大樹先生的家X花斑茶社 銅鑼灣
地址: 銅鑼灣告士打道311號皇室堡15樓1501-1505號舖
最後更新:
大樹先生的家X花斑茶社推介
來自台灣的特色親子餐廳，設有小型波波池、繩網、玩水區和Stem區等遊樂設施。
銅鑼灣大樹先生的家X花斑茶社
| 餐廳分店 | 大樹先生的家X花斑茶社 |
|---|---|
| 地區 | 銅鑼灣 |
| 電話訂位 | 36190633 |
| 餐單 Menu | 西式, 親子餐廳 |
| 人氣指數 | 1021 |
| 價錢幾錢 | $101-200 |
大樹先生的家X花斑茶社訂位位於銅鑼灣區，詳細地址是銅鑼灣告士打道311號皇室堡15樓1501-1505號舖，餐廳寬敞座位數目共有未知幾多個。大樹先生的家X花斑茶社幾錢？價錢優惠後人均消費大約$101-200埋單，早餐午餐晚餐大樹先生的家X花斑茶社餐單包括有西式, 親子餐廳等美食，付款方式有現金付款，Booking網上訂位可以電話致電 36190633 查詢訂座。
大樹先生的家X花斑茶社優惠
大樹先生的家X花斑茶社 評價 相片
最近係銅鑼灣皇室堡於指定商店購物滿HK$300就可以換到價值HK$300既大樹先生的家的coupon。
由於咁岩有嘢買，買完就换coupon上去用膳。
間餐廳係以小朋友為主題，裡面除了可以俾家長和小朋友係度用膳，仲有好多遊樂設施供小朋友們一齊玩耍。
因最近受疫情影嚮，店內都十分冷清，一枱客都無。
我們一入到門口，首先就要留電話姓名和量度體溫。
我地成為左個場唯一1枱客，等於包場。
兩個人一共叫了２個下午茶套餐：１. 主廚嫩煮雞肉卷配四色糙米飯以健康為賣點， 四色飯以紅蘿卜絲，蛋絲，菠菜和白飯混合。
而雞肉卷裡面包住筍和紅蘿蔔，雞肉比較諧，整體味道都係偏淡。
但由於此餐廳係以小朋友為賣點， 所以整體味道偏淡是正常。
重視健康的人士也值得一試，隨餐更配了日式麵鼓湯和水果醋。
２. 螃蟹寶寶配照燒雞扒飯賣相一流，很萌很可愛的螃蟹寶寶，大人小朋友見到都一定十分喜愛。
飯底係蛋絲炒飯，但沒有鍋氣，不油膩，味道比較清淡。
而照燒雞扒就十分入味， 照燒汁相對比較甜。
隨餐配了水果和紅菜頭湯。
紅菜頭湯十分濃味， 很好飲。
係呢度用膳真係要俾D耐性，不知道是否菜式是用慢熟的方式，2個餐由落單開始計都要等大約半個小時才上菜。
希望疫情快D過去，等小朋友可以有一個玩樂兼用膳既好地方。
撐住呀！
一直都有留意大樹先生之家這家親子餐廳以為食物出品都有保証(畢竟食物都係為小孩而設吧)點知不似預期，所以不吐不快呀！大樹先生之家，地址在皇室堡15樓，地段容易尋找上到門口環境乾淨，入場前還要量體溫，用酒精消毒雙手撞正星期五以為多人，點知都係得十多個小朋友小朋友招牌菜；螃蟹寶寶配照燒雞扒螃蟹造型吸引蟹身用炒飯；蟹腳用蟹柳；味道OK清淡的但雞扒一定要講一講食落已經唔似雞扒了好乾，D照燒汁入晒落雞肉入面咬落有D似廣式蠟肉咁，而且味道都好奇怪好差好差下午時段1：40就LASTOTHER小朋友可以玩到3：00
契女第一次過生日，好姊妹媽媽想自家人輕鬆開開心心食一餐，佢揀左大樹先生的家，話呢度有個好岩小朋友玩既波波池，有得玩水既區域等。
作為第一次黎親子餐廳既我真係感到大開眼界，粉紅色既波波池非常靚，有幸陪契女落場玩左陣，連我呢個大人都覺得好夢幻。
店員係衛生方面做得好好，無論係環境既整潔同乾淨度，或者係客人衛生既把關都做得好好(例如入波波池一定要消毒雙手同除鞋等)，值得一讚。
店員亦充滿笑容，不時看見他們和小朋友聊聊天。
日式芝士味炸丸芝士味濃，香脆可口。
照燒嫩牛柳粒佐新鮮雜菌牛柳夠嫩，加埋照燒汁有一種食放題時食既牛肉粒感覺。
忌廉蟹肉炸薯餅好好食，熱辣辣既薯餅一咬落去有大量忌廉流出黎。
不過唔太覺到食到蟹味。
煙三文魚忌廉汁意大利粉有點乾，如果多d汁就更好，味道可以。
黃咖喱忌廉汁配意大利飯配扒海鮮第一次食黃咖喱意大利，雖然咖喱唔濃，但覺得適量既咖喱味配忌廉反而岩岩好，不會搶/蓋左忌廉的味道。
頂級白松露野菌忌廉汁意大利飯松露味好香，呢個配搭一般好難唔好食。
整體食物不俗，同小朋友去玩係一個不錯的選擇和地方，可惜有分時段變相限時，可以係時間上更自由會開心點。
呢到係小朋友天堂又適合返大人既口味既餐廳🙂今次就試下牛柳先😋慢煮特級牛柳伴鵝肝配黑松露醬$287升級埋套餐+$58有沙律，湯同熱飲😋牛柳表面再煎一煎香，裡面好軟淋而且有肉味，如果生啲會更好食😋😋鵝肝好肥美，一放入口就爆油😆慢煮特級牛柳伴大磨菇配燒肉$258朋友既牛柳更軟淋🤭🤭可能因為生少少，唔錯😋👍🏻本身調味都好足夠，點唔點醬汁都已經好好食，點左黑松露醬香氣提升😆整體食物有質素，又可以帶小朋去玩之餘自己仲可以食餐好，都係一個家庭樂既好地方🙂🙂
小朋友總係有無限的精力 假日必定要帶佢地外出去放放電👦🏻🧒🏻天氣太熱又怕曬 親子餐廳係最好不過嘅選擇親子餐廳地方大😎而且乾淨企理 入場前要先量體溫 確保小朋友同大人都係健康既 餐廳做得好細心啊🥰.Meun食物選擇好多 未睇到最後就已經俾佢既健康套餐吸引住🤭A係主菜 B就揀飯或者麵 如果想升級加埋c仲有健康嘢飲添A分別揀咗 ✨低溫特製手撕雞肉 $198新鮮雞肉低溫浸熟 再放入冰水裏面冰鎮加入少少椒鹽同麻油味道多汁之餘口感鮮嫩😚 食起嚟層次感都多少少.另外朋友選擇主菜係 ✨脆烤嚴選豬頸肉 $198豬頸肉以泰式手法醃製 烤過後肉質嫩中帶脆😳有彈性得來唔會癡口 而且味道甜甜地 好開胃😆B大家分別揀咗 四色糙米飯🍚 小朋友見到都好開胃糙米飯特別健康 有助腸度蠕動😏而且加咗蔬菜🥬蛋絲、蘿蔔絲 營養豐富得嚟 味道唔會太單一另外揀咗蕎麥冷麵 我比較喜歡食蕎麥冷麵😍蕎麥低脂冇負擔 今日冷麵湯底涼浸浸嘅感覺 好啱夏天食 而呢兩款嘅配搭都會配日式麵豉湯同埋水果醋.另外加C $38 加配紫薯鮮奶真心有驚喜 紫薯鮮奶超濃郁紫薯味 並唔係坊間茶飲店嘅死甜 係真正紫薯🍠 .如果就咁入嚟食嘢 當然價錢會比較貴啦但係帶埋小朋友玩足一日 又有好多活動可以參加 咁就抵返晒😎👦🏻
大樹先生的家X花斑茶社餐單提供西式, 親子餐廳等推介美食位於銅鑼灣區，餐廳座位數未知人均消費約$101-200，結賬可以用現金，Booking訂位可以電話致電 36190633 查詢。
您對於銅鑼灣餐廳「大樹先生的家X花斑茶社」有何 comment？
大樹先生的家X花斑茶社餐廳詳細資料：
- 大樹先生的家X花斑茶社地址: 銅鑼灣告士打道311號皇室堡15樓1501-1505號舖 Mr. Tree, Shop1501-1505,15/ F, Windsor House,311 Gloucester Road, Causeway Bay
- 大樹先生的家X花斑茶社電話: 36190633
- 大樹先生的家X花斑茶社價錢: $101-200
- 分類: 西式, 親子餐廳
- 座位: 未知
- 付款: 現金
- FB專頁: 大樹先生的家X花斑茶社 Facebook
更多大樹先生的家X花斑茶社相關資料:
香港餐廳2026推介9月