Shining 銅鑼灣

Shining 評價 相片

疫情令蕃薯uncle患上輕度抑鬱，見多日零確診即吹雞約班晚輩聚一聚，唯一條件係要揀間潮啲嘅地方，契妹就搵咗間潮吃潮州菜嘅酒吧餐廳「Shining」，這個潮上加潮可謂「雙潮」！網上訂座流程非常簡易，更可以優惠價預購公眾假期都用得嘅餐飲券。

由於每次用餐只可用一張餐飲券，七人派對最終揀咗個附送冰鎮鮑魚嘅「精品潮式四人套餐」（原價$1,650；網上預購價$1,320）。

屬C類食肆嘅餐店面積寛廣，圍牆及窗邊嘅高櫈散座均為六人一組。

眼見開幕時所用上嘅氣球及裝飾仍未清走，似乎新店真係好新喎。

場內中央位置可見兩張啤酒乒乓枱，客路明顯以酒客為主。

唔怪得知連後方嘅水吧都多酒及大型過人。

波枱旁有個迷你舞台，相信將不時安排現場表演。

外出仲有個為煙民而設嘅露台仔。

入座後，其實哥哥仔係有提供電子酒牌作參考，並提到最受歡迎係招牌嘅特色雞尾酒，歡樂時光所有飲品可享八折優惠，但因項目及價格仍在調整中，小肥決定唔上載多頁唔準確嘅資訊，免得誤導大家。

礙於午餐起已經開始飲緊日本清酒，以電話詢問過得知開瓶費為$200/樽，價格合理，大家一於自攜佳釀，繼續飲清酒！於酒吧環境下以烈酒小杯飲sake，感覺特別有氣氛同有氣勢！四頁食物餐牌大部份為中英對照，亦附有彩色插圖，簡單易明。

第一頁印有每天不同嘅午市套餐及全天供應嘅小食。

第二頁列出一、二及四人套餐嘅選擇。

其餘兩頁則為潮式拼盤及散點項目。

應經理或老闆哥哥（未有確認其身份）建議，七人除咗預購嘅四人套餐之外，另加咗個小餸、小食拼盤及炒米粉。

木造餐桌上每位席上都擺有自用嘅餐具。

脆炸拼盤Set A配黑松露醬（$168）：小食拼盤原本包有唐揚軟骨、香酥雞翼、香芒酥、黑松露薯條，不過因當日雞翼早已售罄，所以就換咗四隻天婦羅蝦。

如相所示，籃中嘅四款炸物均色澤金黃，入口亦不覺油膩，天婦羅蝦尚算爽脆彈牙，個人只係略嫌唐揚軟骨過腍且唔得卜卜脆，黑松露薯條唔係好夠松露香。

潮汕咖哩牛丸（$52/六粒）：加夠七粒嘅牛丸質感就好一般，反而個咖哩汁香辣惹味，用黎點脆炸拼盤嘅黑松露薯條意外地好夾。

精品潮式四人套餐（原價$1,650；網上預購價$1,320）：雖說套餐為四人份量，但包有嘅古法雞腳、明爐老火湯、威士忌酒香鵝肝、潮式凍魚、招牌海鮮拼盤、上湯時蔬、經典滷水三拼、潮式炒飯、滷水乳鴿及另送冰鎮鮑魚一客之豐富程度係七個人分都好夠食，故即使質素有點參差，圍起每人平均兩百蚊有找，主人家都大讚抵食。

唔知係店主定廚房師傅客氣，套餐應只包有四碗湯，佢都俾足七碗，人人有份，只係細佬對花生敏感，未能享用。

古法雞腳香辣惹味，可惜唔夠腍，就差嗰一點點。

多道菜中最有睇頭必選招牌菜之一嘅威士忌酒香鵝肝！鵝肝上枱一刻先由鬍鬚哥哥於威士忌秘汁小杯頂吸上煙霧泡泡，再轉交食客刺穿泡泡後於鵝肝面淋上秘汁，食前有得玩，成功增添歡樂氣氛！潮式鵝肝每片厚潤有光澤，潮派元素嘅微微酒香好醒神，鵝肝咬落一啲都唔嚡唔乾，做得已經比坊間好多潮州菜館好，絕對食得過，只係自己曾經食過更軟滑嘅版本，難免會作出比較而已。

酸菜蘿蔔有渣，席上嘅隱世廚神話解決方法好易，師傅只需批深少少即可。

招牌白滷水海鮮拼盤所含嘅四款海鮮分別為鮑魚、大蟶子、大墨魚、海蝦，其中大蟶子及大墨魚都均切得夠巧薄，味道都好鮮甜。

鮑魚同另送嘅冰鎮鮑魚一樣以乾冰營造出煙霧效果，薄薄嘅鮑片清甜柔韌，好唔錯。

經典滷水三拼揀咗鵝肉、元蹄、豬耳。

拼盤嘅滷水味道香甜不膩口，只係三款都切得比較大件同偏厚，所以會覺得鵝肉唔夠軟腍同微微偏咗少少嚡，而豬耳就有啲韌韌地，反而配角墊底嘅脆皮豆腐水準最高。

潮式凍魚選以大眼雞炮製，契妹第一野已經夾到魚骨，怕骨嘅小肥當然唔敢試啦！滷水乳鴿除咗皮層唔夠軟潤之外，肉質都算鬆同夠肉汁嘅。

上湯西生菜翠綠爽脆，不足五分鐘已清碟，證明堅為正菜！食到單尾時其實個個都已經話「飽啦！飽啦！」，但當每人都試過第一口金黃吸睛嘅潮式炒飯後都不停讚碟炒飯炒得好夠乾身同香口，結果添吓添吓又清埋，美味程度不言而喻！潮式炒米粉（$88）：壓軸上陣嘅潮式炒米粉同炒飯一樣咁有鍋氣，兼且完全唔覺油，混入爽脆甜潤嘅蝦仁及洋蔥等配料，足以為炒米粉增添口感、芳香及惹味。

酒吧餐廳「Shining」環境開揚，服務生態度溫婉誠懇，潮派菜式玩味十足，明顯有不少進步空間嘅菜式質素有點參差，不過睇在價廉及新店仍處於適應期，希望細佬今次嘅OK評可令店子作出適量嘅調整。

#shiningcwb 我們一行4人約好食晚飯，本身想打冷，但其中有人提議想去飲杯酒，最後俾我揾到間酒吧兼有潮州菜，簡直 perfect match😉😉 這家酒吧實在太厲害，潮州菜係由米芝連名廚主理，白滷水仲係推薦我🧡🧡🧡我都嚇一跳，竟然4人套餐有咁多野食，真係樂滿足😙😙😙😙🔹九品味 $268 就是九宮格樣子，盛著白滷水的墨魚、鮑魚、鵝腎、牛展、話梅車厘茄等等，一盒多款全是美味的潮或佐酒小吃😀😀😀🍺🍺🔹4人餐 $388/位 有成十道菜，就算全男班都一定夠食👍🏼👍🏼👍🏼🔹花雕醉鴿，首推👍🏼 除了花雕味濃，而且乳鴿是非常入味兼勁嫩滑，賣相也相當有心思😋😋😋😋🔹招牌海鮮拼盤，就是用上白滷水去煮理海鮮，所以沒有深啡色的滷水，但有著滷蛋的味道，真係好正，賣相又是相當不錯🤤🤤🔹威士忌酒香鵝肝，鵝肝配上調好的威士忌酒，溶入大大片的鵝肝係超級夾和美味，我們4人極快食完😂😂😂🔹經典滷水自選三併，看圖就知佢咩料！大碟都爆炸，味道相當入味，不會好咸，老闆實在太豪氣😀😀😀😀🔹潮式凍魚，真是潮州打冷必點item，我就喜歡不沾汁直接食，夠原味😉😉😉🔹cocktail 其中一杯叫薑蔥汁酒，真係聽個名都好奇係咩味，聞一聞，堅大陣薑蔥油雞味，都有少少驚中伏，點知飲時又堅好味，酒味偏濃，所以這杯中西式 cocktail 真心推薦🍸🍸🍸Shining銅鑼灣耀華街38號Zing!6樓

唔知點解有D歌一開始聽覺得無乜特別，但DAP DAP下又覺得幾正，原來係呢個時侯呢首歌正正就係講緊自己。

正所謂初聞不知曲中意，再聞已是曲中人。

經過歲月既煎熬，我經歷人世既浮沉，飽受愛情既滄桑，漸漸發現所有野都唔重要。

最重要係我眼前既呢間新派潮州fusion bar「Shining」，趁今晚痛痛快快咁乾左佢！👇📌Set · for · two $228/Head▪ Whisky Goose · Hepatitis  ▪ Deep Frying Platter · Black Truffle Sauce  ▫ 潮州第一式「威士忌·酒香鵝肝」用上氣槍將泡泡打係whiskey上面，等你影相後，1分鐘就會自爆；繼而再淋落鵝肝，濃香感即刻提升。

鵝肝食落酒香十足，質感腍滑，入口即化，唔錯；跟住「脆炸拼盤·黑松露醬」絕對係炸物控恩物，當中包括薯條、炸蝦、芒果酥，每樣入口鬆脆無比，配搭埋黑松露醬，份外惹味！▪ Soup of the Day ▪ Fried Vermicelli · Chiu Chow Style  ▫ 仲有每日唔同既「明爐·老火湯」，今日係「花生雞腳·木瓜湯」，湯既顏色帶少少奶白，飲落唔會好重味精，滋潤清甜；輪到潮州經典主菜「潮式·炒米粉」出埸，呢個米粉炒得非常到位，當中食到好多魷魚粒、蝦米粒，口感大大增加；加上油膩感比平時食開米粉特別少，相當更加健康！▪ Marinated · Goose Meat  ▫ 要數到最馳名一定走唔甩「金牌·滷水獅頭鵝肉」，首先擺盤相當精緻，每一塊鵝肉份量十足，食落肉質嫩滑得黎又夠紮實；加上滷水汁醃得非常爽彈入味；再食埋底下既滷水豆腐，甘香滑溜，真係無得輸！▪ Sour Crisp · Carrots ▪ Braised Seasonal · Vegetable in Broth  ▫ 最後仲有兩款side dish包括「酸 脆 蘿 蔔」、「上 湯 時 蔬」，前者白蘿蔔酸中帶甜，唔會太乸口，口感爽脆開胃；而後者蔬菜夠新鮮，配搭蠔油份外濃香。

銅鑼灣又有新餐廳啦，這間餐廳其實係酒吧，但是吃潮州菜的，而且係由米芝蓮名廚主理，非常特別呀！這裡Lunch時間已經營業，所以今次就同同事黎試試！白鹵水餐，這裡的白鹵水是餐廳自家調製，而這個餐有鵝肝、醉乳鴿、菜和白飯，幾豐富！威士忌酒香鵝肝，鵝肝用上威士忌浸製，所以有淡淡的威士忌香味，口感好滑！而且亦配有酸脆蘿蔔，酸酸味味又夠脆口，夠哂開胃！花雕醉鴿，有半隻的醉乳鴿，乳鴿肉質嫩滑，有淡淡的花雕酒香，味道不錯！上湯時蔬，是上湯白菜仔，湯清甜，白菜仔亦好入味，不會很淡口！潮式炒米粉，這個Lunch set配上老火湯和飲品！米粉炒得好乾身，而且唔會好油，有蛋、蝦肉等材料，再有XO醬，微辣幾惹味！唐揚軟骨，初初以為係雞軟骨，原來係墨魚咀，炸得脆口，而且爽口彈牙，非常惹味，如果配上酒一齊應該會更正！話梅車厘茄，這個酸酸味味很惹味，而且車厘茄鮮甜多汁，那麼熱的天氣很適合吃！

剛踏入門口還以為去錯了地方，原來餐廳是有得食有得玩的酒吧餐廳，更令人意想不到的是這裡主打潮洲菜🤭我們見餐牌花多眼亂，一於就叫了set，什麼都齊全🤗先來老火湯和前菜古法雞腳湯熱騰騰，喝完不口渴應該沒下重味精😋因為雞腳我不吃，朋友說鹵得入味就全食了🤣然後我們最期待的一道: 威士忌鵝肝🤩中式的鵝肝真是第一次吃，帶點爽脆嫩滑，香而不膩，與西式煮法帶油香不同，吃的是口感😯泡沫爆破後的煙熏味令整碟菜更有層次，威士忌亦與鵝肝意想不到地合拍👍🏻滷水三拼我們選了鵝肉、元蹄、滷水雞，底下還有炸豆腐🥳滷水味濃而不會死咸，個人最喜愛還是啖啖肉的鵝肉👌🏻潮州菜怎可少得烏頭魚，雖然黃油欠奉，但以新鮮取勝。

白滷水海鮮拼盤是今餐我最喜愛的，有蝦、聖子、墨魚、鮑魚。

每款海鮮都非常新鮮，加上泰式醬汁一同吃簡直是夏日的最佳配搭👍🏻又是初嘗的一道菜，花雕醉鴿: 比一般燒乳鴿更為嫩滑，花雕味突出，可以一試👌🏻炒米粉似帶有淡淡的星洲炒米味，甚有鑊氣，為今餐帶來不錯的完結👌🏻來酒吧又怎少得了喝酒😆薑汁撞奶（gin base)非常有特色，可當作飯後的一道酒類甜品；whisky sour偏甜，女生們都會喜歡的味道👌🏻

Shining餐單提供潮州菜, 酒吧等推介美食位於銅鑼灣區，餐廳座位數未知人均消費約$51-100，結賬可以用現金，Booking訂位可以電話致電 55114496 查詢。

您對於銅鑼灣餐廳「Shining」有何 comment？

Shining餐廳詳細資料：

• Shining地址:
  銅鑼灣耀華街38號Zing!6樓
  Shining, 6/ F, Zing!,38 Yiu Wa Street, Causeway Bay
• Shining電話: 55114496
• Shining價錢: $51-100
• 分類: 潮州菜, 酒吧
• 座位: 未知
• 付款: 現金
• FB專頁: Shining Facebook

更多Shining相關資料:

• Shining分店
• Youtube
• Facebook
• Twitter
• Google