六本木茶房 銅鑼灣

六本木茶房 評價 相片

去到CWB諗唔到食咩好，行行下見到六本木， 同FD決定都可以試試我叫左個甜鼓油湯底，都幾濃，加上有D甜甜地同本身既配料(E.G.豆卜同大蔥)令整個湯底更加好食但係六本木既麻醬就唔係咁好。

因為佢開得太稀，加上下面仲有一層油，本身我打邊爐都好中意點麻醬，但係個醬咁樣我就無點佢啦!!有樣野唔錯既係佢既甜品有好多種類選擇，我同個FD就簡左上面果2個甜品，雪糕都幾滑但又唔會太甜。

可惜是多啤梨醬太甜喇而且士利啤梨本身有啲酸><但整體黎講，用呢個價錢食都算OK既

Do re me 三人喺午市揾食途中, 見呢度門面都唔錯, 未食過, 又唔係好多人排隊, 就決定試一試!同事甲點咗個 "野菌汁漢堡扒蛋包飯", 佢話漢堡扒嘅味道同口感都唔錯, 唔似一般茶餐廳貨色! 同事乙就點咗 "日式咖喱牛柳粒蛋包飯", 佢話咖喱汁中規中矩, 牛柳粒有口!而我就點咗 "野菌汁牛柳粒蛋包飯", 雖然大家都係點牛柳粒, 但我覺得好韌… 同埋牛柳粒寥寥可數, 唔係好夠!我哋三人邊食邊有一個疑惑…!? 乜蛋包飯唔係好似奄烈咁, 將啲飯包喺蛋入面嘅咩?? 因為我哋三個蛋包飯, 三個都係塊蛋皮就咁鋪上面, 並唔係包住啲飯…!!成餐晏, 最好味就係個飯後甜品~ 免費贈送嘅 HaagenDazs 雪糕 ^^ 而且仲要係朱古力味 *^O^* 其實呢度嘅食物都算中規中矩, 而且價錢又唔係貴, 都係喺合格之列! 但因為送雪糕, 仲要係 HaagenDazs, 我諗我都會再返嚟幫襯嘅!! (≧∇≦)

［沒錯，我自己吃飯的話通常多吃素，跟朋友聚餐我就比較「順得人」的，吃什麼也沒所謂，總之是我未去過的店便成。

］團購達人買了這裡的團購券，來吃它的鐵板餐。

說是「六本木茶房日式豪華鐵板晚餐」 (價值 $286)， 包括十安士美國上級肉眼牛扒或特選黑豚肉大蝦雜扒的鐵板餐。

套餐還包括某著名品牌的家庭裝雪糕連保溫袋。

當晚準時來到餐廳，已見朋友們在內。

點菜我們當然不用煩惱，朋友吃那個肉眼牛扒，而我不吃牛肉，自然就吃那個什麼特選黑豚肉大蝦雜扒餐了。

這個餐原來是很豐富的，侍者把一整盤餐送來的時候，看見上面除了鐵板之外，還有白飯和麵豉湯的。

燒汁可以選黑椒或蒜蓉汁，我便要了黑椒汁。

小時候吃鐵板餐最興奮的事情，莫過於把燒汁「Saaaa...」一聲淋在燙熱的鐵板上，然後白煙四起那個情景。

就算現在已經長大成人，這一幕仍然教我期待。

雖然現在會怕白煙弄得一身油煙味，又怕滾燙的醬汁會濺到臉龐（信我，那個圍邊的紙圈其實沒啥作用），難得可以跟老朋友們相聚，在這氣氛輕鬆的餐廳裡，就算大家稍稍放下平日的矜持，給濺得「we 嘩鬼叫」又有什麼大不了？黑椒汁大家想像得到是什麼味道的了，結果之後無論是大蝦、豬扒和雞扒的味道，都是濃濃的黑椒汁味，而且不知是否我太心急，沒等那塊厚厚的雞扒在鐵板上煮至全熟才吃，裡頭還有一點生生的。

（嗯，鐵板上的肉不是應該熟了才放上去的嗎？牛肉還說得過去，其他肉類恐怕不成吧。

）不過黑椒汁倒是很好下飯的。

吃完鐵板餐和飯已經很飽，原來還有甜品和餐飲！甜品可是宇治金時蕃薯新地。

（正式的名字我可不知道，但這是年前已全線結業的 XX 茶房有賣的一種我很喜歡吃的甜品啊。

）即是紅豆抹茶蕃薯雪糕，都幾難不好吃的，其時我們已飽到上心口，真可惜。

噢，我還要留肚給友人為我預留的（卻早給我事先踢爆了的）驚喜：生日蛋糕（自攜），但侍應哥哥非常忙碌，我們得三催四請他才記得送個蛋糕來。

Anyway，這裡最好的地方是我們坐到快打烊了也沒人趕，謝謝好姊妹們為我慶生啊！

上次o係尖沙咀The One o既六本木食完日式豪華晚餐後,畀o左90分鐘任食美國黑毛安格斯牛肉、豚肉Shabu Shabu放題火鍋半價證我o地,男友話想o係前日3062013(Sun)睇佢媽媽,既然o係銅鑼灣都可以用.而且我o地又可以順便拎荔枝過o黎畀佢媽媽同我二哥,就將埋男友o既男友人NT同佢女友F四人一齊o黎食啦.我book o左7:45pm(其實係佢o地定7:45pm有場),我同男友準時到,女侍應叫我o地先揀兩個湯底,我o地睇睇,有四種o既,有昆布湯,辛辣泡菜湯,壽喜湯同豬骨湯揀,我就肯定唔要辛辣泡菜湯,而會揀昆布湯,豬骨湯咁普通,但唔知壽喜湯係咩o野,我o地就問侍應係咩o野o黎?佢答係甜甜地,食牛肉係好夾o既,啊,咁我o地就要埋呢個啦.侍應就話你o地可以出去夾o野食同調味料,調味料有豉油,麻油,麻醬,蔥花,金蒜同辣椒,都幾多.唔使等個鍋o架喇,啊,男友就出去夾喇.食物有墨魚丸,龍蝦丸,粟米,豆腐,冬菇,金菇,蒟蒻,唔知咩o野菇,芋絲,蓮藕,生菜,黃牙白,唔知咩o野菜,出前一丁麵同烏冬等.冇耐NT同F到o黎喇,個煱都到喇.昆布湯冇昆布,只有幾片薄蘿蔔,深色o既壽喜湯就有大把料然後女侍應自動拎肥牛同豚肉o黎然後女侍應自動拎肥牛同豚肉各一碟o黎,我o地問係咪只得呢一碟?佢答唔係,食完可以再叫.咁我o地唔攞其他o野喇.而由於冇人斟水,F問我啤酒汽水係咪任飲?我答要加錢,汽水每位加$10.00,不過我o地都係自己一人斟一杯先.可樂係百事可樂,好甜.之後我o地問女侍應,佢答係要加錢,我話冇所謂啦,照加(因為呢餐我請客).之後我o地都轉飲雪碧.而我o地食一轉先,所有丸類都冇乜問題,但昆布湯冇乜昆布味,壽喜湯好甜,金蒜好香口,好味.之後女侍應至攞一碟應該係美國黑毛安格斯牛肉o黎.呢個口感當然唔同,於是的o地都快快食晒再叫,前後應該o左5碟吧,而且我o地其他o野都唔攞,只攞金菇.差唔多時候,女侍應問我o地要咩o野雪糕新地?係一人一個.F要鮮芒果刨冰,NT要宇治金時燒番薯,男友要藍莓牛奶刨冰,我要黑芝麻白玉雨寒天甜點,我o地邊食邊等好耐,到大約9:00pm叫佢o地上甜品,都等o左好耐至有.我先食左邊o既黑芝麻牛奶刨冰,黑芝麻味道好重,牛奶雪糕都濃.NT要宇治金時燒番薯同我o地上次o係尖沙咀o既size一樣咁細.最後我o既黑芝麻白玉雨寒天甜點到o黎,我問女侍應,藍莓牛奶刨冰呢?佢答佢o地冇藍莓牛奶刨冰,我o地點o既係黑芝麻牛奶刨冰.啊,係男友只睇相,見到一粒粒好似藍莓就以為係藍莓牛奶刨冰,我o既黑芝麻白玉雨寒天甜點胎同隸係黑芝麻好夠,不過唔係甜,最後較高級啲女侍應,自動拎個保溫袋畀我o地,應該係四支Dreyer's雪糕批,我打開睇, 唔係,又係HaagenDazs雪糕,不過今次唔係家庭庄,係100ml杯庄.由於我o地唔會即食,所以四個人得一個保溫袋係唔得o既,於是我問呢個高級啲女侍應要多個保溫袋,佢應o左我就忙第二啲o野,之後我再問,佢至拎o黎.但冇冰包 ,於是又叫佢,佢又係應o左就算同拎張單畀我,我計計o岩數就簽,之後都係冇畀冰包,我又要再叫佢,我話熔o緊喇,然後佢至畀. 不過我都疑惑問佢,乜唔係畀Dreyer's雪糕批咩?佢好寸咁答轉o左HaagenDazs喇,呢張咭係舊款.到9:25pm,男友重努力食o緊甜品,佢走o黎好惡咁話要交枱喇,有下一場.我知道,但佢真係未食完,到9:27pm我叫佢算喇唔好食,走喇.其實成個晚餐我o地都好趕,全程係咁快快食,已經好合作,但得到o既服務,除o左上面講o既語氣唔好外,重要係佢o地人手唔夠,從未幫我o地收o野,唯一一次係我o地叫上甜品至收,好彩我o地坐近食物枱,張枱o既角落有空位,我就將啲碟放o係o個o度等佢o地自己收.環境:未開始食火煱冷氣係o岩o岩好,但一食同埋趕,我o地就覺得好熱.衛生:金菇菜冇洗過都算,但仍有泥;黃牙白都有啲黑色一點點,唔係班o個類,真係塵o黎,所以我o地都冇夾o黎食.價錢半價($134.00) + $10.00 + $26.80 (正價的服務費) + $1.00) * 4 = $687.20, 不過佢o地計收齊頭$688.00.老實,我覺得o個百幾蚊服務費畀得唔係幾服.

因為之前見到六本木有團購, 好似好抵, 所以就試下.去到既時候其實見到裡面冇咩人, 但係個侍應都叫我地等下, 咁好啦, 係我地早左少少到, 因為其實我地係book左9點半.入到去叫湯底先啦諗住, 叫個侍應, 個侍應叫我地等陣, 但係我睇佢只係o係度排緊d碗, 完全唔覺得佢做緊一d好緊要既野, 不過都算, 等你得閒再過泥service我地都ok. 點知轉過頭佢好似唔記得左咁, 於是再叫多佢一次先應我地.我地叫左個豬骨湯+泡菜湯底, 叫完之後等左勁耐都未泥, 隔離枱一齊入泥已經食緊第2輪既野, 於是乎我地又再問多次, 但係搵唔到有侍應... 其實間野唔係大囉, 但係d侍應門都企o係一二邊傾計, 完全唔係做野.好啦, 終於搵到個人問, 點知一泥就係錯湯底, 又要再攞去換...反而係一齊叫既牛肉同豬肉都一早到左, 唔通佢想我地食生牛肉刺身?!食90分鐘, 出面有d菜, 丸o個d任攞, d牛同豬都係叫侍應任食. 第一碟泥既牛肉都叫做還可以.之後泥既肉都好難食, 完全唔想再叫.其實都未飽, 不過已經唔想再食了.最後佢有個雪糕送, 食左成晚終於有d正常野入口其實佢比既糖漿真係唔夠, d冰淨係得番d冰冇糖漿, 都唔知叫人點食. 不過好在個雪糕味道正常, 所以算係叫做ok架喇唉.後記, 我食完冇幾耐就肚痛... 真係bad既一餐^^以後買團購前, 真係要做下research先囉, 今次就當買左個教訓, 但係我下次一定唔會再因為佢平就幫襯佢架囉!

六本木茶房餐單提供日本菜, 日式西餐等推介美食位於銅鑼灣區，餐廳座位數未知人均消費約$101-200，結賬可以用現金。

您對於銅鑼灣餐廳「六本木茶房」有何 comment？

六本木茶房餐廳詳細資料：

• 六本木茶房地址:
  銅鑼灣百德新街22-36號翡翠明珠廣場1/F9號舖
  Roppongi Sabo, Shop9,1/ F, J P Plaza,22-36 Paterson Street, Causeway Bay
• 六本木茶房電話:  
• 六本木茶房價錢: $101-200
• 分類: 日本菜, 日式西餐
• 座位: 未知
• 付款: 現金
• FB專頁: 六本木茶房 Facebook

更多六本木茶房相關資料:

• 六本木茶房分店
• Youtube
• Facebook
• Twitter
• Google