新時代美食 銅鑼灣

新時代美食 評價 相片

係附近搵d小食，成日見到呢個小食店但從來未試過，雞蛋仔格仔餅呢d諗住無乜難度，點整都應該唔會難食，於是試下個格仔餅，係度等緊既時候，另一個阿姐（帶鄉音）賣左一個雞蛋仔，佢就咁數錢（幾百蚊）俾返個客，重點就黎啦➡️➡️➡️佢數完錢都無消毒返雙手亦都無戴手套就咁係我個格仔餅上游走😣都算啦，趕時間又肚餓，隔左5分鐘坐低之後食，又乾又薄又鞋，我好後悔當時唔出聲就咁嘥左$20，買左件垃圾，食左兩啖頂唔順，呢間以後唔再幫襯😵😵😵

差不多每年都到銅鑼灣看花展。

因我很喜歡看花，所以差不多每年必到，長洲的樱花我也千里條條的去看了三次。

今日先行吓街，再去看花展。

我一般行街，都會與一般人一样，買㸃小食。

咖哩魚旦，烧買，牛雜，烧雞翼，炸大腸等。

今日買了串雞腎，$12。

上面有甜醬及有芥辣，甜醬覺得ok，芥辣就沒有芥辣味食及感覺不到辣味。

至於主角雞腎，似雪雞腎沒有雞腎的味道。

一般在红磡及旺角都是$8 及$10，覺得此間新時代美食價錢偏貴，食物一般。

咁岩收工趕住去做 gym，上堂時間就到但又未食野出地鐵去 gym 途經只此一家小食店，就試下先!叫咗個燒賣併魚蛋 $20首先，燒賣落咖哩已經好騎哩，仲要係 without my consent 果隻算數，當你環保，總好過放落去果碟銅鑼灣街邊塵埃豉油度既 但你果幾粒燒賣點解可以咁淋，口感係似綿花糖拿，老老實實，喜歡食 燒賣味綿花糖 既食家可以試下，因為唔係好多地方可以試倒呢個 combination ...你唔講幾耐既話，我估佢煮咗幾粒鐘 overcooked x 100000魚蛋就冇乜點，咖哩汁辣味幾夠，還可以 條珍寶腸係就係幾珍寶，但係太過熱氣喇佢唔係一般人地果隻烤珍寶腸而係炸腸大佬你如果係炸既你可以講聲，我都可以諗諗叫唔叫情況有 d 似我叫牛坑腩飯，但變左酥炸牛坑腩飯?亦或者係去老麥叫薯條，佢俾白勺薯仔你?on the bright side, 佢係幾有創意既The result: 口感十分差，皮不脆但炸到硬晒腸心好彩未受波及，仍然係正常熱辣文ey for valueness: 5/10再見

吃完麵，回公司前經過時代廣場。

羅素街、霎東街、勿地臣街同波斯富街一帶，據說是全球最貴租金的地方，而就在這一個地方，卻有一間非常本地化的店舖，雖然易過了幾次手，魚蛋，果汁，炸物小食，始終都離不開這一個位的主題。

可是，食左碗麵，飽飽的，魚蛋小食就免了，天氣大熱，令我喜歡的及而是這兒的果汁，而心中想清甜一下就叫阿姐整返杯蔗汁黎。

不太想一開始給小店的第一篇食評就是劣評，而且因為咁而試過幾次被店主留言示意不友善.....不過，差就是差，一定要說出來。

目的，只是希望店方繼續努力而已。

蔗汁，應該是又香又甜的清涼飲品，尤其是鮮榨的蔗汁，其充滿糖份的蔗水，更是甜美得非常。

$13一杯，說貴不貴，不過在未計overhead的前題下，呢一個mark up，其實非常之大，所以，小食店往往都能夠抵受得住天價的租金。

而且，在這樣的一條人多車多遊客多的地方，有香港特式小食就是吸引，有水魚就是生意的源頭，好食，不好食，完全是次要，店主同業主愛的，就是錢。

此蔗汁，不是即叫即隊條蔗落去榨出來的鮮蔗汁，亦不是預先用樽裝起，插入冰內的冰凍版蔗汁。

而是有人要時，才係榨蔗汁機開喉碪出來的不知年日蔗汁，不過，我依然相信是即日榨的，因為若是過夜的蔗汁，味道一定更難飲，而且我好大機會會肚痛。

如title，這一杯蔗汁帶了一種不尋常的酸味，酸mei mei的，完全不似一杯正常的蔗汁，有點覺得此蔗汁是開始變壞的那種狀態。

幸好，的確是幸好，事後沒有肚痛。

不會再來買同樣的東西.....

新時代美食餐單提供港式, 台式飲品, 小食店等推介美食位於銅鑼灣區，餐廳座位數未知人均消費約$50以下，結賬可以用現金，Booking訂位可以電話致電 25043386 查詢。

您對於銅鑼灣餐廳「新時代美食」有何 comment？

新時代美食餐廳詳細資料：

• 新時代美食地址:
  銅鑼灣波斯富街77H號
  新時代美食, 77 H Percival Street, Causeway Bay
• 新時代美食電話: 25043386
• 新時代美食價錢: $50以下
• 分類: 港式, 台式飲品, 小食店
• 座位: 未知
• 付款: 現金
• FB專頁: 新時代美食 Facebook

更多新時代美食相關資料:

• 新時代美食分店
• Youtube
• Facebook
• Twitter
• Google