串 銅鑼灣

串 評價 相片

朋友幾個月前去過話ok....所以一行幾人book左枱.....朋友話爆哂棚嘅光景同依家小貓三兩隻嘅情況令我有d擔心.........一坐低有件類似經理嘅人開始埋黎解釋一輪像霧又像花嘅點菜程序.......而且結尾竟然聲稱今日人手不夠......落order最好一次過......眉頭一皺.....心中即時浮現出一隻高登神獸.......金翅xx鳥....落完第一次order後......離九丈遠聽見有人喺廚房嗌出黎 : "喂.....叫佢地一次過嗌啦.....點樣續d續d煮"(喔......估計那人之前是監獄大廚吧......一次過........)跟住經理氣沖沖走過黎 : "頭先同你地講左order嘅方法啦......你地都冇跟住做嘅"我 : 咁......係咪一件寫 1, 二件寫 2?經理 : 唔係....廚師會因應你地人數去煮......我 : 咁我地一行x人....張單有人數......我寫個1 字....廚師咪可以做6人份量囉.....經理 : 都話唔係咁.....即係話你地order一樣野.....我地廚師會煮2至3人份量......你地x人咪...咪自己就番囉.....(講到呢到.......我已經開始火神上身)我 : 點樣為知2至3人份量? 廚師知道食客嘅食量多或少嗎?經理轉身行左去.........咁樣講黎講去已經過左半個鐘......一碟野都未有得食.......2小時放題....幾好做喎輾轉一輪有野食......食物味道不算差......尚算中等.......大夥餓到不需十分鐘已經將所有食物掃清.....睇情況要落order叫湯麵或炒飯吧........否則要出去食雲吞麵頂肚.......唔敢再叫刺身咧.....佢d刺身雖然係下價野但係賣到好矜貴咁.......串燒又話燒要時間....唯有再order幾個湯麵一個炒飯3個熱鍋頂下肚再過10分鐘左右同上......經理又行過黎話 : 你地叫咁多野....食唔哂每一百g HK$38.00(哈......我忍唔住笑左出黎)1小時45分鐘後......炒飯湯麵到齊......唯獨尚欠幾個鍋物......但係呀經理已經想我埋單.......我睬佢都死......出埋d鍋物先啦.....廚師走出黎大叫 : 叫佢地食哂我至煮 (同樣嘅說話我聽到嘅已經4,5次)(哇有性格到呢........希望佢老哥屋企剩落d俾佢....咁嘅態度點搵食呀?!?!?)最終咪又係死死氣整埋出黎.......放低後15分鐘內食完埋單走人......雖則話收費大眾化.....但如果在銅鑼灣區做食肆仲要做放題......係做就做好d啦......d廚師只係招呼全場大約20人就成日行出行入黎目露兇光.......好食客見到就反胃食埋快d埋單走人......最後一句溫馨提示 : 見過惡人未呀??

串~係屯門、荃灣既店就見到好耐不過硬係覺得佢無咩好食既感覺(唔知點解)同行朋友話食過~ok好食既再加上, 九半後、放題、有七五折哈~二話不說即, 刻衝左去食啦 當時十點幾, 十一點last order於是有理無理見野就叫 (當然結果係要自己承受既啦 )好味道, 但真係無諗過佢咁大份唯一瑕疵就係入面好似一般燒肉咁咁既日式豚肉叉燒峙類串燒翠玉瓜, 大大片、香脆爽口~真係超正點!好睇又好食~入口嫩滑有加, 感動!這是一碟美麗的誤會, 但也可口非常只可惜不是特大種的大蝦而已不得不提, 當時仲有些食物已經賣晒:墨魚咀、燒薄切牛扒...之類但是經理都禮貌地親自過來通知態度仲好親切、好nice囉 原本我地都無所謂但係佢地既服務態度令到呢餐更加超值&好味囉!!!

同朋友食飯，大家唔知去邊好,又有2個bb,最終選擇咗日式放題！因好多朋友都去過呢度，都係話抵死!自己試過後，堅抵死！但我哋點菜方式錯晒!一開始已嗌滿全張枱，D嘢食嚟到無位擺呀!刺身:一個字,'掂'~串燒k,係D牛'un'咗D,冬菇必食~鉄板燒:都ok,又係只係d牛un咗d啫,係好味嘅~沙律:食咗2款，蟹子沙律,ok!!!! 芥辣八爪魚沙律,正,又係必食！清酒煮蜆:good~什錦魚生飯我無食,因太飽,但個friend食咗2碗,佢話好好味!本來係198一位再加一,但星期一係四位free一位,所以又平咗,真係抵過返大陸d放題食呀,又唔洗嘥車錢，又慳匯率....真係食到返本呀!！！但下次去要慢d點菜,食得太急，個胃同張枱都無位！下次誓要賺埋呀！

晚上和家人去了這裡慶祝妹妹生日~$198@ 可食100分鐘+ $20@ (汽水任飲, 散叫$5@)點了很多食物,值得一讚的是刺身(厚切, 有鮮味, 擺放得很漂亮, 一點也不像buffet), 鐵板燒的帆立貝, 雞軟骨串, 墨魚嘴串, 鹽燒三文魚頭, 栗米串(很甜), 彩虹刺身沙津 (很多刺身, 必食之選), 牛油炒雜菌(菇味很香)南瓜天掃羅的南瓜甜味不足,清酒煮蜆,汁燒羊肉(味道很騷), 鹽燒秋刀魚, 燒牛舌, 吉列廣島蠔只是一般而已不足的是這價錢不包括飲品,甜品只限每人一客雀巢細杯裝雪糕 (雪糕糯米糍2粒 / 芝麻雪糕 / 紅豆雪糕 / 芒果雪糕), 沒有甜蝦, 帶子& 海膽供應~離開時才發現門口刊登了一些優惠, 有興趣的人可考慮星期一至四來(優惠比較多)

請朋友食飯~最後揀左呢間..BOOK左位其實冇乜用...因為冇乜人..198一位, 食100分鐘, +20任飲服務好好~刺身,鐵板都好食,但係串燒唔得..好乾同埋太"UN"..不過大致上都幾好~~可以試下!

串餐單提供日本菜, 鐵板燒, 爐端燒, 壽司, 刺身等推介美食位於銅鑼灣區，餐廳座位數未知人均消費約$101-200，結賬可以用Visa,Master,現金。

您對於銅鑼灣餐廳「串」有何 comment？

串餐廳詳細資料：

• 串地址:
  銅鑼灣渣甸街50號渣甸中心11樓
  Kushi, 11/ F, Jardine Center,50 Jardine's Bazaar, Causeway Bay
• 串電話:  
• 串價錢: $101-200
• 分類: 日本菜, 鐵板燒, 爐端燒, 壽司, 刺身
• 座位: 未知
• 付款: Visa,Master,現金
• FB專頁: 串 Facebook

更多串相關資料:

• 串分店
• Youtube
• Facebook
• Twitter
• Google