滷友記 銅鑼灣

滷友記 評價 相片

🎏 港島吃貨系列— 滷友記✨ 有啲驚喜嘅新開張銅鑼灣小店🤭#90cp銅鑼灣篇 #90cp台灣篇➖➖➖➖➖銅鑼灣不嬲都多嘢食㗎啦早排食完via tokyo 路經見到呢一間新開嘅小店主打食滷味同埋滷水湯底嘅嘢食😙價錢亦都好親民所以就忍唔住試吓佢咩料🤭美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ 台式酥炸雞扒飯 $54講到台灣嘢絕對唔少得酥炸雞扒🐓 醬汁方面我就叫咗瑞士汁真係果然無揀錯🤤首先佢嘅雞扒都算嫩雖然個皮唔算勁脆但係個瑞士汁已經蓋過左呢一點🤤🙌🏻個汁甜甜地送飯食真係一流而且個雞扒其實本身都唔錯呢個咁嘅配搭絕對係男人最愛😏✨ 招牌大滷面 $54講到明佢出名食滷水嘢咁當然要試吓佢嘅滷水湯麵啦🤣配料嘅種類都算多有四五粒魚蛋仔兩塊牛展仲有豆腐同埋蘿蔔😆湯底冇想像中咁鹹都OK最正嘅唔使講一定係蘿蔔🥰sok晒啲汁勁入味真係冇得輸!! 至於牛展作為主菜嚟講其實都唔錯肉質都算林如果佢可以再厚一啲咁就仲正😙🔸 鹽炸墨魚丸 $24相比起主菜嘅話可能佢會比較失色🙈佢嘅魚蛋口感唔算好彈牙而且個人覺得椒鹽可以再多少少會更好🤔不過咁嘅價錢來講性價比都算好高!!🔸 芝麻汁雞絲粉皮 $47佢嘅份量都比想像中大🥰 雞絲粉皮嚟講佢算中規中矩唯一嘅感覺係雞絲同青瓜有啲太多🤣💰Total: $179✅ 食咗咁多嘢都唔使$200🤑講真喺銅鑼灣呢個地段嚟講性價比佢真係贏曬😌重點係佢嘅主菜都唔錯真係冇得輸!!➖➖➖➖➖📍 滷友記 (銅鑼灣)銅鑼灣加路連山道5號地舖

銅鑼灣平價高質小店😋呢間小店喺荃灣都有返咁上下知名度知道佢銅鑼灣開新店就即刻沖去食🤤店名叫滷友記 顯而易見就係食滷水嘢食完佢碗面之後真係覺得滷味超好食強烈要求要出滷水拼盤🥲.🎈牛筋腩麻辣撈面 ($57)呢款撈麵可以選擇米粉 幼麵 粗麵 同撈面賣相好好 一碗簡單既撈麵都搵木盤去裝😋仲會另上一碗滷水汁 已經感覺到出品有誠意茶記價錢 超優質出品🤤🤤🤤👉牛筋腩 超級軟淋入味💯 牛肉既部分唔會太柴 而牛筋就剛好煮到入口即溶 直頭想單點多一份 之後發現Menu冇🥲🥲👉滷水汁幾有層次👍 食到花椒八角味 由於係台式既關係 味道就係偏甜既👉手造爽脆米粉米粉係手工做 型狀彎彎曲曲咁 而且米粉較幼身 超級掛汁👉麻辣汁一上碟就已經聞到好香嘅麻辣味唔會太辣但麻味十足 一流食路流口水🤤.🎈滷水豆腐 ($27)比起一般嘅港式豆腐硬身少少密度高啲更加容易入味 滷水汁有好重嘅八角味 加埋少少芝麻非常之香口 而且仲有十舊八舊性價比非常高🤤👍.🎈芝麻雞絲粉皮 ($47)雞絲粉皮可以選擇麻辣汁或者芝麻汁😋由於麵已經選擇左麻辣汁 粉皮就試吓芝麻汁首先份量已經非常有誠意 大大份幾乎有一個麵咁多👍超多芝麻同花生碎 增加左成個粉皮嘅層次感 粉皮本來就係冇乜味嘅 所以醬汁尤其重要呢個麻醬份量好多 唔會食食吓唔夠醬🤤麻醬味道係偏酸嘅 係一個幾開胃嘅冷盤.🎈蘋果雪梨雪耳汁 ($24; 跟餐+$12)見到佢Menu話係自家製產品就好想試吓果然係有驚喜嘅💯👏杯入邊有好多果肉 一路飲一路會食到啲蘋果雪梨雪耳肉感覺係好清爽好啱夏天飲🌞.🎈凍奶茶 ($22)本來係因為口渴所以最後散叫加多咗杯嘢飲衰鬼又幾好飲喎😂😂😂茶底有茶味亦都飲到有奶香 比起好多茶餐廳都好飲.🎈總括而言銅鑼灣如果想平平哋食個飯呢度真係一個好選擇食過每樣嘢都好高質 係用心出品嘅小店趁而家新開仲未係好多人就好快啲去食🥲目測會火 🔥 (重要嘢講多次 強烈要求推出滷水拼盤太好食了)

今日午餐同朋友嚟咗試業中嘅滷友記，佢哋主打滷水車仔麵，佢哋除咗滷水湯底仲有其他湯底譬如麻辣湯底蕃茄湯底等等。

至於車仔麵餸佢哋都有好多選擇，都係有一啲set好咗嘅餐俾你揀，就好似我今次嗌嘅招牌大滷麵咁樣，只要自己揀湯底同埋面底就可以。

朋友就叫咗一個牛筋腩麻辣撈麵😋我哋再加咗個酥炸雞扒同埋跟餐要杯檸檬薏米水👍🏻👍🏻招牌大滷麵 $54包左金錢𦟌、陳皮魚蛋、豆腐、蘿蔔，我自己食車仔麵就最鍾意食蘿蔔，而且見佢出名係滷水湯底所以覺得加埋金錢展同埋豆腐都幾好味😋而且佢一個餐咁樣叫又多餸又抵食😚如果想自己揀餸佢都有好多選擇㗎！咁我就揀咗滷水湯底配手做爽脆米粉，個米粉好入味，而且真係好爽脆好有咬口，就算擺左一陣都唔會朔晒啲湯變到好林。

佢哋嘅金錢展都好入味朔左啲滷水汁😙滷水豆腐都梗係好味，陳皮魚蛋就比到surprise，非常有咬口彈牙，魚蛋係細細粒嘅加上佢係陳皮醃過有淡淡陳皮味。

牛筋腩麻辣撈麵 $57朋友叫嘅牛筋腩麻辣撈麵，佢都可以俾你自己揀面底，朋友就揀咗撈粗麵，我都覺得撈麵要食粗麵先夠開心😃佢嘅滷水汁係另外想嘅你鍾意加幾多就自己加落去！佢牛筋腩嘅份量都多，而且咬落去好有骨膠原🤤我都忍唔住食咗兩舊🤫佢麻辣撈麵食完之後會比較麻，如果覺得唔夠辣佢哋枱面都仲有兩款辣椒醬俾你選擇，一隻就係普通辣椒油一隻就係蒜蓉辣椒🌶️我自己就鍾意食蒜蓉嗰隻多啲，有少少酸酸甜甜但係食落都辣的，幾開胃下！酥炸雞扒 $28我哋見到佢小息主要有滷水同埋酥炸，見我哋嗌左兩個滷水面所以就試吓佢嘅酥炸雞扒，佢嘅酥炸雞扒外貌都非常吸引揸得非常香脆，係金黃色嘅脆皮底下雞扒肉質都依然嫩滑，好鍾意食，放耐左冇咁脆我就點少少滷水汁食都幾好味😋鮮檸檬薏米水 $12 (跟餐價)檸檬薏米水都非常有誠意，有半杯都係薏米，如果鍾意飲檸檬薏米水嘅朋友就非常推介要叫杯嘢飲！食過之後覺得係滷水車仔麵都幾好食，想遲啲都再試吓其他餸，之後發現原來荃灣都有分店，如果想試嘅朋友又唔係港島附近都可以去荃灣試吓😚

#銅鑼灣見到呢間新開嘅滷味，店面店內都唔錯，非常企理，同平時嘅滷味店唔同～第一次嚟港島區食滷味，都有啲期待。

第一次食嘅我表示睇餐牌有好多疑問，又唔知招牌大滷麵有咩餸，又唔知三寶麵有啲咩餸😆兩個都要問店員，如果餐牌寫埋就好了😛滷友三寶麵 $57滷友三寶有金錢肚、滷牛𦟌同牛筋，我個人覺得都ok，值得一讚係金錢肚切成幼條，好易咬唔會好好韌，牛筋同牛𦟌都好入味，叫咗清爽米粉都有驚喜，平時食米粉好易覺得好乾身，或者煮得唔夠好硬，呢種粉爽口之餘都索到湯味😛唔會覺得成啖粉乾噌噌👯‍♀️五拼麵 $62（陳皮魚蛋、豆腐、豬肚、雞翼、金錢肚）好貪心叫咗個五拼麵，上海幼麵軟硬度預得幾好，特別有深印象係個陳皮魚蛋估唔到幾好食﹗好香陳皮味但唔會苦，陳皮同魚蛋超夾，食咗人哋幾粒🤣雞翼啲肉就偏實正，如果滷得淋啲會再開心啲～雞絲粉皮 $42味道正正常常，雞肉偏實，份量幾多，但可以改善係個碟如果係大啲就好😂😂😂因為我哋夾到有少少狼狽因為都裝好滿，碟啱啱好，但涼皮又滑嘟嘟咁，係咁跌落枱🥲如果呢個設計可以換大少少嘅碟就好好了🤣推薦：🌕🌕🌕🌖🌑性價比：🌕🌕🌕🌗🌑

呢間主打滷水牛腩麵同小食嘅滷友記係荃灣本身都幾受歡迎，而家開到嚟銅鑼灣，有唔少滷水牛腩麵嘅選擇，仲有好多款滷水小食、炸物同飯類，價錢都幾相宜，呢日我就自己嚟試下佢嘅招牌先。

牛筋腩麻辣撈麵拌麵好大碗，牛筋腩份量都足夠，側邊仲有碗滷水汁可以夾埋食。

拌麵底下有唔少麻辣醬汁，撈勻一齊食，見到醬汁有唔少辣椒籽，麻香十足，同辣味好平衡，係我鍾意嘅辣味🌶辣度唔算好高，有刺激感得嚟又食得舒服。

麵條揀咗粗麵，軟硬度剛好，唔會腍。

牛筋腩應該預先用滷水煮過，腍得嚟又入味。

側邊個滷水汁係呢度招牌，一定要倒啲落去食，有好香藥材味😋😋滷水大雞髀簡直係King size嘅雞髀，真係大得好誇張，唔止size大仲超級超級厚肉，啖啖肉啱晒食肉獸。

雞肉肉質可以再滑啲，不過都幾入味。

上湯浸蘿蔔簡簡單單嘅蘿蔔都幾有驚喜，呢度份量只有半份但都有好多舊，如果叫全份真係要多啲人share 🤣🤣蘿蔔全部都好甜，無渣，咬落仲咇出湯汁，湯汁本身味道好所以整體都幾好食。

人均消費：$80推介指數（10分為滿分）：8分

滷友記餐單提供港式, 台灣菜, 車仔麵, 酒, 粉麵, 米線等推介美食位於銅鑼灣區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 55404057 查詢。

您對於銅鑼灣餐廳「滷友記」有何 comment？

滷友記餐廳詳細資料：

• 滷友記地址:
  銅鑼灣加路連山道5號地舖
  loyaukee, G/ F,5 Caroline Hill Road, Causeway Bay
• 滷友記電話: 55404057
• 滷友記價錢: $51-100
• 分類: 港式, 台灣菜, 車仔麵, 酒, 粉麵, 米線
• 座位: 未知
• 付款: AlipayHK,支付寶,現金,八達通
• FB專頁: 滷友記 Facebook

更多滷友記相關資料:

• 滷友記分店
• Youtube
• Facebook
• Twitter
• Google