淳壽司 銅鑼灣

淳壽司 評價 相片

不知何解，月前行過這裡，又想食幾碟壽司，見人少少又唔使排隊，就來試一試。

接近十時，自然位是任坐，就坐在履帶旁吧！看壽司轉了一圈，似乎也轉了好一段時間的，不太對辦，就拿了餐牌來另叫。

火灸帆立貝壽司做得幾對辦，帶子僅熟，鮮甜嫩滑，燒上甜美的燒汁，味道很不錯；軟殼蟹壽司凍凍的，已經沒有什麼食趣，明明見履帶上是沒有這一碟的，在那裡拿來的呢？大膽地要了一客蟹腳壽司，蟹肉還要是刺身來的。

吃起來鮮甜，但帶點點腥味，始終是遠離原產地，不能苛求，也不應在香港隨便吃這味。

侍應服務相當不錯，交帶想外賣幾碟壽司，立即執好成份有醬油有芥末的「外帶套裝」來，相當企理，值得一讚。

埋單一百一十幾，不用排隊的話，來吃幾件壽司，也無不可。

我都去左45次淳壽司,食品唔錯啦, 真係OK ,壽司好多款好大塊, 重做緊promote, 我兩個人食左12客sushi, 埋單$200唔好比d惡意中傷你間店嘅對手

跑馬地口禮頓道一連有三間日本菜，有次同朋友行過諗食邊間好，其中一個點名話唔食一壽司，而我又覺得鈴木嘅嘢食一般，所以最後扑鎚食依間。

以壽司嚟講依間都做得不過不失，大路嘅款式都一應俱全，比較另類嘅例如秋刀魚、胺康魚肝、蝦仔等通常都麻麻地好食。

朋友們鍾意食蟹腳柳同牛油果，而我個人就比較喜歡火炙系列。

佢哋個蒸蛋都唔錯，魚生飯同其他小食就份量細咗啲，整體嚟講算平均。

環境方面，其實裝修算唔錯，地方都算寛敞，但客人好似普遍比較喜歡坐order枱多過廻轉枱，可能因為師傅嘅態度比較散漫所致。

唔知係咪附近多樹木，店內不時有小蟲低飛徘徊，依方面店方要努力改善下。

其實各方面依間餐廳都算過得去，但生意就明顯比鄰近兩間對手差，我相信主因係服務方面。

侍應嘅態度雖然唔算差，但就總係心不在焉，漏單追單等情況頗為常見，試過有一次同朋友幫襯叫佢哋俾杯熱水，三番四次提醒都係俾唔到我哋。

而且侍應嘅訓練明顯不足，俾客人睇見個個好似心神恍惚會好影響店鋪嘅形象。

依間壽司鋪開張初期送俾每個客人一個冲繩鎖匙扣，俾人嘅印象都唔錯，但要保持住服務質素先至可以令客人再嚟幫襯，依方面佢哋就要加把勁，否則強敵環伺好快就會俾人淘汰。

抱住試新野的心態, 七點半來到, 大把位任我地揀. 因無乜人, 所以揀左迥轉位, 隔離位仲可以用來放手袋添. 點了蟹棒, 玉子, 淳蝦, 帶子, 油金魚, 費城壽司(係卷物, 內有三文魚, 有少少芝士醬....味道有點怪....因未試過, 所以試下). 另外點了劍魚刺身, 炸雞軟骨, 蝦天婦羅.叫了一支李白清酒, 店員拿錯了一杯, 我們通知店員是叫一支的.各款壽司沒有特別, 刺身算是新鮮, 雞軟骨不夠味, 蝦天婦羅都是一般.坐位舒適, 食物普通, 店員服務一般, 有時要叫他們才會添茶. 可是店內無論是負責做壽司的師傅或是點菜的店員, 全都欠缺笑容, 難怪在銅鑼灣晚餐時都不坐滿了.

午餐想食少少野,一個人既選擇第一時間又係壽司,望對面馬路,左邊係一壽司,右邊係淳壽司,左揀右揀,淳壽司!食既包括一客三文魚子海膽軍艦,一客吞拿魚壽司,一客玻璃蝦,一客三文魚,仲有係油甘魚!味道幾好,材料新鮮,不過芥辣一d都唔辣,而且枱面應該供應酸薑,因為價錢唔平,食五碟壽司一百蚊都唔夠俾!下次要試吓一壽司!

淳壽司餐單提供日本菜, 壽司, 刺身, 日式西餐等推介美食位於銅鑼灣區，餐廳座位數未知人均消費約$101-200，結賬可以用現金。

您對於銅鑼灣餐廳「淳壽司」有何 comment？

淳壽司餐廳詳細資料：

• 淳壽司地址:
  銅鑼灣禮頓道33號地下
  Jun Sushi, G/ F,33 Leighton Road,, Causeway Bay
• 淳壽司電話:  
• 淳壽司價錢: $101-200
• 分類: 日本菜, 壽司, 刺身, 日式西餐
• 座位: 未知
• 付款: 現金
• FB專頁: 淳壽司 Facebook

更多淳壽司相關資料:

• 淳壽司分店
• Youtube
• Facebook
• Twitter
• Google