?@_@"連加一每人約 $135, 勁飽, 雖然總覺得爭 d, 但睇著價錢算平份上, 都值笑面的.唔怪得樓上咁爆, 呢度就咁「吉」啦.希望下次食得成 15 樓或 16 樓吧.

剛過了的星期三同朋友去了依間係網上搵既日本餐廳, 我見d comments算唔錯, 所以就同朋友試下....我地點了芝麻豆腐, 賣相可以, 但唔係話味道唔好, 但豆腐有豆腐味, 芝麻有芝麻味, 並不是我們所想和特別 但d壽司唔錯, 幾新鮮燒牛舌就...這間餐廳最令我失望是.....有兩對都有四十幾歲既男女好嘈, 可能又飲大幾柸, 巴啦巴啦....有點討厭既感覺好失禮!!!未去過可以試下既, 但去過一次就沒有令我有想再去既衝動

15Feb 晚經過某某日本餐廳(於同座大廈)的慘痛經歷, 二話不說便上去瑋鰭碰碰運氣.其實我不時都會來瑋鰭吃飯, 特別係lunch, 因為比較抵食.應該一早就寫吓食評. 去到瑋鰭, 果然有位.這裡的服務態度與某某日本餐廳比較簡直係天壤之別!侍應好勤力去斟茶, 收碗碟等等.當窗邊那枱客人離開後, 經理先生仲同我講唔好意思剛才不能給我們一張比較舒適的枱, 仲問我們有無興趣轉去窗邊那張枱.食物方面, 我們三人叫了一個蔥吞拿魚腩飯定食, 一個壽司盛合, 及一些串燒.蔥吞拿魚腩飯好新鮮.當日壽司的款式好合我心水, 而且比之前一次dinner 吃的較新鮮.款式方面有好肥美的toro, 海膽, 赤貝, 三文魚等等.吃完魚生, 熟食才慢慢上枱.上次試過鰻魚年糕天婦羅, 好特別所以再encore.原來鰻魚同年糕一起炸天婦羅可以咁夾!!燒牛舌亦是我的心水之選.燒魷魚用了一些相信係七味粉的東西來煮, 味粉藏於魷魚鬍之間, 特別野味!! 其實瑋鰭的食物及服務都好好, 真係唔明點解一直都唔係咁多人去.但我一定會繼續支持!!

要想食好野，同埋ｗａｌｋ　ｉｎ有位，就一定要早入座，我呢日係１２：０１就入去，果然係一個人都無，以為執到筍野啦，點知食到未１點鐘都無人就知佢係唔夠人搶客啦～我呢日本住試新野，一個人都叫左幾多野食架。

我叫左一個三文魚親子飯套餐，鹽燒牛舌同埋２件鯛魚刺身。

點知師傅話鯛魚無返，提議我食河豚刺身半份，都好啵，我都未試過，就叫左半份啦～其實呢間ｄ野食都唔太差架，而且仲好平添，一個ｌｕｎｃｈ　ｓｅｔ＄５０都有交易，係呢一幢成幢都勁既日本餐廳黎講，佢真係平囉！亦都係呢個原因，所以一直得唔到有要求既客黎幫襯。

黎得呢幢既客，都係唔介意俾多少少而食得好ｄ架啦，佢個定位似乎錯左少少。

首先講左個餐先啦，佢ｄ三文魚就新鮮，魚子就麻麻啦，我估佢ｄ客唔多食掛！成個餐都無咩出錯，應該既味道都係到。

個鹽燒牛舌我以為係串燒得幾件，原來係一碟架，又幾抵食，而且件件都厚厚地，牛吞要厚切先好食架麻，正！最後先講佢碟河豚啦，唔知係唔係我唔識得食呢，又唔係好食到佢好鮮甜咋啵！不過食河豚就一定係薄切，仲要見到碟底既花紋先為之合格，佢地呢到都做到架！可能係無咩生意啦，佢由開張到而家午餐都係有八折優惠架，都抵食架～

瑋鮨日本料理餐單提供日本菜等推介美食位於銅鑼灣區，餐廳座位數未知人均消費約$101-200，結賬可以用Visa,Master,現金。

您對於銅鑼灣餐廳「瑋鮨日本料理」有何 comment？

瑋鮨日本料理餐廳詳細資料：

• 瑋鮨日本料理地址:
  銅鑼灣軒尼詩道525號澳門逸園中心12樓
  iSushi Japanese Restaurant, 12/ F, Continental Diamond Buildling,525 Hennessy Road, Causeway Bay
• 瑋鮨日本料理電話:  
• 瑋鮨日本料理價錢: $101-200
• 分類: 日本菜
• 座位: 未知
• 付款: Visa,Master,現金
• FB專頁: 瑋鮨日本料理 Facebook

更多瑋鮨日本料理相關資料:

• 瑋鮨日本料理分店
• Youtube
• Facebook
• Twitter
• Google