MOO MOO Plus 銅鑼灣

MOO MOO Plus 評價 相片

幾好feel wo。

百德新街尾對住海旁有間西餐廳，可以outdoor，望下海景，chill住咁嘆個happy hour😌，的野食都幾靚，又幾好食，行過可以試下👍🏻🔻MM+ Drumstick $54/6pc🔻即係MM+雞槌🍗，6隻我就唔係幾夠喉🤭，因為會跟4個醬汁😍，Buffalo sauce辣辣地，honey mustard甜甜地，Wasabi mayo 就甜酸辣都有齊，而Truffle sauce就係最傳統既好味☺️，一隻雞槌點4個醬真係好正😍，而且雞槌本身好夠香草味，既使唔要任何醬汁都好好食🤤🔻BBQ Spare Ribs $198🔻睇落好似得幾條過，切開就發現好厚肉🤩，食落真係啖啖肉🍖，肉汁爆晒出黎，煮得入味👍🏻，唔係淨係得個厚字。

另配茄汁同chill sauce，食嗰陣加少少🤏又惹味啲，跟既薯條🍟份量適中，內裏充滿薯泥，口感唔錯😌🔻Causeway MOO $138🔻MM+推介👍🏻，漢堡包🍔就好多地方都有得食，但依個漢堡包係有鵝肝😍，我自己就唔多遇到，見到梗係要試吓🤤，除左鵝肝仲有安格斯牛肉🥳。

切開漢堡包即刻漏油🤤，食落鵝肝味的確幾香，同牛肉幾夾喎😍，有的蕃茄，生菜🥬又中和左個油膩感，確係要試下👍🏻🔻MOO MOO $60🔻睇個顏色就知係芒果味啦😌，除咗芒果之外仲有帶有荔枝味，清清地唔搶芒果味👍🏻，互相輝映🥳，杯邊仲有啲椰絲點綴下，如果連埋啲椰絲飲一啖，又另就風味🤩🔻Kick ASS $60🔻聞落好香桃同士多啤梨🍓味，飲落又會有菠蘿味🍹，以果味為主，甜酸清香又解渴🤤。

餐廳：MOO MOO Plus (銅鑼灣)地址：銅鑼灣百德新街5965號Fashion Walk地下C&D號舖之前係觀塘食過一間唔錯嘅漢堡包店MOO MOO🍔，得知佢地係銅鑼灣開咗間MOO MOO Plus，cross over咗酒吧嘅形式示人🥂，所以專登同個好朋友去食野飲酒吹下水👬除咗有bar枱之外，規模、場地同環境都係觀塘店嘅升級版，唔知係唔係因為呢個關係，所以多咗個「➕」係店名後面呢😆經典薄餅 MOO MOO+ Classic Pizza $98經典薄餅以意大利辣香腸、火箭菜、芝士同意式香草茄汁🥫為材料，呢個薄批邊邊香脆可口🍕，芝士同辣香腸嘅份量都好足，每一啖都有濃厚芝士香🧀，係經典Pizza嘅典範👍🏼銅鑼堡 Causeway MOO $138難得嚟到漢堡店點可以唔食漢堡包呢🍔？呢個銅鑼堡係餐廳推介嘅漢堡，餡料有鵝肝、安格斯牛肉🐂、芝士🧀、蕃茄🍅、生菜🥬同MOO MOO汁，職員知道我哋喺share嚟食，仲主動幫我哋切開一半，超級細心🥰；鵝肝好大件，同煎香嘅安格斯牛肉互相輝映，肉汁豐富仲好惹味，好想食多個啊😋另外叫咗兩杯餐嘅signature cocktail，一邊飲一邊傾偈，絕對係享受Bromance嘅時刻🍻Chocolate Bunny $72有天萬利(Tia Maria)，一種世界著名嘅牙買加頂級藍山咖啡豆利口酒☕️、黑朱古力甜酒🍫(Creme de cacao dark)、百利甜酒(Baileys)，同鮮忌廉；每一啖都有濃濃酒香，同埋淡淡嘅咖啡同朱古力味，加上唔少嘅忌廉，令酒嘅texture變得更豐富Nuts $72朋友叫咗呢杯有白蘭地(Brandy)、榛果香甜酒(Frangelico)、朗姆酒(Malibu)、香蕉香甜酒🍌(Creme de banana)、奶油同牛奶🥛嘅雞尾酒🍹，酒香突出，亦相對較甜同creamy

必試銅鑼堡＋Moo Moo啤～～～等咗好耐好耐終於星期六 一放假就緊係要試下新野啦 呢間喺銅鑼灣開咗唔係好耐嘅漢堡包店 之前朋友試過話個鵝肝包好正 搞到我一直都心思思今日終於等到放假有得黎 真係好開心呀～～～餐廳裝修好開揚 有好多自然光透入嚟 感覺好舒服坐地之後 我地首先叫咗一個銅鑼灣堡 之後再叫咗牛油果柚子沙律 佢地嘅自家moo moo啤 同埋意式咖啡奶凍～～～銅鑼堡：所謂嘅銅鑼堡 其實就係我期待已久嘅鵝肝牛肉burger 材料有 鵝肝 優質安格斯牛肉 芝士 蕃茄 生菜同 moo moo汁😁非常豐富 醬汁獨特得來又唔會太濃 啱啱號 鵝肝好Juice 令到牛肉整體變得更加濕潤 個包仲有用牛油輕煎過 正 推薦大家一試～～～牛油果柚子沙律 ：材料有 牛油果 柚子肉 車厘茄 紅洋蔥 同田園沙律醬配和風柚子汁 酸酸甜甜嘅醬汁好開胃 材料亦都好清新 配搭比較重味嘅漢堡包食就啱啱好balance～～～Moo moo啤：呢款手工制嘅啤酒 而家可以用優惠價試 所以我哋就叫咗一啲黎試下 點知味道真係非常喜出望外 清清甜甜嘅酒味同漢堡包非常夾 味道媲美好多得獎嘅手工啤 好有驚喜～～～推薦度：🔥🔥🔥🔥🔥🔥🔥🔥MOO MOO Plus (銅鑼灣)銅鑼灣百德新街5965號Fashion Walk地下C&D號舖

好耐無同J一齊食lunch, 今日終於相約在銅鑼灣新開的Moo Moo Plus一齊食吓嘢，傾吓計。

餐廳前身是Wilfire,重新裝修的Moo Moo更加乾淨整齊，座位與座位之間分隔甚寬，非常舒適。

Set lunch價價由$78$98，主要是Salad, Burger, Pasta, Fish & Chips, 好抵食。

但今日我和J都決定散叫。

Roast Beef Salad$108~好豐富的燒牛肉沙律，除了有燒牛肉外，還有红洋葱，車厘茄，黑水欖和新鲜沙律菜，配意大利油醋汁，又健康，又開胃。

燒牛肉有6大片，牛味濃郁，肉質濕潤而有咬口，加上pepper已很滋味。

Moo Moo Plus Meatball Spaghetti$128~肉丸又大粒，又彈牙，意粉口感煙韌爽彈，配大量茄醬，茄碎和香草，非常磁味。

Tropical Moo Burger $126~鬆軟的麵包下是半溶的芝士，脆口煙肉，香甜juicy的波蘿，勁厚牛味濃郁的漢堡扒，還有新鮮的蕃茄和生菜， 口感豐富而有層次，非常美味。

Bolognese Fries (+$18)~任何Burger餐加$18仲可以揀原價$58的薯條，薯條炸得香脆，加入大量芝士和蕃茄肉醬真是勁滋味。

New York Cheese Cake$58~口感幼滑，芝士味濃郁，伴碟還有藍莓和紅莓，清新可口。

今日行銅鑼灣，經過世貿海旁嗰邊見到呢間新開既餐廳，睇過menu又唔貴，就同朋友入去坐底食下野。

餐廳有沙發位，又有海景窗口高枱位真係幾正。

menu 食物種類都幾多，burger ，意粉同pizza都有。

而drink 都有好多選擇，cocktail 都係七十幾左右。

一坐底個staff就俾咗兩個口罩套，抵讚！Tropical Moo 牛肉幾厚身，煮得啱啱好。

加上煮到脆卜卜既煙肉同燒波羅，口感豐富又邪惡。

另外，值得一讚既係佢個麵包有用牛油煎過，好香牛油味又脆脆地，正。

而佢嘅伴菜有少少嘅沙律。

Classic pizza 呢個好經典嘅Pizza，主要係有芝士同辣肉腸。

首先一上枱見到佢個批底，係薄脆批底，先俾like佢！佢芝士都俾得好慷慨，成個Pizza都係滿滿嘅芝士同辣肉腸。

Calamari 佢個calamari炸得幾香脆，個炸粉仲落咗少少香草。

Pink panther 呢杯沙冰一飲落口就飲到佢用新鮮嘅生果去食，飲落好天然同好有莓味，有驚喜！

MOO MOO Plus餐單提供西式, 美國菜, 漢堡包, 酒吧等推介美食位於銅鑼灣區，餐廳座位數80人均消費約$101-200，結賬可以用Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付，Booking訂位可以電話致電 56912880 查詢。

您對於銅鑼灣餐廳「MOO MOO Plus」有何 comment？

MOO MOO Plus餐廳詳細資料：

• MOO MOO Plus地址:
  銅鑼灣百德新街59-65號FashionWalk地下C&D號舖
  MOO MOO Plus, Shop C& D, G/ F,59-65 Paterson Street, Fashion Walk, Causeway Bay, Causeway Bay
• MOO MOO Plus電話: 56912880
• MOO MOO Plus價錢: $101-200
• 分類: 西式, 美國菜, 漢堡包, 酒吧
• 座位: 80
• 付款: Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付
• FB專頁: MOO MOO Plus Facebook

更多MOO MOO Plus相關資料:

• MOO MOO Plus分店
• Youtube
• Facebook
• Twitter
• Google