Miusik Bar, Club & Cafe 銅鑼灣

Miusik Bar, Club & Cafe 評價 相片

一入去見到場肉環境好大 仲有好多令酒!是日晚餐 朋友叫左呢個牛仔骨飯 配左個好特別既汁 ,出面食唔到!!!真係好好味!!!呢個價錢有咁多塊牛仔骨真係好抵!!!我就叫左呢個旦包飯 由於黎左多次 同後生老闆熟左 佢以優惠價請我食左d魷魚!!!大家值得一試!!!!好好味老闆好好人 , 好好傾 又同我地分享佢既入廚心得!傾完計先知原來佢年紀輕輕真係估唔到!!不禁講左好多句 厲害!!同朋友坐左2個鐘 , 大約9點已經好多人入座!我地都唔好意思坐咁耐 買單走人!下次一定會再黎幫襯

今天終於嚐到不用排隊午餐的滋味店面沒有豪華裝潢，但整潔叫了個套餐，味道不錯湯和飲料先上，主菜也很快來到 牛仔骨飯雖然很普通，但它的醬汁卻很特別是巴黎牛油汁，哈哈去了幾次法國也從來末聽過可以是自創的吧!

一路都知呢間野一到星期5就有band show上個星期5第一次去睇真係屈機,彈琴果個好型呀飲左杯whisky,都唔係好貴,平過我去LKF好多玩到2點幾肚餓,叫左個雞比,5大件,$40幾平到笑,我之前去尖咀寶XX果d 酒吧成$98 @@ haha 下星期再去睇靓仔!

今日係灣仔整完身份證，就過左銅鑼灣搵個fd，下就兩點幾，大家都未食野經過sogo對面見到有新cafe開張幾有興趣，所以就上左黎試新野啦 第一次黎食，個場都算好大，見到menu上既野食都幾吸引，就叫左3款試下第一樣就係卡邦尼煙肉意粉，係連餐湯同1杯飲品既，我就叫左巨峰梳打個湯都ok哈哈我覺得個杯既shape好得意，好飲又大杯 份量ok，材料足，再落d芝士粉，正 B)另一樣我地叫既就係芝士肉醬焗薯皮，加錢有得轉set送野飲，所以朋友就加左杯梳打上枱個陣熱辣辣，薯皮係有d薯肉連住，唔係齋得層皮，睇得出係真材實料有俾心機整我地仲叫左瑞士雞翼不過唔記得影相，都係唔錯既選擇可能因為新開，客人唔算多，但係食物既質素比起好多cafe真係好好多地理位置都好方便，希望佢地會保持水準，愈黎愈多生意啦

我同班朋友 4PAIRS 人.. 個個星期6都會聚一聚.8個人一齊玩..真係好開心~但次次都係6點幾約左出黎CWB 都要周圍搵野食... 唉.... 成個CWB 都食哂喇就黎~搵到野食之後.. 唔係就咁簡單.. 又要搵下文... 咁無理由星期6唔玩盡去架麻..所以次次都要食完之後..成班一玩間野坐低吹水..今日... 俾我地解決左一直以黎既問題!!咁岩行過SOGO對面... 有人派傳單話果面有間新開CAFE BAR!!!咁我地對食咩又無太大所謂.. 最好係之後坐幾耐都得麻~~~咁咪上去睇下喇!! 6:30上到去見到個場都幾靚.. 仲有少少人食緊野~咁我地8個人.. CAFE個人就俾個好大既位我地坐.. 話俾我地坐就舒服D.... 餐牌都好簡單.. 有正餐, 小食, 同飲品... 我地不嬲鍾意慢慢食..一路食一路吹水... 所以只係叫左小食同飲品先..... 我地試左個肉醬焗著同田螺著蓉先.. 哇~!!個田螺著蓉好鬼正~~ 估唔到小小既CAFE都有D咁既野食.. 我地仲叫左個炒雞餐~~~ummmm.. 都係好好味~~咁我地開始對佢地有信心喇!!之後既海鮮意粉同芝士磨姑意粉都好正!!!!飲品既話~ 我地最鍾意佢d乳酸系列..... 記得+椰果或者魔豆....我地一路食... 仲一路玩飛標呀, winning 呀... 低b game!!之後我地決定留低飲埋酒~!!!!最後我地叫左幾set 啤酒同cocktail..仲有叫埋炒雞腎同炒魷魚送酒~~ 真係十級享受~~ 我地咁耐都未試過會一間bar d 小食可以咁鬼正~!!!又熱又好味`!!!又唱k又吹水到3點先走人~~!!!!估唔到埋單每日只係$200真吹脹!! 又食又玩又飲都只係平時飲酒既價錢!?cafe個個男仔話... 因為新開.. 所以客人食完cafe之後留低飲酒又好多優惠!!!!我地下星期會再去~~ 有幾會一齊玩~

Miusik Bar, Club & Cafe餐單提供西式, 西餐廳, 酒吧等推介美食位於銅鑼灣區，餐廳座位數100人均消費約$101-200，結賬可以用Visa,Master,現金。

您對於銅鑼灣餐廳「Miusik Bar, Club & Cafe」有何 comment？

Miusik Bar, Club & Cafe餐廳詳細資料：

• Miusik Bar, Club & Cafe地址:
  銅鑼灣怡和街2-6號英光大廈13樓
  Miusik Bar, Club & Cafe, 13/ F, Ying Kong Mansion,2-6 Yee Wo Street, Causeway Bay
• Miusik Bar, Club & Cafe電話:  
• Miusik Bar, Club & Cafe價錢: $101-200
• 分類: 西式, 西餐廳, 酒吧
• 座位: 100
• 付款: Visa,Master,現金
• FB專頁: Miusik Bar, Club & Cafe Facebook

更多Miusik Bar, Club & Cafe相關資料:

• Miusik Bar, Club & Cafe分店
• Youtube
• Facebook
• Twitter
• Google