Via Tokyo 銅鑼灣

Via Tokyo 評價 相片

相信冇人唔識呢間曾經要排個幾鐘先食到的老銅名物吧。

🍵🕺🏻🕺🏻開左幾年，因為唔想排隊，所以今日先黎食。

雖然都要排，但係10分鐘就入得座。

綠茶芝士蛋糕+綠茶焙茶軟雪糕mix+焙茶一壺 $96🍰被芝士蛋糕驚艷了，冇諗過芝士同綠茶竟然可以咁夾，有綠茶嘅freshness唔會飽飽濟濟。

🍦焙茶雪糕比綠茶雪糕茶味更加突出，有機會係太多抹茶食到條俐numb左下次我會直接叫焙茶雪糕。

焙茶飲完問侍應姐姐可唔可以加水，竟然可以！但因始終店外有人排緊所以加兩次就走了。

夏日無限drink覺得驚喜，大家見字飲水。

🤗

喺銅鑼灣食完飯，朋友話好想食甜品。

特登搵左呢一間抹茶甜品店。

去到八點半，都已經排緊隊了，好彩排左20分鐘左右就入得。

店鋪比較細，有十張枱左右，但係枱同枱之間比較迫，伸手已經掂到隔離枱喇。

不過唔緊要啦，我哋都係食個甜品啫。

雪糕上枱，樣子吸引。

抹茶雪糕嘅味道比一般香港食到嘅更濃郁。

焙茶味都好香濃，但2種味道比較，抹茶比較突出。

雪糕口感比較棉實，都唔錯。

配料嘅丸子白玉煙韌，增加整杯雪糕口感。

雖然無得去旅行，但可以喺度搵返日本嘅味道，下次真係要再黎呀

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️又食雪糕喇😆我仲記得呢間Via Tokyo啱啱開嘅時候我都係喺銅鑼灣返工，所以成日會同同事去食。

今次喺銅鑼灣食完飯就去呢度食埋個甜品，佢都真係冇乜點變，水準都仲keep到，唔怪得知屹立不倒啦：⭕️ 焙茶味同抹茶味雪糕 兩款質地都好滑，個人比較鍾意焙茶嗰種苦味多啲，同埋出面都比較少見😉 配料其實來來去去都係嗰幾款 白玉口感煙韌，紅豆都唔會過甜，所以呢度嘅配料係幾高質🙌🏻

以前有仲有間分店係尖沙咀，但可惜而家得返銅鑼灣一間鋪。

見到個套餐CP值勁高，有蛋卷，白玉紅豆雪糕同一壼茶，只係$88。

成Set放係眼前已經好開心主有焙茶同抹茶味既配搭，所以今次簡左焙茶蛋卷同抹茶雪糕呢個組合，配埋清香既煎茶。

先試一啖個雪糕，水準仍然保持一樣!滿滿抹茶味同濃厚既質感，雖然係雪糕都唔會太甜，配埋旁邊既紅豆蓉都會覺得好膩，之後再食一粒白玉，口感煙煙韌韌中和返口中既甜味。

雖然係焙茶蛋卷，但中間位置都添加主打既抹茶元素。

外觀上雖然冇海綿蛋糕既綿滑，但係勝在質地濕潤，仲包住兩層焙茶同抹茶餡好香茶味。

最後慢慢享受壼熱茶，諗定下次要再黎食抹茶卷

八點半至九點左右 我同另外三名朋友 一齊等位 四人座位等左三十分鐘先入到去 唔緊要 好食當然要等 等到兩張二人枱 但簡直係惡夢開始問我地可唔可以分開坐。

廢事再等，我地照入去坐待應話一有四人枱就比我地。

禁我地照去order野食。

坐另一張枱嘅朋友同我分開單。

我叫左一個生果底抺茶雪糕。

坐底之後，隔離有張四人枱。

佢比左下一枱客。

有冇搞錯之後又有一枱四人枱走左 我地就出聲話想轉枱。

但待應話人地一家人等緊。

難道姐係人地係客我地唔係？當刻已經好嬲！我見我朋友果啲食物已經到左。

但我地果啲等左十五分鐘都未到咪行過去問佢。

佢先知自己漏左張單。

就呃我地話整緊。

又過左十五分鐘 催多次先送過來果刻心情真係好嬲，真係食咩都覺得好難食。

食野食心情，以後唔會再去

Via Tokyo餐單提供日本菜, 甜品, 糖水, 雪糕, 乳酪等推介美食位於銅鑼灣區，餐廳座位數未知人均消費約$50以下，結賬可以用AlipayHK,支付寶,現金,八達通，Booking訂位可以電話致電 28951116 查詢。

您對於銅鑼灣餐廳「Via Tokyo」有何 comment？

Via Tokyo餐廳詳細資料：

• Via Tokyo地址:
  銅鑼灣禮頓道106-126號禮信大廈地下1A-1B號舖
  Via Tokyo, Shop1 A-1 B, G/ F, Leishun Court,106-126 Leighton Road, Causeway Bay
• Via Tokyo電話: 28951116
• Via Tokyo價錢: $50以下
• 分類: 日本菜, 甜品, 糖水, 雪糕, 乳酪
• 座位: 未知
• 付款: AlipayHK,支付寶,現金,八達通
• FB專頁: Via Tokyo Facebook

更多Via Tokyo相關資料:

• Via Tokyo分店
• Youtube
• Facebook
• Twitter
• Google