嚐仙 銅鑼灣

嚐仙 評價 相片

新開既甜品舖梗係要黎試吓兩個人食叫咗一碗比想像中大碗好多 一個人絕對食唔晒揀咗小丸子 芋圓 紅豆 涼粉 芋泥除咗芋泥之外 其他都幾好食但個芋泥真係好失望 一啲芋頭味都冇印象中尖沙咀嗰間好似比較好食但整體都OK嘅 可以一試

見到銅鑼灣新開，諗住試下新嘢。

因為趕住返屋企食飯所以買返去食，夜晚食完飯之後可能擺耐咗喇~ 啲冰溶咗，啲奶冇另外裝，溝埋一齊見到兜嘢已經唔開胃~ 跟住一筆落去半碗都係水，仙草好少，我叫佢少甜但係食第一啖已經甜到漏，重點係想試佢哋嘅芋圓。

一咬落口好硬，可能因為喺雪櫃雪咗過零兩個鐘之後先至食。

同鮮芋仙價錢差唔多，碗仙草都唔平，加咗個地瓜泥total要五十幾蚊~碗仙草除左甜同水乜都食唔到，分量又少，總之唔會再去第二次~ 唔怪得行過另一間要排隊入咗呢間堂食都冇人啦

昨晚恢復晚市，夜晚食完飯就去買個外賣返屋企食啦可能是因為剛開業，而且第一天恢復堂食，眼見堂都食都滿座，而買外賣都要排長龍。

買左兩樣野，等左大概十五分鐘1.黑糖神仙奶 味道普通冇特別，可能冰塊較多飲到尾段好淡味評分：6.5/102.小丸子二號薑湯做得非常之出色，夠哂辣，冬天飲很暖身配料有珍珠，丸子，芋丸，全部都非常軟糯，不會死實，整體來說又不會過甜，值得推介評分：9/10整體來說銅鑼灣分店回頭率90%

同朋友係附近行街行到攰攰地就想搵個地方坐低，經過見到新開左間芋圓又難得唔洗排隊於是就決定試下啦～🤣同朋友嗌左一人一碗：·🍨小丸子一號(HKD 45)甜品賣相係唔錯嘅，但食落就真心麻麻地，裡面有芋圓、紅豆、珍珠。

芋圓口感太硬，食到有點攰🥲反而小丸子不過不失，整體唔算太甜。

•🍨黃金地瓜泥豆花 (HKD 45)台式豆花係比較鞋身，地瓜泥食落唔係好似薯蓉嘅質感而係會咬到顆粒嘅質地，一樣都係芋圓太韌🥲一般

其實平時都有幫襯開，不過要特登過海去尖沙咀食，而家喺銅鑼灣開店，仲要開喺波斯富街，好開心超級近，以後唔洗特登去咁遠都食到喇。

新店好闊落，唔迫，坐得幾舒服，最重要係我只係買杯嘢飲都可以坐低慢慢飲，服務算唔錯，先俾錢後入座，堂座會比一個膠牌你，店員準備好之後會將食物送上，又唔使十1我覺得幾好。

尋日食到好飽冇點到芋圓，只係叫咗杯芋泥牛奶，呢個飲品係我超級大愛，每次去尖沙咀我都會買一杯外賣，芋泥超香滑，唔會整到好甜，未試過堂飲，估唔到賣相咁靚，個杯仲有金邊，可以見到芋泥同埋鮮奶比例超級好，$29呢個價錢可以坐低慢慢飲唔錯，況且而家疫情喺街度飲嘢都唔係好方便，有得堂飲唔錯。

下次留肚試吓佢哋其他甜品，睇吓係咪同尖沙咀嘅水準一樣先。

嚐仙餐單提供台灣菜, 糖水舖等推介美食位於銅鑼灣區，餐廳座位數未知人均消費約$50以下，結賬可以用Visa,Master,支付寶,現金,八達通,Apple,Pay,微信支付，Booking訂位可以電話致電 52109034 查詢。

您對於銅鑼灣餐廳「嚐仙」有何 comment？

嚐仙餐廳詳細資料：

• 嚐仙地址:
  銅鑼灣波斯富街84號地下F號舖
  T-Fresh, Shop F, G/ F,84 Percival Street, Causeway Bay
• 嚐仙電話: 52109034
• 嚐仙價錢: $50以下
• 分類: 台灣菜, 糖水舖
• 座位: 未知
• 付款: Visa,Master,支付寶,現金,八達通,Apple,Pay,微信支付
• FB專頁: 嚐仙 Facebook

更多嚐仙相關資料:

• 嚐仙分店
• Youtube
• Facebook
• Twitter
• Google