燒鬼 銅鑼灣

燒鬼 評價 相片

「燒鬼」係銅鑼灣新開主打和牛燒肉放題🥰餐廳以鬼怪為主題，牆上掛左鬼怪既畫同埋一些擺設，裝修行型格同暗黑路線，食物提供不同部位的日本A4和牛燒肉、海鮮、刺身、壽司、天婦羅等，晚市4點就有得食，每位$298加一－－－－－－前菜每位客人都有一件吞拿魚碎米通，米通本身冇味，主要靠吞拿魚味道作平衡，我認為味道較淡，不過上面加左蔥花同三文魚籽，提升鹹鮮味，米通好脆，口感唔錯☺️A4和牛拼盤客人一入席，就會免費送上一份A4和牛拼盤，集合8款不同部位的「牛鬼拼盤」🤤包括中腹肉、上小排肉、橫隔肌、上骨肉、內側腹肉、胸腹肉、腹骨肉同前胸肉，雪花平均，肉質細緻軟嫩，脂香肉濃👍🏻燒肉店舖提供三款自家製醬汁，包括蘋果柚子紅酒燒汁、辣味噌醬和蔥油醬，去提升燒肉風味，我比較鍾意紅酒燒汁，解膩一流😋除左和牛之外，仲有豚肉、雞肉、牛舌等等，有辣味、鹽味、醬油味可以揀，燒肉質素都好好，用生菜包住食唔會太油膩燒海鮮海蝦肉質彈牙🦐不過燒完之後比較痴殼，有點難脫，燒帶子都唔錯，大大隻，有意式香草味同香蒜牛油味，反而燒蠔就一般般，味道好淡，唔太鮮味壽司柚子醬油和牛壽司入口即化，和牛濃濃脂香🤤柚子醬油味道唔會蓋過和牛，必點之一👍🏻明太子醬三文魚炙燒壽司輕輕炙燒過之後，明太子醬更帶出三文魚鮮味😋刺身有三文魚、鰹魚、甜蝦、帶子、北寄貝同榮螺片山葵漬，三文魚厚切肥美，甜蝦大大隻，幾鮮甜，帶子新鮮彈牙，而榮螺片山葵漬就比較少見，係用左新鮮山葵製成的醬汁去醃，所以食到有淡淡山葵味之外，仲有榮螺鮮甜，配酒食一流🍺而鰹魚有點腥，我就唔太喜歡🙈天婦羅天婦羅炸得夠乾身脆口，口感酥脆，炸粉唔厚，蝦肉食落鮮甜彈牙🍤明太子雞翼味道亦唔錯，餡料填滿，有點微辣，幾惹味，仲有一口吉列牛、芝士年糕、蟹棒天婦羅等等最後仲有一杯芒果雪糕做完結，整體燒肉質素都好高☺️同埋服務真係唔錯，推介食物同埋好主動serve客人👍🏻

今日拍拖拍到嚟銅鑼灣，上網見到呢間新開嘅燒肉放題，環境好似幾有型咁，價錢又好似幾抵$300唔使一個人任食，一於上嚟試吓先。

上到嚟佢個環境有幾過癮，全部都係日本惡鬼嘅壁畫同埋門簾，真心有型。

同埋佢呢度啲職員全部都好有禮貌，個個都好有笑容，唔該前唔該後。

前菜我哋揀咗個枝豆，佢呢個知道想來嘅時候熱辣辣，啱啱烚好，仲加咗少少鹽吊味。

另外仲有個泡菜豆腐同埋海蜇，佢個泡菜真係幾好食，唔會真係好辣但係好夠味。

然後佢呢度有一個吞拿魚他他，我覺得幾好食，佢個底係用咗炸米，脆卜卜，幾特別。

刺身方面我哋揀咗三文魚，三文魚腩，甜蝦，帶子，螺片同埋漬鰹魚。

佢啲種類都幾多㗎，不過因為我哋想試多啲嘢，所以冇試晒所有刺身。

然後壽司我哋試咗佢個火炙三文魚同埋和牛壽司，和牛壽司嘅味道比較突出，不愧為食牛嘅專門店。

嚟到重點燒牛肉嘅部份，我哋試咗個A4和牛拼盤，佢有好多個唔同部位嘅牛肉俾我哋試。

例如有啲油脂部份比較多嘅，燒嘅時候要小心啲，因為好搶火。

而佢呢啲由此部份比較多嘅部份口感比較軟，入口即溶。

而油脂比較少既胸腹肉，肉質比較煙韌，牛味非常濃郁，每一個部位都各有特點，可以一次過試晒，真係非常之難得。

另外我哋仲試咗個燒扇貝，佢啲扇貝都算大隻，落咗牛油同埋蒜蓉調味，味道真係不錯。

我哋仲叫咗個海蝦，佢啲蝦又大隻又彈牙，燒完啲彀仲特別香口添。

食完晒咁多嘢，見到原來佢仲有茶漬飯。

佢個茶漬飯入邊仲有三文魚粒，個味道都啱啱好，幾好食㗎。

好耐無食放題，見呢間新開主打和牛燒肉既放題好似唔錯，就趁游完龍舟水食端午節飯我地17:30入坐係第一輪時段，先以泡菜豆腐開開胃，和食又點少得枝豆。

加點了任飲果汁，先一人一杯紅莓汁、菠蘿汁。

兩者酸酸甜甜比較開胃。

刺身有榮螺片山葵漬，味道鮮美。

大大隻甘甜甜蝦、帶子，仲有放題罕見既鰹魚因為唔想食咁多飯，所以壽司只係略點數款，火炙三文魚腩壽司，用火槍燒過表面油脂香滑。

另外柚子醬油和牛夀司亦係必點之物。

燒肉前先將牛脂肪滋潤一下格仔網~ 和牛拼盤 一次過試晒8款部位，特別鍾意上肩肉，肉質柔軟細膩；內側腹肉，油脂豐厚；胸腹肉，油花細緻，海鮮方面都唔輸蝕香蒜牛油帆立貝，新鮮半殻燒，蒜蓉牛油加埋本身既海水鮮味，簡直要一點再點！意式香草醬廣島蠔，以錫紙兜裝住直接放上火燒，香草牛油嘅香味令廣島蠔嘅鮮味更突出！牛油雜菌同樣用錫紙兜加牛油燒，非常惹味！ 三文魚茶漬飯 抹茶鰹魚湯混入米飯中，非常配合，亦可暖胃解油膩感～最後點少得甜品

銅鑼灣The L. Square一向食肆多多，最近再添一員，是主打日式燒肉的「燒鬼」，餐廳注入了日本鬼怪元素。

驚？當然不啦，就讓我這隻餓鬼來消滅眾鬼吧！餐廳晚上推出「A4和牛燒肉套餐」，刺身、燒肉任食，還包一份「牛鬼拼盤」，好抵呀！一、前菜豆腐鬼 (泡菜豆腐)是咁的，這個$298起任食套餐，除了和牛之外，其他都是任點任食的，我就先由前菜介紹。

餐廳除裝修以外，連部分食物都會配合日本鬼怪主題，像前菜這味「豆腐鬼」就是了，它是傳說中經常請人吃紅葉豆腐的妖怪，吃了這豆腐會使人全身長滿黴菌云云，聽完是否有點驚驚的呢？Sorry呀沒有，請給我三客！二、刺身 帶子、甜蝦、鰹魚、三文魚榮螺鬼 (榮螺片山葵漬)刺身任吃絕對是重點吧！這裡的選擇一點也不差，有魚生、帶子、甜蝦等等，不過我本身更愛吃螺，所以更愛榮螺鬼，螺片很爽甜，配以山葵漬辣辣的，相當清新。

三、壽司和牛壽司、帶子炙燒壽司想飽肚一些？別忘記可以任吃壽司啊，和牛和帶子都好吃，大胃王ready？四、肉食但說到今天重中之重，一定是烤肉吧，除和牛之外，其他肉食都是任吃的。

牛鬼拼盤 (每人一份)牛鬼拼盤共有八款和牛，包括：前胸肉、胸腹肉、上小排肉、橫隔肌、腹脅、中腹肉、內側腹肉、上肩肉，油花充足，肯定滿足你想食肉的食慾！想添加的話，每份$98。

熊本F1肉眼或西冷 (加$100)想試試其他日本靚和牛，也可以加$100來一客熊本F1肉眼或西冷，肉味更香濃。

五、蔬菜牛油雜菌＋迷你番薯六、飯三文魚茶漬飯七、甜品和菓子其他如蔬菜、茶漬飯、和菓子我就不詳談了，因為吃完以上種種，你應該已吃不下多少這些，飽到反了艇啦，哈哈！<A4和牛燒肉套餐> 內容：每人一份「牛鬼拼盤」，無限量享用餐牌中其他美國牛肉、豬肉、雞肉、海鮮和蔬菜燒烤，以及一系列日式美食；可另加100元享用一份熊本F1肉眼或西冷扒 價錢：成人$298起，小童7折，詳見下表

呢間燒肉放題 除咗肉肉可以無限任叫 仲有海鮮/刺身/壽司/小食等等 另外每位仲包1杯飲品 可以加錢任飲又得一開始會送一份A4和牛拼盤比我地燒住先 分別有4個部位 本身鐘意食和牛所以都有所期待 嗯…油脂部分好充足 肉質都嫩 不過唔夠香同肉味不濃 所以我地無加$98任食和牛反而本身喺all you can eat menu內嘅牛 我同朋友都覺得仲好味 前後淨係牛都order咗3轉😂另外其他食物質素都好ok 特別係佢嘅壽司 尤其是柚子醬油和牛壽司同明太子醬炙燒帶子壽係必叫嘅👍🏻最後特別一提 店員嘅服務態度都相當之好

燒鬼餐單提供日本菜, 日式放題等推介美食位於銅鑼灣區，餐廳座位數48人均消費約$201-400，結賬可以用Visa,Master,AlipayHK,現金,AE,銀聯，Booking訂位可以電話致電 28560226 查詢。

您對於銅鑼灣餐廳「燒鬼」有何 comment？

燒鬼餐廳詳細資料：

• 燒鬼地址:
  銅鑼灣駱克道459-461號TheL.Square9樓
  Yaki Oni, 9/ F, The L. Square,459-461 Lockhart Road, Causeway Bay
• 燒鬼電話: 28560226
• 燒鬼價錢: $201-400
• 分類: 日本菜, 日式放題
• 座位: 48
• 付款: Visa,Master,AlipayHK,現金,AE,銀聯
• FB專頁: 燒鬼 Facebook

更多燒鬼相關資料:

• 燒鬼分店
• Youtube
• Facebook
• Twitter
• Google