Home 銅鑼灣

Home 評價 相片

是日慶祝生日, 朋友推介呢到既羊架係好好食...所以我就去試試看....咁叫左兩個set dinner...咁先黎個湯先, 一個周打蜆湯, 另一個係onion soup...雖然呢到既onion soup都唔錯...但略為嫌佢太早放個toast係個湯面, 搞到塊包好林...加上如果再多小小芝士係面, 味道會更為出色....周打蜆湯唔算太濃, 好creamy...非常唔錯..到main course, 叫左一個羊扒 + risotto...好少食到羊扒既我, 覺得比羊架冇咁酥, 而且食落既質感好似食牛扒咁香濃, 味道的確唔錯..而且煮既時間唔算太耐, 都有五六成, 好食....意大利飯, 第一次試用蕃茄煮, 味道都好好, 令人開胃既一個飯, 雖然冇平時以cream+cheese去煮既意大利飯來得creamy...但用呢個方法煮既意大利飯都令人胃口大開...不過的選擇....甜品方面, 個triple cholocate waffles都好好..中間個cream係包住左cholocate icecream..再加上剛做好既waffles, 一冷一熱, 仲帶有脆脆的感覺, 絕對值得再去食....加上價錢唔貴, 所以都係抵食之選, 以銅鑼灣黎計....

很久沒有來 Home喇！如果要來吃tea，就只有在星期五到星期天，因為這裡閒日下午是休息的。

這份waffle比較light，吸收到一定份量的糖漿，但又不會太濕太腍，簡單配牛油和syrup，再加一杯cappuccino 已是一個不錯的tea。

煙三文魚沙津還蠻新鮮，份量恰當。

Cappuccino 要了脫脂奶，奶泡都不會鬆散！悠悠閒閒的就這樣過一個下午多好！

話說這間餐廳係我表妹找來和我慶祝生日的，都未試過咁一於決定去一去！見到開飯啦既相片都好似不錯既。

那天，我們約定了七點在那兒等……我早到了，便入座等，反正那時也還未見人客……我被安排坐在窗邊位置^^一邊看街景，一邊影下室內既設計，又睇下叫咩食。

等左陣，表妹來了，真開心！大家研究了一番，便決定叫了意大利飯(好像有黑松露),又叫了炸魚和腸……全部唔記得個名。

。

仲叫左兩杯花茶消滯……,意大利飯一向係我至愛，好香菌味，煙韌程度良好！但是多吃的話很膩……接著係腸，一向不太好腸此類食物，皆因咸！所以冇能吃掉全部……炸魚亦是可以接受，外脆，內軟，有醬可沾，太飽……唯有喝花茶有望消滯吧！環境ok..都會有下次。

我鐘意食，不過唔鐘意搵野食。

好在我的好朋友鐘意，呵呵。

人生有個真正朋友的確好～～～極！食極唔肥美女朋友 T約我在Home吃晚餐，據說呢間成日都book唔到位（丫不過其實香港有好多地方即使唔好食都未必book到位真係唔知點解）。

店面不大，不過感覺舒服，有少少外國小店感覺。

近街位置都是落地玻璃，雖然望出去都是馬路和砵砵車，但在香港已經算係咁啦仲想點。

我們都點了3 course set dinner, ２人的前菜同是這個芒果汁蝦沙律（本人記菜式名字能力：０）。

好好味好清爽好甜啊～　我好少可以食野食到乾乾淨淨（對於將來會以嫁豆皮佬已認命），呢個真係食的好開心，應該會係大多女士們favorite。

推推推～朋友點的煎魚同我點的德國腸。

其實以我的口味應該是點煎魚來吃，不過因為個沙律太好味，我個邏輯思維就變成：沙律好好味＞野食應該好好味＞既然全部野食都好好味＞就試下平時唔會鐘意食既野係咪都好好味所以我點了腸。

點餐時個店員都話左好味架。

結論是：都算好味。

起碼唔喜歡濃味野的我食到一大半，朋友個煎魚就非常香口非常好味正正正，但無理由喪食人地０個碟嘛，所以我一定好快再黎食多一次個魚。

甜品加錢可以轉成窩夫。

由於店舖係open kitchen，整窩夫時已經聞到好香，食落亦都唔錯。

我要再來翻啅個沙律同個魚！！！ I will be back! 

今日約左個朋友一齊食lunch,佢提議去加路連山道既食街睇下有無好野岩食，最後揀左一間叫HOME既意大利餐廳，叫左兩個set lunch，頭盤要左南瓜湯同三文魚沙律，之後牛柳同龍利柳刀上埋，睇個樣已經好正丫！牛柳我地要3成熟，佢既既肉質刀好林，個黑椒汁刀好正！俾95分啊！！！！個龍利刀好香！外脆內軟！！食完仲試埋佢地既orange brownie！！好好味丫！餐茶就要左杯black coffee同hot chocolate！！整體好好好好好正！會再反去試埋其他野食！

Home餐單提供多國菜, 西餐廳, 咖啡店等推介美食位於銅鑼灣區，餐廳座位數20人均消費約$201-400，結賬可以用Visa,Master,現金,AE。

您對於銅鑼灣餐廳「Home」有何 comment？

Home餐廳詳細資料：

• Home地址:
  銅鑼灣加路連山道11號地舖
  Home, G/ F,11 Caroline Hill Road, Causeway Bay
• Home電話:  
• Home價錢: $201-400
• 分類: 多國菜, 西餐廳, 咖啡店
• 座位: 20
• 付款: Visa,Master,現金,AE
• FB專頁: Home Facebook

更多Home相關資料:

• Home分店
• Youtube
• Facebook
• Twitter
• Google